Maktabgacha ta'lim Klasterlarida Maktabgacha ta'lim tashkilotlarida pedagog kadrlarining

Maktabgacha ta'lim
Klasterlarida
Maktabgacha ta'lim tashkilotlarida
pedagog kadrlarining
2022- yil aprel oyida malaka oshirish bo'yicha
Qo’qon shahar Maktabgacha ta’lim bo’limi tasarrufidagi
4-davlat maktabgacha ta’lim tashkiloti
tarbiyachisi
Mamatqulova Dilfuzaxon Djumanovnaning
"ILK QADAM " davlat o'quv dasturi
bo'yicha fevral oyining
" ONAMNING KUNI “
mavzusidagi mashg'ulotni tashkil etish va o'tkazish metodikasi
BITIRUV LOYIHAVIY ISHI


Qo’qon-2022


Reja:

1. 
   Kirish.
   
2. 
   Faoliyat maqsadi
   
3. 
   Kutilayotgan natija
   
4. 
   Qo'llaniladigan metodlar
   
5. 
   Faoliyatning borishi
   
6. 
   O'tilgan mavzuni takrorlash
   
7. 
   Yakuniy qism
   
8. 
   Xulosa
   

Kirish.
Bizni hamisha o‘ylantirib keladigan yana bir muhim masala – bu yoshlarimizning odob-axloqi, yurish-turishi, bir so‘z bilan aytganda, dunyoqarashi bilan bog‘liq. Bugun zamon shiddat bilan o‘zgaryapti. Bu o‘zgarishlarni hammadan ham ko‘proq his etadigan kim – yoshlar. Mayli, yoshlar o‘z davrining talablari bilan uyg‘un bo‘lsin. Lekin ayni paytda o‘zligini ham unutmasin. Biz kimmiz, qanday ulug‘ zotlarning avlodimiz, degan da’vat ularning qalbida doimo aks-sado berib, o‘zligiga sodiq qolishga undab tursin. Bunga nimaning hisobidan erishamiz? Tarbiya, tarbiya va faqat tarbiya hisobidan.
Shavkat Mirziyoyev

Bolalarni onalar kunini mamlakatimizda va chet ellarda nishonlash tarixi va urf-odatlari bilan tanishtirish.

