1 Ramiz Dəniz
Yüklə 2,72 Mb. Pdf görüntüsü
|
- Bu səhifədəki naviqasiya:
- XII fəsil. Şəhidlərin uyuduğu məzarlar
- “Şəhidlər Xiyabanı”
331 - Biz uzun müddət bir ölkənin tərkibində yaşamışıq və ağlıma belə gətirməzdim ki, haçansa bir yerdə yaşayan iki millət arasında bu cür ifrat düşmənçilik yarana bilər. Axı, ermənilər Rusiyanın şəhərlərinə doluşaraq hər yerdə bəyan edirlər ki, Qarabağda müharibə başlanan kimi sizin millət mütəmadi olaraq onları fiziki cəhətcə məhv etməyə başlayıblar. Sumqayıt və Bakı hadisələrini əllərində şüar tutaraq özlərini zərərçəkmiş millət kimi təqdim edirlər. - Sergey Vladimiroviç, artıq sübuta yetirilibdir ki, bütün bunların ssenarisi Moskvada DTK tərəfindən yazılmış və adlarını çəkdiyiniz şəhərlərdə ermənilərin özləri tərəfindən icra edilibdir. – deyə Füzuli müfəssəl şəkildə dilləndi. - Hazırda həm Bakıda, həm də Sumqayıtda on minlərlə erməni yaşayır ki, mövcud durumda heç kim onları nəinki fiziki cəhətcə məhv etmir, hətta onların xətirlərinə belə dəymirlər. Amma nəinki Ermənistanda, hətta yuridik olaraq bizim ölkənin ərazisi olan Qarabağda bir nəfər də olsun azərbaycanlı yoxdur. - Bu haqda mən məlumatlıyam, - deyə Sergey dostu Abramla Pyatiqorskidə olan görüşü yadına saldı və erməni- lərin bəyan etdikləri yalanlara görə öz nifrətini gizlətmədi. – həmin ərazilərdə olanda isə sakinlər arasında nəinki azərbaycanlı, hətta başqa millətin də nümayəndələrini görmədim.
332 - Bundan sonra onlarla heç bir millət çiyin-çiyinə mehribancasına yaşaya bilməz. – deyə Heydər boş olan armudu stəkanları çayla dolurub üzrxahlıqla dilləndi. – Ermənilər yaşadıqları ərazidə mono dövlət yaradaraq, indi də qonşuların torpaqlarını zəbt edirlər. Hələbir başqa ölkələrə car çəkirlər ki, blokadada olduqlarına görə onlara yardım versinlər. Bir sözlə, erməni siyasətçiləri qonşularla düşmənçilik siyasəti yürüdürlər, diplomatları isə böyük ölkələrin qapılarına gedib orada dilənçiliklə məşğuldurlar. - İnanmıram ki, daim başqalarından yardım istəyən bir hökümət Qarabağ üçün bir gün ağlasın. – deyə Sergey ümidsiz halda dilləndi. – Üç-dörd il də keçsə, nəinki Qarabağda, hətta Ermənistanda da əhali qalmayacaq. Orada vəziyyət mən təsəvvür etdiyimdən də ağırdır. - İanələrlə yaşayan dövlətin bünövrəsi çürük olur. – deyə dodaqlarında istehza təbəssümü yaranan Kamil ritorik tərzdə dilləndi. – Artıq onların heç bir həya-abırı qalmayıb- dır. Ondan əvvəlki və indiki hökümətin işi yalnız qonşular- la ədavət aparmaq, xəstə təxəyyüllərlə yaşamaqdan ibarət- dir. Onlar iqtisadiyyatın dirçəldilməsi barəsində yox, elə Füzulinin dediyi kimi yalnız beynəlxalq təşkilatların və hökümətlərin qapısında dilənçilik etməklə məşğuldur. Belə bir siyasət kimə lazımdır?
333 - Hörmətli dostlar, qonşu-qonşu ilə gərək mehriban yaşamalı və əlbəttə ki, bir-birilərinə xoş münasibət bəslə- məlidir. – deyə rus qonağı fəhmsizliklə dilləndi. - Məndə olan məlumata görə sizin hökümət erməniləri bütün kommunikasiya xəttlərindən məhrum edərək, onları bloka- da şəraitində saxlayır. Qonşu ilə düşmən münasibətdə yaşamaq, yalnız acı fəsadlara gətirib çıxaracaq. - Kim ağlına gətirə bilərdi ki, pənah gətirənlərin iştaahasından daha şirin tikələr keçir. – deyə qalın qaşlarını gözlərinin üstündə sıxan yaşlı veteran təmkinlə dilləndi. - Bunu sadə şəkildə izah etməyə çalışacağam. Təsəvvür edin, bir gün kimsə sizin qapınızı döyür və gecələmək üçün sizə yalvarır. Biz həmin vaxt onları evimizə buraxdıq, lakin onlar güzaranlarının pis olduğunu bildirib, müəyyən vaxt evdə qalmağı xahiş edirlər. Bir müddət keçəndən sonra onlar azğınlaşaraq, bizdən öz evimizi tərk etməyi tələb edir və buna görə də nəinki zor tətbiq edir, hətta fiziki cəhətcə məhv etməyə başlayırlar. Sən də ailənin müəyyən üzvləri- nin sağ qalması naminə öz evini tərk etmək məcburiyyətin- də qalırsan.
Bu təsiredici faktlardan dəhşətə gələn rus qonağının vəziyyəti dəyişdi və onun demək olar ki, danışmağa halı qalmadı. Vəziyyəti belə görən ev yiyəsi bir qədər həyətdə
334 gəzişməyi təklif etdi. Lakin vaxtın məhdudluğunu görən Kamil “Şəhidlər Xiyabanı”na getməyi məsləhət bildi.
XII fəsil. Şəhidlərin uyuduğu məzarlar
“Şəhidlər Xiyabanı”na getmək üçün minik maşını olsa da, Sergey həmin yerə ictimai nəqliyyatın vasitəsilə getmə- yi xahiş etdi. O, camaatın içərisində olmaq istəyirdi ki, yaxından onların şəhər və məişətdəki mədəniyyətinə bələd olsun. İlqar axşam işə çıxması ilə əlaqədar onlardan uzaqlaşdı. Kamil ağır çəkili olduğundan Füzulinin maşını ilə deyilən yerə yollandı. Qalanları isə avtobus və ya metrodan istifadə etməli və “Şəhidlər Xiyabanı”nın girişində Füzuligil ilə görüşməli idilər. Hər şeyə diqqətlə fikir verən tarixçi pedaqoq avtobusa minən kimi gördü ki, özündən bir neçə yaş kiçik olan şəxslər, oturduqları yerdən durub ona yer verirlər. Bundan əlavə sərnişinlər ədəb-ərkanla geyinmiş və qabiliyyətlə dayanıb heç kimə mane olmadan hərdənbir bir-birilərilə söhbət edirlər. Həmin hal ilə o, metroda da rastlaşdı. Yüklə 2,72 Mb. Dostları ilə paylaş:
|