59
bu on gündə ya dəli olacağını, ya da xəstələnəcəyini deyirdi.
Günün yorğunluğundan sonra müsyö Lemezyö tez yatırdı, on-
suz da azdanışan, çox vaxt yarıyuxulu olan Qaston da hava
qaralmamış yatağına girirdi, mənsə dəryanın qırağında gəzir,
Ay işığı düşən suda gəmilərin qaraltısına, camelərin göy üzünə
millənən minarələrinə baxırdım. Əlbəttə, gördüyüm ilk məcid –
Tiflisdəki Şah Abbas məscidi nəinki Süleymaniyyə, heç Fəthiyyə,
Mehrimah, Validə Sultan camelərilə müqayisəyə gəlməzdi, heç
Parisdə, Marseldə, Veronada, Veneziada gördüyüm kilsələr də
Ayasofya ola bilməzdi. Bütün bunlar məndən ötrü Osmanlının
əzəmətinin ifadəsiydi.
62. Dəftərdar Sarı Mehmet Paşanı heç on gündən sonra da
tapmadıq. Karvansara sahibi Xeyri Əfəndinin dönə-dönə vəd
alıb açdığı sirdən belə çıxırdı, sarayda Padşah Həzrətləri Sul-
tan Əhmədə dönük çıxanlar baş qaldırmaq, taxta onun oğulla-
rından birini çıxarmaq hazırlığındaymışlar, amma aralarından
kimsə bu niyyətlərini Sultan Həzrətlərinə çatdırıb, ola bilsin,
Dəftərdar Sarı Mehmet Paşanın başı bu işlərə əncam çəkməyə
qarışıb. Doğrudan da sonrakı həftə saraya gedəndə dönə-dönə
sorğu-suala tutulduğumuzu, yoxlandığımızı görəndə deyilənlərin
şayiə olmadığına inandım. Müsyö Lemezyönün Allahı varmış,
Bab-üs-səlamdakı gözətçilər hücrəsində bir az gözlədib içəri bu-
raxdılar, başımızı qaldırmadan geniş həyətdən keçib üzbəüzdəki
tikiliyə sarı getdik, bizi iki qapı oğlanının müşayiətilə Diva-
ni-Hümayunun yerləşdiyi qülləli tikiliyə apardılar. Dəftərdar
Sarı Mehmet Paşa qonağını xalılar döşənmiş böyük bir otaqda
qəbul elədi. Təxminən altmış yaşlarında uzunboy, arğaz adam-
dı, əyninə zərli göy xalat geyib qurşaq bağlamışdı, başında ağ
rəngli hündür dördkünc papaq vardı. Yorğun görünürdü, ola
bilsin, ona görə söhbətə həvəs göstərmədi. Müsyö Lemezyönün
üdüləyib tökdüyünü sakit tərzdə, aramla izah elədim, Dəftərdar
Mehmet Paşa bir müddət sınayıcı nəzərlərlə firəng tərəfə bax-
dı, nəsə düşündü, sonra dedi, ona çatdır ki, buyuruq verərəm,
gəlib baxarlar, məsləhət olsa, sövdələşərlər. Sonra İstanbula necə
gəldiyimizi, Osmanlı hüdudları içində incidilib-incidilməyimizi
soruşdu, Sultan Həzrətlərinin sayeyi-mərhəmətindən hər yerdə
iltifat gördüyümüzü deyib minnətdarlıq elədim. Divani-Hüma-
60
yunun binasından çıxıb elə başıaşağı da Bab-üs-səlama qayıtdıq.
Müsyö Lemezyönün dili Ayasofyaya tərəf dikələndə açıldı. Cis-
mini sevinc dalğası sarmışdı, fikrincə, sövdələşmə mütləq baş
tutacaqdı, çünki Dəftərdar Sarı Mehmet Paşa demişdisə, nəticə
uğurlu olacaqdı.
63. Müsyö Lemezyönün istədiyi oldu: səhəri Dəftərdar Sarı
Mehmet Paşanın buyruğuyla iki nəfər gəldi, mallara baxdılar,
sövdələşdilər, behini verib getdilər, axşamtərəfisə haqq-hesabı
üzüb firəng taciri xoşbəxt elədilər. Sonrakı bir həftə ərzində də
müsyö Lemezyö şəhəri dolaşıb məmləkətinə aparacağı malları
axtardı, amma ən ağır yükü Misir çarşısından aldığı ədviyyat
oldu. Dediyinə görə, bu ədviyyatı Veneziada Docun, Parisdə Kra-
lın saray mətbəxinə verir, əməlli-başlı xeyir götürürdü. Sonrakı
iki günü məni Veneziaya qayıtmaq üçün dilə tutmağa başladı,
deyirdi ki, həm dilmancı, həm köməkçisi olar, yaxşı qazanc
götürərəm. Amma mən günlərin birində Batuma gedən gəmiyə
minmək, qismətimdə vardısa, Tiflisə yetişmək, Parisdəkisayaq
mədrəsə açmağa çalışmaq, ömrümü yazı-pozuyla başa vurmaq
istəyirdim; əlbəttə, Züleyxaya qovuşacağıma ümidim-filanım
qalmamışdı, bu vaxtacan məni gözlədiyini düşünmək (Davidin
naməsində onu xatırlatmamasından belə çıxırdı ki, artıq bu kitab
bağlanıb) əbləhlik olardı, amma onun yaxınlığında yaşamaq da
məndən ötrü bəs eləyərdi. Daha gördüyüm yerlər də məni
çəkmirdi, görünür, get-gedə yaşlanırdım, hələ cəmi-cümlətanı
otuz üç yaşım olsa da, az qala, dünyanı yorub yola salmış-
dım. Müsyö Lemezyönü aparan gəmi Xalic körpüsündən ara-
lananda elə tənhalaşdım ki, elə bil dibi görünməyən boşluğa
düşmüşdüm. Cibimdə müsyö Lemezyönün verdiyi altmış du-
kat (Dəftərdar Srı Mehmet Paşanı gözlədiyimiz günlərin haqqını
da ödəmişdi), Veneziadan qalan altı dukat, əynimdə bir dəst
paltar karvansaranın hücrəsində bir sandığım, beynimdə dola-
şıq fikirlərim, ürəyimdə anlaşılmaz duyğularım vardı. Ağlıma
gəldi ki, əvvəlcə altmış altı dukatımı axçaya dəyişim, sonra
özümə bir dəst münasib paltar alıb firəng görkəmindən çıxım,
Xeyri Əfəndiylə dil tapıb münasib hücrələrdən birinə köçüm,
sonra iş axtarmağa başlayım. İşi harda axtaracağımı bilmir-
dim, yenə ağlıma gəmilərin yan aldığı limanlar, dilmanc axtaran
61
tacirlər gəlirdi. Yenə Allahın mərhəmətinə sığınıb yaşamalıydım,
nədənsə əmindim ki, günlərin birində səadət qapıları açılacaq.
Əlbəttə, cibimdəki pulla Tiflisə gedib çıxa bilərdim, amma nə
sirdirsə, könlüm getmək istəmirdi. Mənə belə gəlirdi, bu dün-
yada hər sınaqdan keçməli, yaxşını-pisi ayırd eləməli, ağrını, kədəri,
bədbəxtliyi, xəyanəti yaşamalıyam, yalnız bundan sonra özümü kamil-
liyin astanasında hesab eləyə bilərəm...