VII fəsil. Əvəzsiz istifadə müqaviləsi
ququ və daşınmaz əmlaka digər hüquqlar, bu hüquqların
məhdudlaşdırılması, əmələ gəlməsi, başqasına keçməsi və xitamı
dövlət qeydiyyatına alınmalıdır. Odur ki, daşınmaz əmlakla əlaqədar
bağlanılan əvəzsiz istifadə müqavilələri yazılı formada olmaqla
notarial qaydasında təsdiqlənməli və rəsmi reyestrdə qeydə
alınmalıdır. Torpaq sahəsi üzərində istifadə hüququ daşınmaz əmlak
üzərində yüklülük müəyyən etdiyi üçün, bu haqda informasiya rəsmi
reyestrdə qeydə alınmaqla həmin torpaq sahəsini əldə etmək istəyən
bütün şəxslər üçün açıq olmalıdır. Rəsmi reyestrdə müvafiq qeyd
aparılmadıqda, əmlakı əldə edən şəxs kirayəçinin hüququ ilə yüklü
torpaq sahəsini əldə etmiş olacaqdır'. Bu da satıcının alıcıya üçüncü
şəxslərin hüquqlarından azad əşya vermək vəzifəsinin (bax. AR MM,
mad.572.1) icrasının pozulmasına və gələcəkdə müəyyən
mübahisələrin yaranmasına səbəb ola bilər.
Ssuda müqaviləsinin mühüm şərti kimi müqavilənin predme- ti
və əvəzsizlik şərti çıxış edir. Predmet haqqında razılaşma istənilən
müqavilənin mühüm şərtidir. Müqavilədə əvəzsiz istifadəyə verilən
əşya haqqında məlumat olmadıqda hesab edilir ki, predmet haqqında
tərəflər arasında razılaşma əldə olunmadığı üçün müqavilə
bağlanmamışdır^
Əvəzsizlik şərtinin müqavilənin mühüm şərtlərinə aid olması
məsələsi isə mübahisəlidir. Rus alimlərindən A.Y.Kabalkina hesab
edir ki, əvəzsizlik müqavilənin mühüm şərtləri sırasına deyil,
müəyyənedici əlamətlərinə aiddir. Odur ki, əvəzsiz istifadə
müqaviləsi çərçivəsində münasibətlərin əvəzsiz olması barədə əlavə
şərtə ehtiyac yoxdurb
' Гражданское право. Том И. Полутом 1: Учебник / Отв.ред.проф.
Е.А.Суханов - М.: Волтере Клувер, 2004, стр. 422.
- Гражданское право; Учебник / Под. ред. А.П.Сергеева, 10.К.Толстого. Том
2. М.: Проспект, 2003, с. 348.
■’ Гражданское право: Учебник: 4.2. Обязательственное право / Под ред.
В.В.Залесского. М., 1998, с. 214.
193
Rüfət Göyüşov
Digər rus alimlərindən A.A.İvanov bu mövqe ilə razılaşmayaraq
qeyd edir ki, əvəzli istifadə müqaviləsi - hüquqi nonsens olardı.
Əvəzsizlik əlamətinin müqavilənin mühüm şərtləri sırasına aid
edilməsi əsassız deyildir və müəyyən praktiki nəticələr doğurur.
Tərəflər müqavilə bağlayarkən əşyanın əvəzsiz istifadəyə verilməsini
razılaşdırmalıdırlar. İstifadənin əvəzsizliyi müqavilənin adından və
ya məzmunundan irəli gəlməlidir. Əks halda əmlakdan istifadə
münasibətləri əvəzli qəbul olunmaqla icarə müqaviləsinin
əlamətlərinə malik olacaqdır'. Xatırladırıq ki, icarə müqaviləsinə
münasibətdə icarə haqqı müqavilənin mühüm şərti hesab olunmur.
İcarə müqaviləsində icarə haqqının əks olunmaması müqavilənin
əvəzsiz olduğuna dəlalət etmir.
