53
bu səbəbdən bir qədər yüyrək danışmağa, təfərrüatlara çox uy-
mamağa çalışıram.
55. Amma nağılın bitdiyi vaxt da olur. Veneziaya gəldiyimizin
üçüncü ayında olan-qalan pulumuz da tükəndi. Təkcə sevgiylə
yaşamaq mümkün olsaydı, dünyada bu qədər faciələr yaşanmaz-
dı. Çox düşünüb-daşınandan sonra hər gün ticarət gəmilərinin
boşalıb-dolduğu limana getməyə başladım ki, bəlkə dilmanca
(Allahın nemətindən türkcəmlə yanaşı firəngcəni, Axund Səməndərin
sayəsindəsə ərəbcəni, farscanı bilirdim) ehtiyacı olan bir Allah
bəndəsilə rastlaşdım. Ümidlə çıxdığımın üçüncü günü türkcəni
bilən bir yunana firəngcə dilmanc lazım oldu, gündə üç dukata
altı gün ona xidmət elədim; sonra Allah məni təbrizli tacirə rast
gətirdi, on altı illik ayrılıqdan sonra (Davidlə hərdən bir-iki kəlmə
atdığımızı nəzərə almasaq) doğma dilimdə danışdım. Veneziadan
şüşə və ayna aparıb İrəvanla Xorasan arasındakı şəhərlərdə sa-
tan Mərdanəli bəy Şamlu Səvəfi məmləkətində olub-keçənlərdən
danışdı. O qədər mehrləşmişdik ki, ticarətini bitirib, yüklərini
bağladıb gəmisini gözlədiyi günlərdə də yanına gedir, liman
yaxınlığındakı karvansara hücrəsində, ya da o ətrafda gəzə-gəzə
söhbət eləyirdik. Ayrılıq məqamı yetişəndə ikimizin də gözümüz
yaşardı. Bu mehrdən də mənə otuz iki dukat qaldı. Beləcə, Allah
ruzimi yetirdi, mənə elə gəlirdi, dünyanın dərdini çəkmədən bu
cür yaşaya, Violettanın sevgisindən məst ola, kefim istəyəndə də
sənət gözəlliklərindən zövq ala bilərəm. Artıq məbədlər, saraylar,
körpülərlə yanaşı, rəsmlərə də maraq göstərməyə başlamışdım,
Sorbonndakı illərdə adlarını eşitdiyim Messina, Bellini, Corco-
ne, Tisian, da Vinçi, Rafael, Veroneze, Tintorettonun rəsmlərini
görmüşdüm. Şəhərin baş meydanında öküz döyüşünə, canbazla-
rın oyunlarına, vəhşi heyvanları ram eləyənlərə baxmışdım. İçi
əskiylə doldurulmuş girdə zamşı ayaqlarıyla vurub iki dirəyin
arasından keçirməyə çalışanlar məni çox nəşələndirmişdi. Artıq
Bohem və Parisin kölgəsində qalsa da, muncuqların, şüşələrin,
aynaların gözəlliyinə baxmaq da ayrı bir duyğuydu.