Bolalarning ijodiy faoliyatini, nutqini, xotirasini, diqqatini, qiziqishini rivojlantirish.
Bolalarda onaga nisbatan mehrli, diqqatli, g'amxo'r, hurmatli munosabatni, unga yordam berish, uni rozi qilish istagini tarbiyalash.
O‘zini o‘zi rivojlantirish kompetensiyasi — doimiy ravishda o‘z-o‘zini jismoniy, ma’naviy, ruhiy, intellektual va kreativ rivojlantirish, kamolotga intilish, hayoti davomida mustaqil o‘qib-o‘rganish, va mustaqil qaror qabul qila olish ko‘nikmalarini egallaydi
Ijtimoiy faol fuqarolik kompetensiyasi — jamiyatda bo‘layotgan voqea, hodisa va jarayonlarga daxldorlikni his etish va ularda faol ishtirok etish, o‘zining fuqarolik burch va huquqlarini bilish, unga rioya qilish, va huquqiy madaniyatga ega bo‘lish layoqatlarini shakllantiradi. Ma’lumki, MTT dagi bolalar, ota – onalar va pedagog xodimlar maktabgacha ta’lim jarayonining ishtirokchilaridir. Ota – onalar o’z bolalari uchun o’qitish va tarbiyalashning shakllari, MTT turi va ta’lim berish tilini tanlash huquqiga ega va MTT dan o’z farzandining shaxsiga nisbatan hurmat bilan munosabatda bo’lishni talab qilish mumkin. Demak, MTT dagi bola faoliyati bevosita ota – onalar qonun doirasidagi. Muhim ta'lim va tarbiyaviy daqiqa erta yosh she’r yod olishdir. Bu nutqni yaxshilaydi va xotirani rivojlantiradi. Shuning uchun, bolalar uchun ertak uchun siz bolalarni qiziqtirishi uchun o'zingizni o'yin rolida isbotlash imkoniyati bilan to'ldirilgan kichik qofiyali matnni tanlashingiz kerak. Siz taniqli mualliflarning taniqli she'rlari bo'yicha material to'plashingiz mumkin: Agniya Barto, Elena Blaginina, Grigore Vieru. Tomoshabinlar diqqatiga, oxiri kutilmagan bo'lishi va intrigani o'z ichiga olishi juda muhimdir. Eng to'g'risi, agar ona haqidagi sahna kulgili bo'lsa, chunki unda ijobiy his-tuyg'ular juda muhimdir.
Lekin bu, albatta, tarbiyaviy xususiyatga ega bo'lishi kerak: nafaqat hazil tuyg'usini shakllantirishga hissa qo'shish, balki mehr-oqibat, o'zaro yordam va o'z oilasida g'ururlanishni o'rgatadi. Pedagog yetakchi rolini o‘z zimmasiga olishi mumkin va ichida katta guruh- eng tayyor bola, syujetning ipini ushlab turishga qodir, chunki aks holda kontent tomoshabinlarga etkazilmaydi.
Ko’rinib turibdiki, farzand nafaqat oila tarbiyasi orqali kamol topadi, balki unga Davlatimiz tomonidan berilgan imkoniyatlar asosida tashkil etilgan MTT orqali ham kamol topadi. Chunki, bo’lajak kattalar ana shu kichiklar negizida tayyor bo’ladi. Bundan tashqari xalqimiz bolaparvar va o’z zurriyodini jonidan ham aziz ko’ruvchi xalq. Ular farzandlarini oilasining quvonchi, ota – onasining mehr nuridan yaralgan, ya’ni Alloh ato etgan oliy ne’mat, jamiyatning hayotbaxsh hamda harakatlantiruvchi kuchi, deb biladilar. Shuningdek, farzand umr mevasi, oila faxri va quvonchi hamda davomchisi bo’lganligi uchun ham u oilaning kelajagi baxtidir. Biz oilani davlat ichra kichik davlat deb ataymiz. Unda yangi inson, ya’ni davlatning yangi bir vakili dunyoga keladi. Kichik davlat – oila esa bu inson uchun dastlabki hayot dorilfununi bo’ladi. Shu sababli ota – onalar farzandning birinchi o’qituvchisi va tarbiyachisidir. Farzandni barkamol va ma’naviy yetuk qilib o’stirish uchun, eng avvalo ota – onaning o’zi yuksak axloqiy fazilatlarga ega bo’lishi kerak. Bunday muhim va istiqbolli muammolarni hal qilishda mamlakatimizda ota – onalarga yordam ko’rsatish maqsadida MTT tashkil etilgan. Bu borada MTT bilan ota – onalar hamkorligining ahamiyati katta.
