Yuqori temirli qalay boyitmasini yalligʻ qaytaruvchi pechda eritish jarayonini tanlash mundarija

Materiallarni tavsifi.

Yallig‘ pechni shixtasiga boyitma, flyus va aylanuvchi materiallar kiradi. Olmaliq kon-metallurgiya kombinatida olinadigan boyitmani kimyoviy tarkibi, %: Si - 16,0 - 18,0; Fe - 31,6 - 33,0; S-35,5; SiO₂ 5,5:Al₂0₃ 2,3; CaO - 0,1. Shu boyitmani mineralogik tarkibi, % Cu₂S 14,0; CuFeS₂20,0; Cu₅FeS₄ 1,0; FeS₂ 49,0; Fe₂0₃ 3,0; SiO₂ 5,5; CaSO₃ 0,2; qolganlari 7,3.

Boyitmani granulometrik (kukun zarrachalarning o‘lchamlari) tarkibi 0,15 mm (100 %) dan 0,043 mm (90 %) gacha oraligida o‘zgaradi. Filtrashdan keyingi namligi 10 - 17 % tashkil qiladi.
Yallig‘ pechni shlak tarkibi hisobga olganda, shixtaga ishqor yoki nordon flyuslar qo‘shiladi. Ishqor flyus hisobida ohak keng qo‘llaniladi. Nordon flyus hisobida esa - kvars, yoki kremniy dioksidi ko‘p miqdorli bo‘lgan mis rudasi qo‘llaniladi. Olmaliq sharoitida o‘z tarkibida oltin bo‘lgan kvars rudasi qo‘llaniladi. Ushbu rudani kimyoviy tarkibi, %: CuO - 36; CuO - 68,6; CuO - 1,2; Fe - 5,4; Al₂O₃ - 5,5; MgO - 0,9; S - 0,33.
Flyusni tanlashda asosan transport sarf - xarajatlari hisobga olinadi. Shu nuqtai nazardan, sifati yomonroq bo‘lsa ham, mahalliy flyuslar keng qo‘llaniladi.
Aylanuvchi moddalar xisobida har xil ranglar: kuydirish, borov, katyol - utilizator, konverter va boshqalardir. Ularda misning tarkibi 9,86 dan 44,6 % yetadi. Undan tashqari changda rux, qo‘rg‘oshin, temir, oltingugurt, kremniy dioksidi, alyuminiy va kalsiy oksidlari mavjuddir.
Changlar yallig‘ pechda qayta ishlanadi. Ularni zarrachalari o‘ta mayda bo‘lgani sababli, chang texnologik gaz bilan qisman chiqib ketib, yangitdan aylanuvchi modda bo‘lib qoladi. Bu esa katta xajmdagi misni foydasiz aylanib yurishiga olib keladi.


SHixta tayyorlash. Kuydirish. Quritish.

Mis eritish zavodlarda har xil shixta tayyorlash usullari qo‘llaniladi. Eng keng tarqalgan usul bu shixta komponentlarni lentali konveerlarda aralashtirishdir. Maxsus bunkerlardan boyitma, flyus va aylanuvchi moddalar tarozlardan o‘tgach yig‘ma konveyerga yuklanadi. Xarakatlanish davrida, qayta yuklash pog‘onasida va yallig‘ pechni bunkerida shixta komponentlari yaxshi aralashtiriladi. Bunday tizim oson va kam xarajatlidir, lekin shixtani bir xil tarkibini ushlab turishi qiyin.

Eng yaxshi shixta tayyorlash usuli bu beding - sistema. Shixta komponentlari qatlam - qatlam usuli bilan joylashtirilib, vertikal kesimi bilan olishib transporterga beriladi. Bunday sistema Yaponiyada keng qo‘llaniladi. Sistema sanoqsiz moddalar ishtirokida shixta tayyorlashga imkon yaratadi. SHixtani tarkibi yetarli darajada bir xil bo‘ladi. Masalan, Yaponiyada 40 ga yaqin moddadan foydalanilib, shixtada misni tarkibi 0,54 % o‘zgarishi mumkin xolos. Ammo Olmaliqda bunday sistema qo‘llanilmaydi, chunki buning uchun katta kapital mablag‘ sarflanishi kerak.
Zamonaviy mis eritish zavodlarda yallig‘ pechga qisman quritilgan (5 - 8 % H₂O) shixta yuklanadi. Kuydirilmagan boyitmani qo‘llashda shixtani issiqlik iste’moli nihoyatda ko‘payadi, transport va yuklash sharoitlarida og’irlashadi va ishlab chiqish unumdorligi pasayadi. Yallig‘ pechga kuydirilgan boyitmani (ogarokni) yuklash maqsadga muvofiq bo‘lar edi.