343
qısa müddət ərzində astronomik surətdə yaxşılığa doğru
inkişaf etmiş və gözəlliyinə görə postsovet məkanında
əksər şəhərləri arxada qoymuşdu. Sergey inana bilmirdi ki,
bu əvvəlki Bakıdır.
XIII fəsil. Müharibə dəhşətlərinin zavallı
şahidləri
“Eurovision” yarışmasının finalı başa çatan günün
səhərisi, Sergey gələcək işlərinə kömək olacaq bir faktı da
öz gözü ilə görmək üçün, rayonların birində yerləşən çadır
şəhərçiyinə getmək istəyini bildirdi. Şəhərdəki qaçqınların
günü-güzaranı ona bəlli idi, lakin rayonlarda sığınacaq
tapan qaçqınların həyatının necə olması rus pedaqoqunu
bərk maraqlandırırdı. Çünki şəhər kommunikasiyaları ilə
rayondakı şəraitlər bir-birindən kəskin surətdə fərqlənirdi.
Abram rus dostunun fikrini o dəqiqə başa düşdü. Qaçqın
statusu almış Mariz ilə İlqar Əvəzin qardaşları idi və onlar
düşdükləri acınacaqlı vəziyyəti istədikləri şəkildə rus
qonağına çatdırmaq üçün müəyyən bir şou qura bilərdilər.
344
Ona görə ki, Sergey belə bir şou ilə Eduardın timsalında
Sankt-Peterburqda üzləşmişdi. Hazırkı durumda onu ucqar
rayonlarda və ya qəsəbələrdə yerləşən qaçqınların durumu
maraqlandırdığından rayonların birinə getmək istədiyini
bildirdi.
Bu dəfə Sergeyi bölgəyə Heydər ilə Vahid Abramın
maşınında müşayiət etməliydilər. Kamil ilə Füzuli işlərin-
dən ayrıla bilmədikləri üçün nəzərdə tutulan səfərdə iştirak
edə bilmədilər.
Seçim qonağın elə öz öhdəsinə verildi. O, hansı rayonu
istəsə idi, Abram da maşını ora sürməli idi. Sergey Gəncə
yaxınlığında yerləşən qaçqın şəhərciyini seçdi.
Təsadüfdən, yoxsa zərurətdənmi həmin yer seçilmişdi. İş
ondadır ki, orada məskunlaşan qaçqınlar əsl soyqırımı öz
üzərlərində görmüş və ermənilərin Afrikadakı ölü cəsədi
yeyən kaftarlardan və çaqqallardan da amansız yırtıcı
olduqlarının şahidi olmuşdular.
Qonaqlar qaçqınların ərazisinə daxil olan kimi onları şə-
hərciyin komendantı qarşıladı və biləndə ki, gələnlər kim-
lərdir, tanıtım mərasiminə başladılar. Qaçqınların baraklar-
da, çadırlarda, fanerlə düzəldilmiş komalarda, köhnəlmiş
avtobuslarda, sınıq-salxaq evlərdə, divarları paslanmış
vaqonlarda yaşamaları Sergeyi şok vəziyyətinə saldı.
345
Əvəz Laçın qaçqınları ilə görüşən zaman orada əyani
surətdə tanıdığı, 2 il erməni əsirliyində olan Yeganə və
Müşfiq Əliyevlər bacı qardaşı gördü və tərəddüd etmədən
qonaqlarla birlikdə onlara yaxınlaşdı. Peşəkar həkim qona-
ğın kimliyini qaçqınlara izah edən kimi, əsirlikdə onların
başına gələn müsibətlərin bəzi epizodlarını danışmağı xahiş
etdi. Xatirələr acı olsa da, yaşı otuzu keçmiş xanım dedi:
- Biz, ermənilərin işğal etdikləri Laçından Kəlbəcərə
gələndə orada əsir düşdük. 30 nəfərin mindiyi “Kamaz”
gülləbaran edildi, anamı, atamı və digər qohumlarımı öldür-
dülər. Mən və qardaşlarım isə ağır yarlandıq. Mənə 8 güllə
dəymişdi. Ermənilər (aralarında bir qadın da var idi) mənim
və o biri yaralıların saçından tutaraq “KamAZ”dan yerə
atdılar. 11 yaşlı balaca qardaşım yaralansa da, hələ sağ idi.
Onu erməni əsgərləri təpiklə döydülər, sonra da “KamAZ”a
atıb diri-diri yandırdılar. Digər qardaşım Müşfiq ayağından
yaralanmışdı. Bizimlə bərabər, Səma adlı bir hamilə qadın
və onun 2 balaca qızı da yaralı idi. Ermənilər onu qarnından
gülləylə vurmuşdular. Bir “KamAZ” adamdan cəmi 5 nəfər
sağ qalmışdıq. Bizi bir maşına “yığıb” Ağdərəyə apardılar
və orada qarın üstünə yerə atdılar.
Səmanın 3 yaşlı qızı da ağır yaralı idi, güllə sinəsinə
dəymişdi. Ermənilər onu zibil vedrəsinə atdılar. Bizi ac-
susuz, yaralı halda bir neçə gün saxladılar. Erməni əsgərləri
346
bizi döyür, təhqir edirdilər. Bizi Xankəndinə apardılar.
Yolda meşədə bir hərbi hissədə çoxlu rus gördüm və
oradakı tibb bacılarının əksəriyyəti ruslar idi. Xankəndidə
100-dən çox əsir uşaq gördüm. Orada 15 yaşlı qardaşım
Müşfiqi tapdım.
İşgəncələr zamanı şikəst olan Müşfiq axsaq ayağını
salamat ayağının üstünə qoyub hüznlə dedi:
- Ayağımın yarasından qan axırdı. Qanı kəsmək üçün
buz kimi soyuq suyu yaramın üstünə tökürdülər. Bizə tək
erməni əsgərləri yox, “həkimlər” də işgəncələr verirdi. Bir
gün yanıma əlində qayçı olan başqa bir “həkim” gəldi. Tibb
bacıları tərpənməyim deyə, qollarımdan tutdular. Keyidici,
ağrıkəsici olmadan “həkim” yara olan ayağımın ətini
doğramağa başladı. Ağrıdan qışqıranda isə məni möhkəm
döyür və nəfəsim kəsilənədək boğurdu. Beləcə ayağımın
ətini doğrayıb sümüyümə keçdi. Sümüyümü sındırıb hissə-
hissə qoparırdı. İndi də ayağımdakı sümük 5 santimetr
əskikdir. – Müşfiq sübut üçün şalvarının balağını qaldırıb
ayağını qonaqlara göstərdi və həmin an sözünə davam etdi.
- Sümüyümü qoparandan sonra iynəylə ətimi tikdi. Yaralı
vəziyyətdə ermənilər gəlib məni və başqa yaralı əsirləri
işlətmək üçün aparırdılar. Yaram çox pis idi, çirk verirdi.
İşləyə bilməyəndə döyürdülər, ona görə də məcbur qalıb
odun daşımağa başladım.
Dostları ilə paylaş: |