253
qarşı qabaqlayıcı tədbirlər görməlidirlər. Buraya çaykənarı və
dağ yamacları yerlərdə meşələrin salınması, daşqın gözlənilən
yerlərdə çayların sahili boyu müdafiə hidrotexniki qurğuların
tikintisi, quraqlığa dözümlü ağacların, kolların, bitkilərin
əkilməsi, əlavə mühafizə meşə zolağının salınması, şəhərlərdə
yaşıllıqların artırılması, böyük qol-budaqlı kölgə yaradan
ağaclara üstünlük verilməsi, xəstə insanların, uşaqların və yaşlı
şəxslərin sağlamlıq vəziyyətinin daim nəzarətdə saxlanılması
və s. tədbirlər çox vacib hesab edilməlidir.
Ekoloqlar və həkimlər çox isti vaxtlarda əhalinin
sağlamlığının qorunması üçün təklif edirlər ki, evlərin və
otaqların – xüsusən cənuba və cənub-qərbə baxan pəncərə pər-
dələrinin bağlı saxlanılması, kondisionerlər olduqda onların iş
rejimlərinə riayət edilməsi, günün günorta çağlarında açıq ha-
vada olmaqdan imtina, belə havalarda gərgin fiziki və əqli
işlərdən, gərgin idmandan imtina etmək, bədənin sərin və yaş
saxlanılması, soyuq suda isladılmış dəsmalla bədənin tez-tez
silinməsi, çoxlu maye qəbul edilməsi, spirtli içkilərdən imtina,
geyimin düzgün seçilməsi – yəni geniş, yüngül, açıq rəngli və
təbii mal-materiallardan hazırlanan paltarlardan istifadə daha
məqsədə uyğundur. Ürək-damar, tənəffüs sistemində patalogi-
yası olan xroniki xəstələrin, habelə başgicəllənmə, zəiflik, qıc-
olma və ağrılar hiss edən şəxslərin dərhal təcili tibbi yardıma
cəlb edilməsi vacib və zəruridir.
Qeyd edilmişdir ki, Azərbaycanda davamlı ekoloji
siyasətin formalaşdırılması, ölkəmizdə yaşıllığın qorunması,
artırılması, bölgələrimizdə əhalinin təmiz su ilə təmin
olunması, Bakı şəhərinə yeni su kəmərinin – Oğuz-Qəbələ
kəmərinin çəkilməsi, səhiyyə sistemində dünya standartlarına
cavab verə bilən yeni-yeni tibbi müəssisələrin yaradılması,
Fövqəladə Hallar Nazirliyinin geniş və müasir tipli struktur
şəbəkələrinin yaradılması bu sahədə bir çox ölkələrə, xüsusən
də MDB ölkələrinə bir örnəkdir.
254
Lakin, bütün bunlarla bərabər Azərbaycanda ekoloji mü-
hitin sağlamlaşdırılmasına, əhalimizin maarifləndirilməsinə, ic-
ra strukturlarının dövlət və hökümət göstərişlərinə düzgün əməl
edilməsinə, iri şəhərlərdə – xüsusən də Bakı, Sumqayıt, Gəncə
kimi şəhərlərdə tullantıların təlabata uyğun idarə edilməsinə,
məsuliyyətlə yanaşılmasına çox böyük ehtiyac vardır.
İnsan sağlamlığı günümüzdə qlobal istiləşmədən, ekoloji
gərginliyin yaranmasından çox əziyyət çəkdiyindən böyük,
dünyəvi problemə çevrildiyindən, bu məsələ ilə bağlı kiməsə
güzəştə getmək ilk növbədə özümüzə, öz xalqımıza çox böyük
zərərlər gətirər.
255
XIII FƏSĠL
XƏZƏRƏ PĠSLĠK ETMƏYĠN, YAXġILIĞA ĠSƏ
EHTĠYACI OLMAYACAQ
13.1. Xəzər tarixindən məqamlar və onunla bağlı
yaranan fövqəladə hallar
Ümumilikdə, Azərbaycan təbii fəlakətlər baxımından
dünyanın ən "zəngin" bölgələrindən biri sayılır. Bununla yanaşı
respublikamızda mürəkkəb texnologiyaya malik çoxlu neft
emalı müəssisələrinin, güclü təsirli kimyəvi maddələr işlədilən
zavod və fabriklərin olması texnogen mənşəli fövqəladə hallar
mənbələrinin də çox olmasını göstərir.