56. Allahın məsləhətiymiş, bu nəşəli günlər qəfil, həm də
faciəvi şəkildə başa çatdı. Günlərin birində qayıdıb Violetta-
nı evdə tapmadım, üstəlik, sinyora Kapuççi sandığımı dəhlizin
küncünə atıb məni içəri buraxmaq istəmirdi. Onda iki il yarım
54
idi, Veneziadaydım, italyancanı mükəmməl olmasa da, babat bi-
lirdim. Ev sahibəsinin dediyindən belə çıxdı ki, Violettanı kurti-
zan qadın, yəni yolsuz hesab eləyib, qanunları pozduğuna görə
həbsə almağa qərar veriblər, o da bundan vaxtında xəbər tutub,
izini itirməyi bacarıb, mənim də bəxtim gətirib ki, onun oduna
yanmamışam. Pyasetta meydanında, Fialto körpüsü üstündə bir
neçə dəfə belə günahkarları necə cəzalandırdıqlarını görmüş-
düm, ona görə daha fikirləşmədim, sinyora Kapuççiylə haqq-
hesabı üzüb, sandığımı qondolalardan birinə atıb yeganə sığına-
caq yerimə – limana doğru getdim. Bu məqamda başqa bir şey
barədə (məsələn, Violettanı axtarmaq, o səmtdə başqa ev kirayələmək)
düşünmək, şübhəsiz ki, səfehlik olardı. Onsuz da Violetta və
Venezia macəram gec-tez bitməliydi, təbrizli tacirlə rastlaşan-
dan bəri gözlərim limana yan alan gəmilər arasında «Səadət
astanası»ndan – İstanbuldan gələnləri, dənizə çıxanlar arasındasa
İstanbula gedənləri arayırdı. Liman yaxınlığındakı karvansaranın
dar hücrəsində yerləşəndə hər şeyin bu cür bitməsinə sevinsəm
də Violettaya yazığım gəldi: mənim kimi o da taleyin yolla-
rında özgə bir şey ummamışdı, üç il ərzində bütün sevgisini
mənə qızırğalanmadan, bol-bol vermişdi, yəqin ki, yollarımızın
nə vaxtsa ayrılacağını da bilirdi. Taleyi onu kimə rast gətirəcək,
yanımda olduğu günləri nisgillə xatırlayacaqmı, haqq eləmədiyi
cəzadan canını qurtaracaqmı – bunu tək Allah bilir. Mənimsə ən
azı yaxın taleyim bəllidi – səadətimi Səadət Astanasında araya-
caqdım. Fikrimcə, keçmişdən yapışıb qalmaq düzgün olmazdı, nikbin
olmaq, yaxşı şeylər barədə düşünmək, İlahinin bütün göndərdiklərini,
sorğu-sualsız qəbul eləmək lazım idi; nə qədər ağlasığmaz olsa da, baş
verənlərin hamısı yaxşılığa doğruydu...
55
IX
YEDDİ TƏPƏ ÜZƏRİNDƏKİ XƏYAL
«Onlar Konstantiniyyəni fəth eləyəcəklər!
Bunu bacaracaq əmir də,
qoşunu da şöhrət içində üzəcəklər…»
Muhamməd Peyğəmbər (ə)
57. Tarixi dəqiq yadımdadı: miladi 1706-cı il may ayının
19-da Veneziayla vidalaşıb Səadət Astanasına doğru yola çıxan
«Müqəddəs Marko» gəmisinin göyərtəsinə ayaq basanda Jozef
Qrenyö öldü, yəni mən köhnə həyatımla vidalaşdım (əsl Jozef
Qrenyö, ola bilsin, hələ də hardasa yaşayırdı), marselli tacirin dil-
mancı olan, şərqlilər sayaq saqqal saxlayıb, alimanə görkəm alan
Jozef Tiflisi simasında təzədən doğuldum. Allah bir tərəfdən
bağlayanda o biri tərəfdən açır, Leon Lemezyöyə – gəmi sahibinə
razılaşıb, olan-qalan bütün pulumu verib, cəmi altı dukatla qa-
landan sonra rast gəlmişdim. İstanbulda qalacağı müddətdə
– təxminən iki ay çəkərdi – dilmanclığım əvəzində qırx beş
dukat alacaqdım, üstəlik, müsyö Lemezyönün hesabına yeyib-
yatacaqdım. Bir hami (madam Qrenyö), bir dost (Xose Karvalyo),
bir məşuq (Violetta Kabrini) itirəndən (Tiflisdəkilərlə görüşəcəyimə
əmindim), üstəlik, Violettanı gözləyən təhlükəyə qarışmaqdan
qurtulub bursalı Turxan ağayla görüşəndən bəri arzuladığım
Səadət Astanasına gedirdim. Bu məmləkət barədə Turxan ağadan
eşitdiklərimdən, bir də təbrizli tacirin danışdıqlarından başqa çox
şey bilmirdim, o vaxt heç Konstansadan German hüdudlarınacan
uzanan torpaqların Osmanlı padşahlarının fəth elədiklərindən
belə xəbərim yox idi. Mən Parisdən Veneziaya gələn il Osman-
lı quzey hüdudlarındakı savaş təzəcə bitib Avstriyayla razılıq
əldə olunmuşdu, üstəlik, Sultan İkinci Mustafanı taxtdan salıb
yerinə Üçüncü Əhmədi oturtmuşdular. Maraqlısı buydu ki, olub-
keçənlər doğulduğum məmləkətlə – Gürcüstanla bağlıydı: o yay
Dostları ilə paylaş: |