Andijon viloyati

2021-yilning 2-noyabr kuni oʻtkazilgan videoselektirda davlatimiz rahbari tomonidan "Yashil makon" umummilliy loyihasi ilgari surilib, shahar va qishloqlarda koʻkalamzorlashtirilgan maydonlarni hozirgi 8 foizdan 30 foizga yetkazish yetkazish tashabbusi orqali mazkur sohada yuzaga kelgan boʻshliqni toʻldirishning real imkoniyatlari oʻrtaga tashlandi. Loyiha doirasida 200 million tup mevali, manzarali daraxt va butalar oʻtkazadi.

ANDIJON VILOYATI
Xususan viloyatimiz, Andijonda ham ushbu loyiha asosidagi amaliy ishlar jadal boshlab yuborildi. Viloyat ekologiya va atrof-muhitni muhofaza qilish boshqarmasi ma'lumotiga koʻra, shu kungacha tuman va shaharlarda 400 ming tupdan ortiq mevali va manzarali daraxt koʻchatlari ekildi. Bu xayrli ishda har bir korxona, tashkilot va oʻquv muassasalari faol ishtirok etmoqdalar. Jumladan," Andijon suv taʼminoti " MCHJ jamoasi Andijon tumanida barpo etilayotgan " Yangi Andijon " massivida 30 sotixdan iborat hududda yashil maydon yaratmoqdalar.
Koʻchat ekish jarayonida hududning tuproq va iqlim sharoitiga alohida eʼtibor qaratilmoqda. Kelgusida tomchilatib sugʻorish orqali koʻchatlarni parvarishlashni hisobga olgan holda me'yordan ortiqcha suv talab qilmaydigan 25 turdagi daraxt turlari tanlab olindi.
Bugun "Yangi Andijon "massivida boshlangan loyiha viloyatning har bir shahar, tuman va mahallalarda davom etmoqda.



NAMANGAN VILOYATI
Umummilliy loyihaga muofiq Namangan viloyatida 15 million 397 ming tup koʻchat oʻtqazish rejalashtirilgan. Ularning asosiy qismi 62,5 gektar yerda tashkil etiladigan 29ta " Jamoat parki", 83,1 gektar yerdan oʻrin oladigan 30ta " Yashil maydon" hamda koʻcha boʻylari, bogʻ va xiyobonlar va boshqa boʻsh yerlarga joylashtiriladi.
Noyabrning dastlabki haftasida start olgan " Dolzarb 40 kunlik" tadbirlari shahar mahallalaridan tortib, qishloqlargacha, korxona va tashkilotlar, ta'lim muassasalari, xonadonlargacha qamrab olgan. Ayniqsa, viloyatdagi mavjud 777 ta mahalla fuqarolar yigʻinlarining barchasida oʻtkazilgan hasharlar chinakam ommaviy tus oldi