4-mavzu: Qurilish tashkilotlarida ishlab chiqarish xarajatlari hisobi va qurilish ishlari tannarxini kalkulyatsiya qilishning xususiyatlari

4-mavzu:Qurilish tashkilotlarida ishlab chiqarish xarajatlari hisobi va qurilish ishlari tannarxini kalkulyatsiya qilishning xususiyatlari

Reja:

1. 
   Qurilish tashkilotlarida asosiy ishlab chiqarish xarajatlarining hisobi
   

2. Qurilish tashkilotlarida yordamchi ishlab chiqarish xarajatlarining hisobi

3. 
   Qurilish tashkilotlarida umumishlab chiqarish xarajatlarining hisobi va ularning taqsimoti
   

4. Qurilish ishlari tannarxini kalkulyatsiya qilish usullari

1. 
   Qurilish tashkilotlarida asosiy ishlab chiqarish xarajatlarining hisobi
   

Qurilish tashkilotlarida pudrat shartnomalariga ko‘ra bajarilayotgan qurilish ishlari ularning asosiy ishlab chiqarishini tashkil qiladi. Ishlab chiqarishga sarflangan xarajatlar esa bajarilgan qurilish ishlarining tannarxini tashkil etadi.

Qurilish ishlari tannarxiga kiradigan xarajatlarning tasnifi, guruhlari va aniq moddalarining tarkibi O‘zbekiston Respublikasi Vazirlar Mahkamasining 1999 yil 5 fevraldagi 54-son qarori bilan tasdiqlangan
«Mahsulot (ish, xizmat)larni ishlab chiqish va sotish xarajatlarining tarkibi hamda moliyaviy natijalarni shakllantirish tartibi to‘g‘risida nizom»ga muvofiq bo‘lishi lozim.
Ushbu nizomga ko‘ra qurilish ishlari tannarxiga kiradigan asosiy ishlab chiqarish xarajatlari bevosita va bilvosita (ustama) xarajatlarga bo‘linadi.

Ushbu turdagi xarajatlar iqtisodiy mohiyatiga ko‘ra beshta guruhga ajratiladi va ularning tarkibiga quyidagi xarajat moddalari kiritiladi (5.1-jadval).

4.1-jadval Qurilish ishlari tannarxiga kiritiladigan asosiy ishlab chiqarish

xarajatlari