Bir daha qeyd edirik ki, sonradan müqavilənin etibarsız sayılması
təhlükəsi ilə üzləşməmək üçün razılıq əldə olunması vacib olan
şərtlər müqavilənin mühüm şərtləri hesab olunur.
Əvəzsiz istifadə müddət göstərilməklə və müddət
göstərilmədən bağlanıla bilər. Müddət göstərilmədən bağlanılan
əvəzsiz istifadə müqaviləsi qeyri-müəyyən müddətə bağlanmış
müqavilə hesab olunur. Əgər kirayə müddəti göstərilməyibsə, yaxud
əvəzsiz istifadə məqsədlərinə əsasən onu müəyyənləşdirmək
mümkün deyilsə, o zaman AR MM-in 736.3-cü maddəsində olan
qayda tətbiq olunur, yəni ssuda verən əvəzsiz istifadəyə götürülmüş
əşyanın qaytarılmasını istənilən vaxt tələb edə bilər.
Qanunvericilikdə bəzi əmlak növlərinin əvəzsiz istifadəyə
verilməsinin yuxarı həddi göstərilmişdir. Misal üçün, AR Meşə
Məcəlləsinin 26-cı maddəsində nəzərdə tutulmuş qaydaya əsasən,
meşə fondu sahələrinin bir ilə qədər qısamüddətli istifadəyə verilməsi
Azərbaycan Respublikasının müvafiq icra hakimiyyəti orqanının
müəyyən etdiyi qaydada həyata keçirilir.
' Гражданское право; Учебник / Под. ред. Л.П.Сергеева, Ю.К.Толстого. Том
2. М.: Проспект, 2003, с. 348.
194
VII fəsil. Əvəzsiz istifadə müqaviləsi
Roma hüququnda əvəzsiz istifadə müqaviləsi müddətli müqavilə
idi. Əmlakın müddət göstərilmədən müvəqqəti istifadəyə verilməsi
digər bir müqavilə münasibətlərinin - prekari (preca- rium)'
yaranmasına səbəb olur. Onun əsasında əmlak üzərində tam olaraq
mülkiyyətçinin iradəsindən asılı olan prekar sahiblik və istifadə
hüququ yaranırdı.
Vaxtı ilə prekari adlanan müqavilə münasibətləri, bizim hüquqi
reallıqda müddət göstərilmədən bağlanılan ssuda müqaviləsi kimi
tanınır. Məsələn, iki avtomobili olan hər hansı şəxs zərurət
yarandıqda, onu geri götürmək şərti ilə avtomobillərdən birini digər
şəxsə istifadəyə verirsə, bu, qeyri-müəyyən müddətə bağlanmış
əvəzsiz istifadə müqaviləsi olacaqdır^
7.2.
Əvəzsiz istifadə müqaviləsinin tətbiqi
dairəsi və onun yaxın müqavilələrdən fərqi
Əvəzsiz istifadə müqaviləsi sahibkarlıq fəaliyyətinə aid olmayan
sahələrdə tətbiq olunur. Bu müqavilə növünə daha çox insanlar
arasında məişətdə (şəxs avtomobilini qohumunun əvəzsiz istifadəsinə
verir), mədəni-mənəvi ehtiyacların ödənilməsində (kitabxanalar
tərəfindən oxuculara kitabların təqdim olunması), sponsor
münasibətlərində rast gəlinir^
Əvəzsiz istifadə müqaviləsi bütün əlamətlərinə görə əmlakın
istifadəyə verilməsi ilə əlaqədar yaranan müqavilələr qrupuna aiddir.
Bu tip müqavilələrdən yeganə fərqi onun əvəzsiz olmasıdır.
' См.: Римское частное право /Под ред. И.Б.Новицкого и И.С.Перетер- ского.
М.: Юрист, 2002. стр. 409-410.
^ Гражданское право. Том II. Полутом 1: Учебник / Отв.ред.проф.
Е.А.Суханов - М.: Волтере Ю|увер, 2004, стр. 422.
’ Гражданское право. Том II. Полутом 1: Учебник / 0|В.ред.проф.
Е.А.Суханов - М.: Волтере Клувер, 2004, стр. 423.
195
Dostları ilə paylaş: |