Dünya təcrübəsi götərir ki, istehsalat qəzalarının qarşısı-
nın alınması və təbii fəlakətlərin vura biləcəyi ziyanın azal-
dılması məqsədi ilə əvvəlcədən çəkilən xərclər, belə halların
nəticələrini aradan qaldırmaq üçün sərf edilən vəsaitdən dəfə-
lərlə az olur. Bunun üçün nəinki, fəlakətlərdən sonra onun nəti-
cələrinin aradan qaldırılması işlərini təşkil və onlara rəhbərlik
edən, həm də milli proqram əsasında fəlakətlərlə mübarizə
dövlət siyasəti və fəaliyyətinin istiqamətlərindən birincisi kimi
olmalıdır.
Okeanlardan təcrid olunmuş, qapalı su hövzəsi olan Xə-
zər, özünəməxsus hidroloji rejimə malikdir. Bu rejim dənizin
müxtəlif sahələrində müxtəlifdir və onun dərinliyindən, dibin
relyefindən, çayların axarından, xeyli dərəcədə isə iqlim xü-
susiyyətlərindən asılı olsa da, ona yaxın fəza cismlərinin hə-
rəkət təsiri, onlarda gedən periodik dəyişikliklərdən də asılıdır.
Minilliklər ərzində Xəzərdə suyun səviyyəsi daim dəyiş-
miş, dəniz gah hücum edib sahilləri basmış, gah da geri çə-
kilmiş, suyun səviyyəsi metrlərlə aşağı düşmüş, həcmi və sahil
xətti heç vaxt sabit qalmamışdır.
256
Dəniz sahillərindəki bir sıra əlamətlər və abidələr, tarix
boyu suyun səviyyəsinin müntəzəm olaraq dəyişdiyinə şahidlik
edir.
Mütəxəsislər qədim dövr ədiblərinin, etnoqraflarının,
səyahətçilərinin yazılı əsərlərindən, qədim xəritələrdən, arxeo-
loji elmi işlərdən istifadə etməklə Xəzər səviyyəsinin 1556-cı
ildən 1830-cu illərədək olan dövrdə səth dəyişməsinin mənzə-
rəsini tərtib etmişlər. Elə 1830-cu ildən də mütəmadi Bakı li-
manında Xəzər səviyyəsinin dəyişməsini qeydə almağa
başlamışlar.
Azərbaycanda və Xəzər ətrafı ölkələrin hamısında bir sıra
təsərrüfat sahələrinin vəziyyəti dənizlə sıx bağlıdır, su səviyyə-
sinin dəyişməsindən bilavasitə asılıdır. Xəzər akvatoriyasında
inkişaf edən neft sənayesi, qaz sənayesi, neft məhsulları və di-
gər yüklər daşıyan, su nəqliyyatı, geniş balıqçılıq təsərrüfatları,
Qaraboğazgöl körfəzində sulfat istehsalı, digər kimya sənayesi,
habelə Bakı və Sumqayıt şəhər təsərrüfatının problemləri Xə-
zərin səviyyəsindən çox ciddi olaraq asılıdır.
Xəzər səviyyəsinin aşağı düşməsi, limanlara yaxınlaşma
yerlərinin dayazlaşmasına səbəb olmaqla, ümumiyyətlə gəmilə-
rin hərəkətini çətinləşdirir. Kür, Volqa, Ural çayları mənsəblə-
rində suyun gəmiçilik üçün tələb olunan dərinliyinin saxlanma-
sı, Bakı, Türkmənbaşı, Mahaçqala və s. limanlarında yanalma
kanallarının dərinləşdirilməsi üçün külli miqdar vəsait tələb
edir. Suyun səviyyəsinin aşağı düşməsi sahil elektrik stansiya-
larının da fəaliyyətinə mənfi təsir edir.
1977-ci ildən bəşlayaraq, Xəzər səviyyəsinin 2,2 metrdən
çox qalxması Respublikamızda xalq təsərrüfatı üçün bir sıra
neqativ hallar yaratdı. Lənkəran, Astara, Şimali Abşeron bölgə-
si, Nabran bölgəsi, Qaradağ bölgəsinin Dənizkənarı qəsəbəsi,
Bakı limanının ayrı-ayrı yerləri, Sumqayıt sahilləri və s. çox
böyük itkilərə məruz qaldı.
Sənaye, neft və məişət tullantıları ilə çirkləndirilmiş sa-
hələr isə Xəzər ekologiyasına böyük zərərlər vurdu. Nəzərə al-
Dostları ilə paylaş: |