32
xan tozdu. Müsyö Qrenyö arabanın qozlasında oturub ətrafa
baxır, tez-tez geri çevrilib daha çox bacısına xitabən təbiətin
gözəlliklərini öyürdü. Madam Qrenyö gözümə qüssəli dəydi,
vətəninə qayıtdığına sevinib-sevinmədiyini ayırd eləyə bilmədim.
David onun yanında əyləşmişdi, kübar görkəmilə öz mülkünü
seyrə çıxmış ağaya oxşayırdı. Mən atla getməyə daha çox üs-
tünlük verərdim, amma başımı yan tərəfdəki nəfəslikdən çıxarıb
baxmağa məcburdum.
30. İki gecə hansı kəndlərdəsə gecələdiyimiz yadımdadı:
birində yol qırağındakı cəmi beş hücrəsi olan balaca karvansara-
ya düşmüşdük, bizdən savayı da müştərisi yox idi, ona görə gen-
bol yerləşə bildik; ikinci gecə qonaqpərvər bir Allah bəndəsinin
qonağı olduq, Qrenyölər bir otaqda, Davidlə mənsə o biri otaq-
da yatdıq, bizi ötürən qaradinməz, zəhmli kişiyə – Paranoza
tövlənin bir bucağında yer tapıldı. Üçüncü gün axşama yaxın
mənzilbaşına yetişdik, o gecəni də limana yaxın bir evdə – ahıl
türk ər-arvadın qonağı olduq – gəmi səhəri gün günorta namazın-
dan bir saat qabaq yola çıxmalıydı, bizi yerbəyer eləyəndən son-
ra məni də dilmanc sifətilə götürüb gəmiçibaşını axtaran müsyö
Qrenyö danışıb-razılaşmamış, behini verməmiş əl çəkmədi. Ara-
banı da, bələdçimizi də yola salandan, ev sahibəsinin elə xalça-
nın üstündə açdığı süfrədə aclığımızı yatırandan sonra ümmanın
yüz əlli-iki yüz addımlığındakı o evdə keçirdiyimiz narahat gecə
də yadımdadı; daha doğrusu, Davidi bilmirəm, mən ömrümdə
ilk dəfə ümman gördüyümdən, elə bil hövllənmişdim. Alçaqta-
vanlı balaca otağın açıq kiçik pəncərəsindən dalğaların uğultu-
suna qulaq asa-asa yatağımda ehtiyatla o tərəf-bu tərəfə çevri-
kirdim, çalışırdım ki, rahatca yuxuya gedən Davidi oyatmayım.
Özümü butasına yetişmək üçün yola çıxan dastan qəhrəmanı
sayırdım: ümmanda başıma gözlənilməz macəralar gələcəkdi, tu-
fanlarla, quldurlarla döyüşəcək, axırda sağ-salamat mənzilbaşına
çatıb butama yetişəcəkdim. O açıq pəncərədən süzülən Ay işı-
ğına baxa-baxa Züleyxa barədə də düşündüm. Müsyö Qrenyö
uzaq səfərimizin nə qədər çəkəcəyini deməmişdi, amma həmin
məqamda mənə elə gəldi, bu gedişimin dönüşü yoxdu, yəqin, bu
səbəbdən göz yaşlarım axıb yanağımı islatdı.
33
31. Mindiyimiz ikidorlu Veneziya gəmisi əvvəlcə İstan-
bul səmtinə yönəlmişdi, sonra yavaş-yavaş quzeyə sarı səmt
götürməyə başladı. Bunu gəmiçibaşıyla dil tapmış, tez-tez ona
baş çəkən müsyö Qrenyödən öyrəndik. Madam Qrenyö qarda-
şıyla balaca otaqcığa oxşayan, arası pərdəylə kəsilmiş bir guşədə
yerləşmişdi, həmin otaqcıqda Davidlə mənim üstü örtüklü taxta
oxşar yatacağımız vardı. Gəmidə təxminən əlliyə yaxın adam, o
qədər də avarçı olardı, göyərtə cürbəcür mallarla – parça topları,
xalı-xalça bükülüləri, sandıqlar, ədviyyat qutularıyla... doluydu,
avarçıların tərdən islanmış bədənləri gün şüaları altında parıl-
dayırdı. Gəmiçibaşı deyir, müsyö Qrenyö şux görkəmlə danı-
şırdı, ilin bu vaxtında Konstantiniyyə boğazı qasırğalı olur, ona
görə də Konstansada gəmidən enib quru yoluyla getmək daha
təhlükəsizdi. Konstansanın harda olduğunu bilmirdim, mənə qal-
sa, Konstantiniyyədən, yəni İstanbuldan keçməyimiz daha yaxşı
olardı. David nədənsə əndişəsini üzə vurmurdu, dinməzcə ətrafa
baxır, güman ki, rahat evlərinin, ata-anasının, bacısının xiffətini
çəkirdi. Madam Qrenyönün görkəmi solğundu, bu ümman ha-
vasındandı, müsyö Qrenyö deyirdi, bir neçə gündən sonra keçib
gedəcək. Ola bilsin, Davidin süstlüyü də bundandı, amma müs-
yö Qrenyö gəmiylə çox səfərlər elədiyindən alışmışdı, mənsə,
düzünü deyim, əvvəlcə bir az ürəkbulanması hiss elədim, sonra
hər şey ötüb-keçdi. Arabir yaxında-uzaqda gəmilər görürdük,
müsyö Qrenyö dərhal təcrübəsini büruzə verirdi, bu portuqal
gəmisidi, o ispan karavellasıdı, bu biri rus gəmisinə oxşayır,
o ötən türk kalyonudu, deyirdi, bir firəng gəmisi də görüb
uşaq kimi sevindi, bacısını zorla dartıb göstərməmiş əl çəkmədi.