MTT da bolalardagi ma’naviy sifatlarni shakllantirishga keng imkoniyatlar mavjud. Ularni quyidagi ma’naviy sifatlar qamrovida olib borgan ma’qul: atrofdagilarga hurmat bilan munosabatda bo’lish; jonkuyarlik; kamtarlik; odob bilan gaplashish; mehmondo’st; kattalarga sizlab, ismi – sharifini to’liq aytib murojaat qilish; muloyimlik; xushmuomalalik; shirinso’zlik; odoblilik; ziyraklik; jonkuyarlik; dilkashlik; sabrlilik; mas’uliyatlilik; intizomlilik; tashabbuskorlik; xushxulqlik; mustaqillik; mehnatsevarlik; mehribonlik va shu kabilar. Bu ma’naviy sifatlar bir qarashda bog’cha yoshidagi bolalarga ko’plik yoki og’irlik qiladiganga o’xshab ko’rinadi. Siz bundan cho’chimang! Bularning hammasi bolaning bog’cha ostonasiga kirib kelishi bilan boshlanadigan faoliyat turidir. Faqatgina bunga murabbiy va tarbiyachilar o’zlari ibrat – namuna ko’rsatib, e’tibor berib boradi. Bu borada ular oldida qator vazifalar bor. Biz ularni namuna (andoza) sifatida quyidagicha ifodalashni lozim topdik: “Tarbiyali bola ulug’larni izzat va hurmat qilur. O’zi barobariga yaxshi muomala qilur. Va o’zidan kichiklarga shafqat va marhamat qilur. har kimning qadrini bilur” Munavvarqori Abdurashidxonov
 tarbiyachilar bolalarga axloq – odobning muhim me’yorlari – salomlashish, yurish – turish, so’zlashish, ovqatlanish, tozalik, ozodalik kabi fazilatlarni izchillik bilan singdirib borishlari shart;
 bolani kundalik tartibga rioya qilishga o’rgatish;
 bolaning bog’chada ham jismonan, ham ma’nan o’sib rivojlanishiga sharoit yaratish va bunga doimo g’amxo’rlik qilish;
 bolani o’zaro hurmat ruhida tarbiyalashning samarali usul yoki uslublaridan foydalanish;
 bola shaxsini hurmat qilish, ularning ishlari, qiziqishlari, manfaatlari bilan hisoblashish;
 bolada ma’naviy sifatlarni tarkib toptirishga muntazam ravishda e’tiborda bo’lish;
 bolalarda turli xil illatlarning paydo bo’lib qolishidan juda ham ehtiyot bo’lish;
 bola ongiga umummanfaat bilan hisoblashish zarurligini singdirib borish;
 bolaning nutqiga va uning ravonligi hamda mazmundorligiga doimo e’tibor berish;
 bola tarbiyasiga oid didaktik vositalar va materiallarni yetarli qilib to’plab olish hamda ulardan samarali va ijodiy foydalanish;
 bolada burch va mas’uliyat hissini shakllantirish.
Bu qayd etilgan vazifalar qat’iy emas, balki Sizda bundan-da mukammalroq vazifalar tizimi bordir. Bizning umumiy maqsadimiz farzandlarimizni ma’naviy yetuk va barkamol qilib tarbiyalashdan iboratdir, chunki ular O’zbekiston kelajagining mustahkam poydevoridir. Shu o’rinda quyidagi fikr tadqiqotimizning ahamiyatini tasdiqlaydi: “Tartib asosida ish qiladigan bola berilgan topshiriqlarni o’z vaqtida puxta bajarishga, jamoat orasida ham o’zini tutishga va imkon qadar e’tibor qozonishga odatlanib boradi. Bundan tashqari, rejim bolani sog’lom, tetik, baquvvat bo’lib o’sishiga hamda aqliy jihatdan to’g’ri rivojlanishiga katta ta’sir etadi. Bola o’zi sevgan mashg’uloti bilan shug’ullanishga vaqt topa oladi. U hamisha ruhan tetik, ma’lum maqsadga intiluvchan, serzavq, o’z ishidan mamnun bo’ladi” [28, 24 -b]. Demak, biz yuqorida keltirib o’tgan bolaning ma’naviy sifatlari va ularning bola ongida tarkib toptirishdagi murabbiylar yoki tarbiyachilar vazifalari tizimi oila yoki MTT uchungina emas, balki jamiyat va uning ma’naviy rivoji uchun ham ma’naviy “ozuqa”dir. Bunga sabab, bolalarimiz turmushda yoki tevarak – atrofimizda uchraydigan turli xil salbiy yoki ijobiy holatlarni farqlay olishlari kerak, aks holda ular ongida turli xil illatlar ildizlari tomir otib ketishi mumkin. Bu jihatlar dastlab oiladan boshlanadi ya’ni oiladagi tartib – intizomlik, tozalik – ozodalik bola MTT borganda ham sezilib turadi. Shuning uchun ham oila va MTT hamkorligi o’ta muhimdir. Demak, oilada va MTT da shakllangan bolalarning ma’naviy sifatlari ularni maktabga tayyorlashda muhim ahamiyat kasb etadi.