Rüfət Göyüşov
borclunun üzərinə düşən vəzifələri icra etmədiyi halda müştəri
tərəfindən AR MM-in 441.2-ci maddəsi ilə təmin olunmuş qarşılıqlı
öhdəliyin icra edilməməsi hüququ başa düşülür. Çünki faktorinq
müqaviləsi üzrə əsasən mövcud tələblər güzəşt edilir. Əgər borclu
üzərinə düşən vəzifələri lazımınca icra etmiş olsaydı, kreditorun
(faktorun müştərisinin) tələb hüququ da yaranmayacaqdı və bu halda
güzəşt ediləsi bir hüquq da qalmazdı. Burada əsas məqam tələbin
faktora güzəştindən sonra müştəri tərəfindən borcluya münasibətdə
öhdəliyin icrası ilə əlaqədar etməli olduğu hərəkətlərin
dayandırılmasından ibarətdir. Borclunun həyata keçirtdiyi ödənişlər
güzəşt edilmiş tələblərlə əlaqədar olduğu üçün ödənilmiş məbləğin
geri qaytarılmasını tələb etmək qanunvericiliklə qadağan edilmişdir;
c) borclu faktorun müştəri qarşısında öhdəliyini icra etməməsi
halında faktora ödədiyi məbləğin qaytarılmasını tələb edə bilər. Belə
ki, AR MM-in 657.8-ci maddəsində müəyyən olunmuş qaydaya
əsasən, əgər borclu hər hansı tələb üzrə faktora ödədiyi məbləğin
qaytarılmasını tələb etmək hüququna malikdirsə, faktordan həmin
məbləğin qaytarılmasım yalnız o halda tələb edə bilər ki, faktor bu
tələb üzrə mal göndərənə ödəmə öhdəliyini icra etməsin və ya
borclunun ödənişinin aid edildiyi mallar barəsində müqavilənin
müştəri tərəfindən yerinə yetirilmədiyini, lazımınca yerinə
yetirilmədiyini və ya yerinə yetirilməsinin gecikdirildiyini bildiyi
məqamda icra etsin.
64
II fəsil.
Dəyişdirmə müqaviləsi
II
FƏSİL. Dəyişdirmə müqaviləsi
2.1.
Dəyişdirmə müqaviləsinin anlayışı
Dəyişdirmə müqaviləsinin anlayışı AR MM-in 662.1-ci
maddəsində aşağıdakı kimi verilmişdir: "Dəyişdirmə müqaviləsinə
görə tərəflərdən hər biri başqa tərəfin mülkiyyətinə bir əşyanın
müqabilində digər əşyanı verməyi öhdəsinə götürür".
Dəyişdirmə müqaviləsi maddi nemətlərin dövriyyəsini
şərtləndirən insanlıq tarixinin ilk əqdlərindən biri olmaqla, təkamül
prosesində mübadilə vasitəsi kimi pulun dövriyyəyə girməsi ilə öz
yerini daha mütəşəkkil olan alqı-satqı müqaviləsinə vermişdir. Belə
ki, mübadilə vasitəsi kimi pul vəsaitlərinin çıxış etmədiyi dövrlərdə
bu ünsiyyət formasından geniş istifadə olunurdu. Alqı-satqı
müqaviləsi öz başlanğıcını dəyişdirmə müqaviləsindən götürsə də,
hal-hazırda üstün və əhatəli tənzimetmə metodu vasitəsilə dəyişdirmə
müqaviləsini öz çətiri altında yerləşdirir. Bu tendesiyanı dəyişdirmə
müqaviləsinin
tənzimlənməsi
ilə
əlaqədar
qanunvericinin
yanaşmasında da görmək olar. Mülki Məcəllənin alqı-satqı
müqaviləsinə həsr olunmuş normaları iki fəsil (29 və 30), səkkiz
paraqraf olmaqla 95 maddəni (567-662) əhatə etdiyi halda,
dəyişdirmə müqaviləsinin tənzimlənməsi ilə əlaqədar məsələlərə
cəmi 4 maddə (662-666) həsr olunmuşdur. Təbiətinə görə biri-birinə
yaxın olan müqavilələr arasında yaranmış boşluğu aradan qaldırmaq
məqsədilə qanunverici AR MM-in 662.2-ci maddəsində belə bir
qayda müəyyən etmişdir ki, dəyişdirmə müqaviləsinə alqı-satqı
haqqında göstərişlər müvafiq surətdə tətbiq edilir.
