YOSH OLIMLAR
ILMIY-AMALIY KONFERENSIYASI
in-academy.uz/index.php/yo
10
INGLIZ TILI O‘QITISHDA SMART-TA’LIM TEXNOLOGIYALARI
Maxkamova Dildora Baxtiyorovna
Al-Xorazmiy nomidagi
Toshkent axborot texnologiyalari universiteti Farg‘ona filiali
Telekommunikatsiya injiniringi va kasb ta’limi fakulteti
“Xorijiy tillar” kafedrasi o‘qituvchisi
https://doi.org/10.5281/zenodo.8062918
Annotatsiya:
Raqamli asrda ta’lim sohasini SMART-ta’lim texnologiyalarisiz
tasavvur etish
qiyin desak mubolag‘a bo‘lmaydi. SMART ta’lim texnologiyalari o‘quvchilarga ingliz tilini oson
va samarali o‘rgatishga imkon beradi. Hozirda ko‘plab izlanuvchilar SMART ta’lim
texnologiyalarining imkoniyatlarini keng o‘rganishga harakat qilmoqdalar. Bundan tashqari,
SMART ta’lim texnologiyalaridan foydalana olish ko‘nikmasi o‘quvchilarga kelajakda ish va
hayotlarida ham yordam beradi. Ushbu maqola SMART ta’lim
texnologiyalarining
o‘qituvchilar va o‘quvchilar uchun chet tilini o‘rgatish va o‘rganishdagi ahamiyati haqidadir.
Kalit so‘zlar:
Texnologiya, ta’lim, ingliz tili, SMART, o‘rganish muhit, SMART sinf
XX asr oxirida William Henry Gates III yaqin kelajakda kompyuterlar har bir kishining
hayotini o‘zgartirishini bashorat qilgan. Texnologiya bizning hayotga,
ish jarayoniga va
ayniqsa, ta’lim jarayoniga ta’sir ko‘rsatdi. Texnologiya rivojlanishlari o‘qitish va ta’lim
jarayonlarini yanada osonlashtirdi. Texnologiya rivojlanishlari o‘quvchilar va o‘qituvchilarga
tasavvur qilib bo‘lmas darajadagi yangi imkoniyatlarni yaratadi. Shuningdek, ularni
dunyoning turli burchagidagi yangiliklardan tez va oson xabardor bo‘lishida
ham tengsiz
ko‘makchidir. SMART ta’limi bu ta’limning yangi texnologiyalardan foydalangan holda olib
borilishidir. SMART ta’lim texnologiyalari O‘zbekiston ta’lim tizimiga qisqa muddatda kirib
kelgan yangi texnologiyalardan biri hisoblanadi. Hayotimizning barcha jabhasida bo‘lgani kabi
ta’lim sohasida ham texnologiyalardan unumli foydalanish XXI asr ta’limining talabidir.
SMART texnologiyalar insoniyat hayotidagi har qanday yo‘nalishda mavjud bo‘lgan murakkab
vazifalarni osonlashtirish uchun xizmat qilmoqda.
Shu sababli, ta’limda undan unumli
foydalanish juda muhimdir. Pondicherri universiteti (Hindiston) tadqiqotchisi Palanivel
Kuppusami “Smart Education Using Internet of Things Technology” (Internet
texnologiya
jihozlaridan foydalanadan SMART ta’limi) maqolasida AKT texnologiyalari ta’limda
o‘quvchining o‘rganish qobiliyatiga ijobiy ta’sir ko‘rsatadi deb ta’kidlab o‘tgan. Kuzatuvlar
davomida tadqiqotchi vazifa va mashqlarni kompyuterdan foydalangan holda bajarish
o‘quvchilarda fanga bo‘lgan
qiziqishini, tilni o‘rganishga bo‘lgan ishtiyoqini oshirganligini
aniqlagan. Ta’lim muassasalarida SMART ta’lim texnologiyalaridan foydalangan
o‘quvchilarning o‘z-o‘zini boshqarishi, baholay bilishi va o‘ziga ishonchi ortishi o‘z tasdig‘ini
topmoqda. Shu sababli bir qator ta’lim muassasalari o‘z ta’lim tizimiga AKTni tobora ko‘proq
kiritmoqda.Bugungi kunda butun dunyo o‘qituvchilari o‘z darslarida axborot kommunikatsiya
texnologiyalaridan foydalanishga
harakat qiladilar, chunki ular o‘quvchilar uchun qiziqarli,
ulardan foydalanish oson va dars jarayoni uchun qulay. Xorijiy tillarni o‘qitishda SMART ta’lim
texnologiyalaridan foydalanish zamonaviy til o‘qitishning talabidir. SMART ta’lim
texnologiyalarini vazifalariga ko‘ra quyidagilarga bo‘lish mumkin:
- Oddiy daraja SMART ta’lim
texnologiyalari sinfi
- O‘rta daraja SMART ta’lim texnologiyalari sinfi
- Yuqori daraja SMART ta’lim texnologiyalari sinfi