1 Ramiz Də
Yüklə 2,51 Mb. Pdf görüntüsü
|
- Bu səhifədəki naviqasiya:
- XXVI fəsil. İspanların gəlişindən narazı olan yerli hindular hücuma keçirlər
570 - Əgər elədirsə, mən də sizinlə axtarışa yollancam. – deyə fürsəti əldən vermək istəməyən Migel səbirsizliklə leytenanta müraciət etdi. – Necə olsa da, mənim döyüş əməliyyatlarında böyük təcrübəm var. – Sonra üzünü kapitana tutub ehtiramla sözünə davam etdi. – Bilirəm ki, belə bir xeyirxah iş üçün kapitan mənə heç bir etiraz etməz. - Nə deyirəm ki, əgər sən də getmək istəyirsənsə, get. – deyə kapitan bir balaca tərəddüd edəndən sonra Migelə razılığını bildirdi. – Hər şeydə ayıq olun. - Birinci dəfə deyil ki. – deyə kapitanın sözünü yarım- çıq qoyan leytenant istehza ilə dilləndi. - Özünüzdən müğayat olun, hindulardan hər şey gözlə- mək olar. – deyə kapitan narahat halda dilləndi. - Çalışın onlarla silahlı münaqişə yaratmayın. Mən sizin hamınızı Araukan ölkəsinə sağ-salamat çatdırmaq istəyirəm.
XXVI fəsil. İspanların gəlişindən narazı olan yerli hindular hücuma keçirlər
Beləliklə, kapitanın razılığını alan Migel leytenant Vaskonun başçılıq etdiyi köhnə konkistadorlar dəstəsilə
571 ova yollanmış əsgərlərin axtarışı üçün düşərgəni tərk etmək istədi. Lakin son nəticədə kapitan onu saxlayıb başqa bir dəstə ilə axtarışa göndərəcəyini bildirdi. Kimsə kapitana bildirmişdi ki, bu əməliyyat uğurlu keçsin deyə, axtarışa bir yox, iki dəstə getsin. Əməliyyat ərazisinə düşən yer həddin- dən artıq iri idi. Kapitan da həmin fikir ilə tam razılaşmışdı. Vaskonu qərb istiqamətində axtarışa göndərdi. Sonra Migelə təklif etdi ki, beş-altı nəfər cəngavərlərdən ibarət bir dəstə yaradıb cənub, cənub-qərb istiqamətində axtarışa yollansın. Migel elə də etdi. O, cəngavərlərdən Xose Men- dosu, Armando Qomesi, Enrike Nunyosu, arbalyotçu Luis İsidoronu, dostları Sebastyan Solinosu və Osvaldo Xuaresi götürüb deyilən istiqamətdə axtarışa yollandı. Dəstə verilən əməliyyatı axşama kimi yerinə yetirib düşərgəyə qayıtmalı idi.
Migelin yaratdığı dəstə döyüş təcrübəsinə görə leytenant Vaskonun dəstəsindən çox üstün idi. Necə olsa da, həmin dəstə döyüşlərdə cəngavər titulu almış təcrübəli və qorxmaz döyüşçülərdən ibarət idi. Migel onlardan yalnız ikisini yaxşı tanıyırdı. Qalan dörd cəngavərləri dostlarının təqdimatlarına əsasən öz dəstəsinə götürmüşdü. Lakin az- çox o, Enrike Nunyosla tanış idi (o həmin cəngavər idi ki, Lepanto döyüşündə türklərə qarşı döyüşmüşdür). Bu dəstənin heyətinə heç bir söz ola bilməzdi. Günortadan iki
572 saat keçdiyinə baxmayaraq, bugünki hava hələ də öz istiliyini itirməmişdi. Hava həddindən artıq isti idi. Axtarış zonası yüksəkliklərdə olduğu üçün heyətin heç bir üzvü dəmir geyim geyməmişdi. Cəngavərlər o vaxtkı qayda ilə silahlanmışdıar. Migel özü də pis silahlanmamışdı. O, bu yürüşə özü ilə iki tapança, qılınc, xəncər, kaman və ox götürmüşdü. Cavan zadəgan həmişə belə yürüşlərə ciddi əhəmiyyət verirdi. Düşərgədən bir az aralandıqdan sonra Migelgil qalın bir meşəyə daxil oldular. Ağacların cürbəcür növdə olması, ondan xəbər verirdi ki, bu meşə qarışıq meşədir və bütün ətrafda heyvanların qışqırığı çox eşidilirdi. Ancaq Migelgil meşənin içərilərinə doğru getdikcə heyvanların səsi demək olar ki, get-gedə uzaqlaşırdı. İnsan gəlişi ilə heyvanlar çalışırdı həmin ərazini tərk etsin. İndi Migelgili ən çox heyvanların yox, insanların səsi maraqlandırırdı. O, Odovaldo qardaşlarını və onların əsgərlərini çox yaxşı tanıyırdı. Onlar harada olurlarsa-qoy olsunlar, həmişə qaragüruh salırdılar. Onlar üçün qərib ölkə, düşmən ərazisi termini yox idi. Hara gedirlərsə-getsinlər, özlərini həmişə həyasızcasına aparırdılar . Əgər bu meşədə və ya bu ərazidə hindularla rastlaşıblarsa, onların səsləri indi bütün ətrafı bürümüşdü. Deməli, onlar bu yaxınlıqda yox idilər. Həm də Migelgil yenicə, meşəyə daxil olmuş və burada çox yol qət
573 etməmişdilər. Lap qabaqda Armando gedirdi. Bu dəstənin başqa üzvlərinə nisbətən, onun meşə keçidində böyük təcrübəsi vardı. Bir növ o, burada həm də bələdçilik funksiyasını yerinə yetirirdi. İkinci isə arbalyotçu-cəngavər Luis gedirdi. Düşmən qarşıdan hücuma keçmək istəyəndə, o, arbalyotu ilə həmin hədəfi dəf etməli idi. Armando Niderland müharibəsində doqquz il döyüşüb- dür. Xüsusən də Niderlandın Flandriya və Eqo əyalətlərinin qalın meşələrində “meşə gyözlərinə” qarşı. Həmin əyalət- lərdə ispan əsgərləri tez-tez “meşə gyöz”lərinin hücum- larına məruz qalaraq, çoxlu itki verirdilər. Əməliyyatların ağırlığına baxmayaraq Armando həmin döyüşlərdən sağ- salamat çıxmışdır. Düzdür, həmin müharibədə o, dörd dəfə yaralanmışdır. Ən axırıncı dəfə bir il bundan əvvəl Utrexdə onun kürəyinə balta zərbəsi endirilmiş və o, həddindən artıq ağır yaralanmışdı. Demək olar ki, cəngavər həmin döyüşdə təsadüfən sağ qalmışdır. Armando o qədər də hündür olmayan, ortabədənli, iri qamətli çevik bir adam idi. İyirmi yeddi yaşlı cəngavərin uzunsov sifəti, qısa qara qıvrım saçları, iri burnu, balaca gözləri, qalın qaşları vardı. Üzünü qalın saqqal ötürmüşdü. Ağzı nə yekə, nə balaca, dodaqları isə qalın idi. Soyuq baxışlarından və qaradinməzliyi bu adamın gülüb-danışan
Yüklə 2,51 Mb. Dostları ilə paylaş:
|