Dəyişdirmə müqaviləsi daxili iqtisadi münasibətlərdə az istifadə
olunsa da beynəlxalq ticarətdə bu müqavilə formasından geniş
istifadə olunur. Beynəlxalq ticarətdə bu müqavilə barter müqaviləsi
adı ilə tanınır. Barter müqaviləsinin üstünlüyü tərəf-
65
Rüfət Göyüşov
brin bir mah satıb yerinə başqa malı almaq istəkləri üst-üstə düşdüyü
halda zamana və vəsaitlərə qənaətə imkan verməsidir'.
Dəyişdirmə müqaviləsi müstəqil müqavilə olmaqla bərabər, bəzi
hallarda alqı-satqı münasibətlərinin məzmunundan irəli gələ bilər.
Alqı-satqı müqaviləsinin predmetinin dəyişdirilə bilməsi iki hal ilə
əlaqədardır. Bunlardan birincisi mübahisəli, ikincisi isə normal
münasibətlər çərçivəsində alqı-satqı müqaviləsinin predmetinin
dəyişdirilməsini nəzərdə tutur. Birinci hala, satıcı üzərinə düşən
öhdəliyi lazımi qaydada icra etməməsi ilə əlaqədar olaraq (məsələn,
keyfiyyətsiz əşyanın satılması halında alıcının bu əşyanı dəyişdirə
bilməsi hüququ və s.) qanunverici tərəfindən təmin edilmiş alıcının
malın dəyişdirməsini tələb etmək hüququ aiddir. Bu münasibətlər
müstəqil dəyişdirmə müqaviləsinin əsası ola bilməz. Çünki
keyfiyyətsiz mal ilə əlaqədar alıcının malın dəyişdirilməsini tələb
etmək hüququ qarşısında satıcının qanunla müəyyən olunmuş və
alqı-satqı müqaviləsinin məzmunundan irəli gələn adekvat vəzifəsi
durur. Yəni alıcı belə bir tələb irəli sürdüyü təqdirdə satıcının bundan
imtina etməsi imkanı olmur. O, məcburən keyfiyyətsiz mah
dəyişdirməlidir.
Digər hala normal münasibətlər çərçivəsində, yəni həm alıcı, həm
də satıcı tərəfindən üzərlərinə düşən vəzifənin layiqincə yerinə
yetirildiyi təqdirdə AR MM-in 623.1-ci maddəsində nəzərdə tutulan,
alıcının malın dəyişdirilməsini tələb edə bilməsi hüququ aiddir.
Həmin normaya əsasən, əgər satıcı tərəfindən daha uzun müddət elan
edilməyibsə, alıcı qeyri-ərzaq malının ona verildiyi andan on dörd
gün ərzində aldığı mah alış yerində və satıcının elan etdiyi digər
yerlərdə başqa ölçülü, formalı, qabaritli, fasonlu, rəngli və ya
quruluşlu oxşar mala dəyişdirə bilər. Bu zaman qiymətdə fərq
olduqda satıcı ilə lazımi hesablaşma aparılır.
Lakin alıcı bu hüququnu müəyyən şərtlər daxilində həyata keçirə
bilər. AR MM-in 623.2 maddəsində nəzərdə tutulmuş
' Гражданское право: Учебник. Том II. /Под ред. А.П.Сергеева, Ю.К.Тодс-
того. М.: Проспект. 2003, с. 128.
66