1-variant Berilgan vaziyat

18-variant
Berilgan vaziyat.Ijara: uzoq muddatli oddiy ijara. Islom banki mijozi bo’lgan korxona bankdan mevalarni saqlash uchun 3 yilga sovutgich ijaraga olish talabi bilan murojaat qildi. Bank ushbu sovutgichni sotib olib, mijozga operatsion ijara asosida taqdim qildi. Sovutgichning foydali xizmat muddati 5 yil deb baholandi.
Topshiriq mazmuni:Shuningdek, quyidagi moliyaviy ma’lumotlar mavjud (AQSh dollarida):
Sovutgich bahosi 10,000
Yillik eskirish xarajati (amortizatsiya) 2,000
Yillik takoful (sug’urta) to’lovi 600
Bank tomonidan ko’zlangan foyda
1-yil uchun: 900
2-yil uchun: 700
3-yil uchun: 500
Vazifa: Bank ko’zlagan foydasini olish uchun har bir yil uchun choraklik ijara to’lovlarini hisoblang.
19-variant
Berilgan vaziyat.O’zbekistonda sukuk orqali investitsiya jalb qilish uchun yaxshi imkoniyatlar mavjud. Sukuk haqida biroz ma’lumot berib o’tmoqchimiz. Hozirda ko’p ishlatiladigan “chek” so’zi sukukning birlik shakli – “sakk” so’zidan kelib chiqqan bo’lib, o’rta asrlarda musulmonlar tomonidan moliyaviy oldi-berdilarda haqdor va qarzdorlar o’rtasida qo’llanilgan. Sukuklar davlat tomonidan turli infratuzilma loyihalarini moliyalashtirish doirasida, banklar yoki hatto korxonalar tomonidan turli loyihalarni moliyalashtirish uchun chiqarilishi mumkin.
Sukuk chiqarilayotgan loyiha albatta real iqtisodiyotga bog’liq bo’lishi talab etiladi. Sukuk orqali amalga oshiriladigan loyihaga qarab mushoraka, ijara, salam, istisna yoki boshqa turdagi sukuklar chiqarilishi mumkin. Undan tashqari, an’anaviy obligatsiyalardan farqli o’laroq, sukuk orqali moliyalashtirish amalga oshirilganda sarmoya maqsadli ishlatilishi qattiq nazorat qilinadi.
Topshiriq mazmuni:Quyidagi sabablar tufayli, bugungi kunda O’zbekistonda sukuk bozorining rivojlanishi uchun katta imkoniyatlar mavjud va juda qisqa davr ichida sukuk yordamida bir necha milliard dollarlik loyihalarni amalga oshirish mumkin:
- moliyalashtirish qiymati past darajada (masalan, LIBOR darajasi);
- kapital bozorlarida likvidlik (ya’ni pul bilan to’yinganlik) nisbatan yuqori darajada;
- sarmoyadorlar uchun yangi va jozibador sukuk bozori;
- mamlakatimizdagi loyihalarning daromad darajasi yuqori;
- bizning mintaqa bilan hamkorlikni kuchaytirmoqchi bo’lgan Yaqin Sharq va Janubi-Sharqiy Osiyo mamlakatlaridan islom moliyasi asosida samoyadorlarni jalb qilish imkoniyati bor.
Xalqaro sukuk muomalasini O’zbekistonda joriy etish bo’yicha o’z mulohazalaringizni bayon eting.