Zəfər Gününə həsr edilmiş “Xarı bülbül qoxulu Zəfər Günü” adlı Tədbirin Ssenarisi

Sən cəsur pəhləvan, savaşda aslan,

vur, qüvvət qoluna, qələbə sənin!

sözümüz sözdür ha... şair də olsam -

kaş, biləm dönməyi haçan əsgərin?!

Mərmidən səksəndi bir vaxt bələkdə,

indi düşmən üstə od ələməkdə!

Qarabağ sevgisi üstələməkdə -

yadında yar ilə hicran əsgərin.
Aparıcı: “Qarabağım“ adlı kompozisiyanı təqdim edirik.
AĞSAQQAL: Yenə qarlı , şaxtalı , o ayazlı dəhşətli gecənin bu ilində də üz - üzə, göz– gözə dayanmışıq . Bütün Azərbaycan xalqı bu faciəni ürək ağrısıyla öz qəlbində yaşadır. Azərbaycanlının ürəyində bu faciə XX əsrin faciəsinə çevrilib. 1992- ci ilin 26 fevralında erməni silahlı birləşmələri və rus ordusunun 366 -cı motoatıcı alayının köməyi ilə Azərbaycanın qədim şəhəri Xocalıya nankorcasına hücum etdilər. 613 nəfər o cümlədən 106 qadın, və 63 uşağı xüsusi qəddarlıqla qətlə yetirdilər. 487 nəfər şikəst edildi. 1275 nəfər əsr götürüldü, 150 nəfər itgin düşdü. Başı kəsilmiş , dərisi soyulmuş , soyuqdan daş heykələ dönmüş , insanların doğmaların ahi , naləsi yeri - göyü lərzəyə gətirdi. Təbiət ağ libasa geyinsə də , hər yan qırmızı rəngdə görünürdü. Çünki qar üstünə qan yağırdı. Bu qan günahsız Xocalıların qanı idi.