68
təəssüfləndiyini, həm də sevindiyini söylədi, çünki bir neçə
həftəyə İstanbuldakı işlərini nizama salıb Səfəvi məmləkətinə,
İsfahana yola düşəcəkdi, mənim firəng dilini, üstəlik, Məğrib və
Məşriqə bələd olmağım ondan ötrü hava-su kimi gərəkdi, xülasə,
məni elçiliyin mütərcimi görmək, birgə səfərə çıxmaq istəyirdi.
Əlbəttə, ona təşəkkür eləmək, düşünüb-daşınmaq üçün vaxt
istəmək daha ağıllı iş olardı, amma mən elə bil oturub firəng
elçisinin yolunu gözləyirəmmiş, onun da təəccübünə rəğmən
dərhal razılıq verdim. Bir halda ki, Tiflisə qayıtmaq üçün özümdə
taqət tapa bilmirdim, İsfahana gedib yurduma bir az da yaxınlaş-
maqla təskinlik tapa bilərdim. Müsyö dö Gardən sevindiyindən
qıpqırmızı qızarıb Trabzona gedəcək gəmini gözlədiyini, günü
sabahdan özünü Firəngistan dövlətinin xidmətində saymağımı
rica elədi, beləcə on bir illik İstanbul macərama son qoyul-
du. Onda taleyimin məni bir də bu yerlərə gətirib çıxaracağını,
üstəlik Anadolunu dolaşacağımı heç ağlıma belə gətirmirdim.
Onda fikirləşirdim ki, insan gərək özünü sıxıntılı hiss elədiyi yerə
bir də qayıtmasın, sözünü saya almayan adama bir də ağız açmasın,
pislik gördüyü adamı bir də yaxına buraxmasın...
69
XI
ÜZÜ GÜNÇIXANA DOĞRU
Yusif mənim quyumdan gözəl anda çıxacaq,
Qaf dağından Simurqum
birdən qalxıb uçacaq…
Qivami MÜTƏƏRRİZİ
(XII yüzil)
71. Hələ uşaq vaxtlarımda kimdənsə eşitmişdim: nə qədər
ki söz ağzından çıxmayıb, ağasısan, elə ki çıxdı, qulusan. Səfəvi
məmləkətinə getmək barədə qərar verdiyim məqamdan həyatımın
dəyişdiyini açıq-aşkar duydum. Həyatımın on bir gözəl, həm də
kədərli illərini verdiyim Səadət Astanasında gəzmək görmək,
öyrənmək xoşbəxtliyindən başqa bir səadət qismətim olmadı.
Əlbəttə, Boğaz boyundakı təpələrə səpələnmiş möhtəşəm sa-
raylardan, camelərdən, məbədlərdən, qəlbimə həkk olmuş Xalic
mənzərəsindən – bədirlənmiş Ayın sulardakı əksindən, pansion-
da, Sarbonnda Məğribi öyrətdikləri qədər mənə Məşriqi öyrədən
xəzinə sahibi Kitabdar Mühiddin Əfəndidən, bəlkə də Züley-
xadan sonra ümidini daşa vurub, özümü günahkar saydığım
Ruhiyyədən, canımdakı yanğını sorub bayğınlıq içində qoyan
Məryəmdən ayrılacaqdım, bir daha da buralara dönmək barədə
düşünmürdüm, Allahın işlərinəsə qarışa bilməzdim – nə yazmış-
dısa, o da olacaqdı. Hər halda, Firəngistanda təsadüfi ölümə, Ve-
neziada gülünc həbsə, dəryada quldurların basqınına, İstanbulda
hər hansı bir azğının xəncərinə rast gəlməyib sağ qalmışdım-
sa, üzü Gündoğana getməyim məsləhət görülmüşdüsə, deməli,
taleyimə boyun əyməliydim. Cəmi-cümlətani bir sandığım vardı,
içinə Parisdə, Veneziada, İstanbulda aldığım basma və əlyazma
kitabları, iki dəst paltarımı, bir neçə xırım-xırda şeylərimi yığ-
mışdım, qurşağımın altında Sultan həzrətlərinin səxavətindən ax-
çayla dolu pul kisəm vardı, qəlbimdə yeddi təpə üzərində qərar
70
tutmuş bu xəyal şəhərinə, hələ hüdudlarını xəyalıma düz-əməlli
gətirə bilmədiyim Osmanlı məmləkətinə heyrət və ehtiram du-
yurdum. İnsan ömrünün nə vaxt, harda bitəcəyini bilsə, yəqin
yaşamaq mənasız olar – həmin məqamda belə fikirləşirdim. Məni
gözləyən yolların daha haralara uzanacağını hardan biləydim?
O yolların sonunda Tiflisin olub-olmayacağını hardan biləydim?
Qırx yaşını ötürmüşdüm, səyyahları nəzərə almasaq, xeyli gəzib-
görmüşdüm, bundan sonra inzivaya çəkilib yaşantılarımı qələmə
ala, rahat ömür sürə bilərdim. Amma…
72. Elə o günün səhəri müsyö Syör dö Gardənlə razılaşma-
mıza əməl eləyib çərkəz qadını Xədicənin evindən Firəngistan
elçiliyinin tutduğu ikiqatlı, geniş imarətə daşındım. Müsyö dö
Gardənin səfarəti özüylə on dörd, artıq mənimlə beş nəfərdən
ibarətdi: katiblər, məsləhətçilər, kamerdiner dedikləri xidmətçilər,
xəzinədar, aşpaz bir də hamıya qulluq göstərən nökərlər vardı.
Belə başa düşdüm, səfarətin başlıca vəzifəsi Əcəm şahı Sul-
tan Hüseynin yanında olmaq, onun məmləkətində Firəngistanın
alqı-satqı məsələlərini yoluna qoymaqdı, Səadət Astanasındakı
bəzi işləri də yolüstü nizama salmaq buyruğu alıb. İndi bir
namə hazırlayıb Dəre-dövlətə – Saraya yetirmək gərəkdi ki,
Əcəm hüduduna çatanacan əmniyyətimizin Sultan Həzrətlərinin
himayəsində olduğu barədə buyrultu verilsin. Xidmətə razı-
lıq verməyimdən məmnunluğunu gizlədə bilməyən müsyö dö
Gardən yazı sənətinə bələdliyini də büruzə verdi, fikrini elə ay-
dın, elə təsirli ifadə elədi ki, namənin tərtibi mənə də zövq verdi.
Naməni Saraya özüm apardım, firəng elçisinə bir həftə ərzində
gərəkli cavabın veriləcəyini söylədilər, elə o gündən də Trabzona
yola çıxacaq gəmiyə minmək üçün hazırlaşmağa başladım. Müs-
yö dö Gardənin altı sandığında çoxlu paltarından, Əcəm şahına,
yüksək məqamlı şəxslərə cürbəcür hədiyyələrdən başqa kitablar
da gördüm, məlum oldu ki, o bundan qabaq İspan dövlətində,
Moskovda, Veneziada olub, öz padşahının bu cür buyruqlarını
yerinə yetirib, hər yerdə görüb-eşitdiklərini qələmə almağı se-
vir. Səfarətdəkilərdən kök, qırmızısifət məsləhətçi Fransua, arğaz,
alimanə görkəmli katib Klod elçinin həm şəxsi xidmətçisi, həm
də aşpazı Simon, susqun və işlək buyruqçu Nez, yəni Burun