Hərdən də diqqətlə suya baxıb havanın necə olacağından xəbər
verirdi, Haqq üçünə, çox vaxt da dedikləri düz çıxırdı.
32. Göy kaftanlı, göy gözlü, sarı saqqallı, qəribə papaq-
lı gəmiçibaşı firəngcə çox yaxşı danışırdı, müsyö Qrenyönün
dediyinə görə, uşaqlığı Marseldə keçmişdi. Gündə azı bir kərə
guşəmizə baş çəkir, halımızla maraqlanırdı. Artıq Madam Qren-
yö də artıq səfər havasına alışmışdı, vaxtını kitab oxumaqla
keçirməyə çalışır, ya da bizə Firəngistanın tarixindən bildiyi
şeyləri danışır, hava xoş olanda bir az aralanıb dənizə uzun-
uzadı baxırdı. Belə məqamların birində özümü saxlaya bilməyib
34
müsyö Qrenyödən bacısının gözlərindəki kədərin səbəbini soruş-
dum. O, qəfildən duruxdu, sifəti kölgələndi, bacısı xeyli aralıda
olsa da, səsini qısıb, Kolettin əri də gəmiçiydi, dedi, Havrdan
Genuyaya gedən gəmidə gəmiçibaşıydı, Portuqal sahillərində
quldurlar gəmisinə basqın eləmişdilər, o vaxtdan itkin düşdü.
Sonra dedi, on il qabaq Koletti bu səbəbdən özümlə səfərə
götürdüm, fikirləşdim, dərdini unudar, amma görünür, unuda
bilməyib. Parisə qayıdanda onillik səfərlərim haqqında kitab yaz-
maq fikrindəyəm, müsyö Qrenyö özü də gözləmədən bizə daha
bir sirrini də açdı, Kolettin köməyinə ehtiyacım var, onun evə
qayıtmasına həm də bu səbəbdən sevinirəm. Madam Qrenyö
guşəsinə qayıdanda, elə bil havanın dəyişdiyini, söhbətin bayaq
ondan getdiyini duyub sorğulu nəzərlərini qardaşına dikdi, müs-
yö Qrenyösə dərhal ağlına gələn ilk şeydən – Bulon meşəsinin
gözəlliyindən danışdı. Yeddi ildən bəri məni rahat buraxmayan
mətləb – o gözlərdəki kədərin səbəbi aydın olmuşdu. Ağlımdan
keçdi ki, uzaq səfərə çıxdığımı eşidəndə Züleyxanın da qara
gözlərində belə bir kədər peyda olacaq, qayıtmasam, o kədər get-gedə
qatılaşacaq, ömrünün axırınacan silinməyəcək. Bunu düşünə-
düşünə Madam Qrenyönün gözlərinə baxmamağa çalışırdım.
33. Səfərimizin üçüncü, ya dördüncü günü ehtiyatsızlıq uc-
batından Davidin, az qala, suya yıxılacağını, bir neçə gün son-
ra kiçik də olsa, qasırğaya düşməyimizi, bolqar tacirinin haqq-
hesab üstündə fars tacirini yaralamasını, başqa xırda-para şeyləri
(məsələn, gəmiçibaşının hər fürsət düşəndə gəlib madam Qrenyöylə
söhbətə girişməyə çalışdığını, ona izafi iltifat göstərdiyini, müsyö Qren-
yönün də bunu çox sakit qarşıladığını, mənim kimi Davidin də vene-
ziyalıya artan nifrətimizi) nəzərə almasaq, dördhəftəlik yolumuz
rahat keçdi. Konstansa limanında gəmidən enəndə sevincimizin
həddi-hüdudu yox idi. Gəmiçibaşı sandıqlarımızı, bağlamalarımı-
zı aşağı endirmək üçün yükçülərə buyruq verdi, bizimlə, daha
doğrusu, madam Qrenyöylə uzun-uzadı vidalaşdı, açıq-aşkar
görünürdü ki, ondan qopmaq istəmir, amma madam Qrenyö,
deyəsən, gəmidən canını qurtardığına hamımızdan çox sevinirdi.
Ola bilsin, gəmi də, sular da ona adını bilmədiyim o sevdiyi
adamı xatırladırdı, bu səbəbdən amanını kəsmiş kədərdən azacıq
da olsa, yüngülləşmək istəyirdi. Elə limandaca araba da, karvan-
Dostları ilə paylaş: |