Ўзбекистон республикаси олий ва ўрта

V. Fan o‘qitilishining natijalari (shakllanadigan kompetensiyalar)
Fanni o‘zlashtirish natijasida talaba:
• dunyo haqidagi eng qadimgi va zamonaviy falsafiy, ilmiy, diniy bilimlarni o‘rganish asosida professional faoliyatni to‘g‘ri tashkil etish, ijtimoiy mas’uliyatni oshirish, davlat siyosatiga daxldorlik tuyg‘usini shakllantirish;
• ijtimoiy jarayonlarni mustaqil tahlil qilish qobiliyatiga ega bo‘lishi;
• yangi ontologiyaning yo‘nalishlari, gen ontologiyasi, bioontologiya, tibbiyot
ontologiyasining ijtimoiy ahamiyatini, fizik va falsafiy ontologiyaning o‘zaro aloqasi va farqlarini bilish, axborotlashgan jamiyatda texnologiyalardan foydalanishda inson va jamiyat manfaatlarini himoya qilish;
• tabiat ontologiyasida biosfera va noosferaning o‘rni, ijtimoiy ekologiya, ekologik ta’lim va tarbiya haqida yaxlit tasavvurga ega bo‘lishi, ulardan hayotda va kasbiy faoliyatda zamonaviy ilmiy tadqiqotlarda foydalana olishi;
• ijtimoiy faoliyatida dinning ijtimoiy, kommunikativ va kompensatorlik, falsafasining dunyoqarashni shakllantiruvchi va metodologik, fanning mafkuraviy va bunyodkor kuch funksiyalari mutanosibligini ta’minlashi;
• internet ijtimoiy tarmoqlarida axborotni tanlash va ulardan foydalanish usullarini egallashi;
• o‘zining kasbiy faoliyatida mustaqil qarorlar qabul qilishi;
• bakalavriatning mos yo‘nalishi bo‘yicha raqobatbardosh umumkasbiy tayyorgarlikka ega bo‘lishi:
• kiberterrorizm va kiberzuravonlikka qarshi mafkuraviy immuniteti shakllangan bo‘lishi;
• globallashuv va barqaror taraqqiyotning omillarini korrupsiyaning global ma’naviy inqiroz oqibati ekanligini bilishi, unga qarshi kurashda daxldorlik tuyg‘usi shakllangan bo‘lishi. ijtimoiy jarayonlarni prognozlashtira olish.
• tana va ruh sog‘ligi, tafakkur xavfsizligini ta’minlash, sog‘lom turmush tarziga rioya qilish malaka va ko‘nikmalariga ega bo‘lishi kerak.
VI. Ta’lim texnologiyalari va metodlari:
• ma’ruzalar;
• interfaol keys-stadilar;
• seminarlar (mantiqiy fikrlash, tezkor savol-javoblar);
• guruhlarda ishlash;
• taqdimotlarni qilish;
• individual loyihalar;
• jamoa bo‘lib ishlash va himoya qilish uchun loyihalar.