428
dövranı yaratmaqla və kimyəvi reaksiyalardan alınan istilik hesabına
qızdırılır. Quyudibi zonanın qızmış su buxarı ilə işlənməsi yuxarıda
göstərilən üsullara nisbətən ən səmərəli sayıla bilər. Bunun üçün
quyunun işi çir neçə gün saxlanılır və laya (1,5÷2,5)·10
-5
m
3
/san
sərfində (2-15) Mpa təzyiq altında, temperaturu (150÷250)°C olan
buxar vurulur. Quyu bir neçə gün belə təsirdən sonra bağlı saxlanılır
və yenidən işə buraxılır.
Bu üsulun yuxarıda göstərilənlərə nisbətən üstünlüyü ondan
ibarətdir ki, yüksək istilik tutumuna malik buxarın laya daxilolma
zonası böyük olur və təzyiq altında məsaməli mühitin çatlarına və
kanallarına daxil olaraq onları çökmüş qatran, asfalten və s. –dən
azad edir, neftin özlülüyünü azaldır və nəticədə süzülmə göstəriciləri
xeyli yaxşılaşır.
Buxar ilə quyudibi zonanın qızdırılması ölkəmizin bəzi
yataqlarında (Türkmənistanın Kum-Dağ, Krasnodarın Zıbza;
Saxalinin Katanqm və s.) müvəffəqiyyətlə tətbiq edilir.
Qeyd etmək lazımdır ki, quyudibi zonanın qızdırılması
tədbirinin effektivliyini azaldan bəzi hadisələr də meydana çıxa bilər.
Məsələn, temperaturun artması, qazın neftdə doyma təzyiqini
artırdığından, neftdən qaz ayrılmağa başlayaraq neftin faza
keçiriciliyini azalda bilər. Su buxarı, laya daxil olduqca temperaturun
azalan yerlərində kondensat şəklində mayeyə çevrildiyindən, istismar
vaxtı quyuların sulaşması baş verir. Keçiriciliyin artması ilə əlaqədar
olan süzülmə sürətinin artması hesabına quyuya laydan qum gəlməyə
başlayır. Deməli, quyudibinə təsir etməzdən əvvəl obyektin düzgün
seçilməsi əsas məsələlərdən biridir.
2. Laya istilik ötürücülərinin vurulması
Bu məqsədlə laya su buxarı, qızdırılmış su və qızdırılmış qaz
vurulur. Aparılan laboratoriya və mədən təcrübələri nəticəsində laya
429
istilik ötürücülərinin vurulması ilə neftvermə əmsalının artması aşkar
edilmişdir.
Layın temperaturu artdıqca neftin sıxışdırılması prosesinin
göstəriciləri artır. Özlülüyü çox olan nefti isti su ilə sıxışdırdıqda
temperaturun laydakı 120°C qiymətində 80%-ə kimi neftvermə
əmsalı müşahidə edilmişdir.
Nefti layda qızmış agentlərlə sıxışdırdıqda prosesə müsbət təsir
göstərən amillər: neftin özlülüyünün və sıxlığının azalması, termiki
genişlənməsi, suyun səthi yaxşı islatması və səthi-molekulyar
qüvvələrin dəyişməsidir. Təcrübə nəticəsində bircinsli məsaməli
mühitin neftvermə əmsalı uyğun olaraq nefti su buxarı ilə
sıxışdırdıqda 86,83%, isti su ilə-78,31% və qızmış hava ilə-46,24%
olmuşdur.
Su buxarı istilik agenti kimi aşağıdakı xüsusiyyətləri ilə
fərqlənir: 1) yüksək istilik tutumuna malikdir. Buxarın quruluq
dərəcəsi 0,8 olduqda (80% bu7xar və 20% su) laya çoxlu istilik
ötürmək olur (vurulan agentin vahid həcminə nisbətən); 2) su buxarı
suya nisbətən layda 25-40 dəfə böyük həcm tutur; 3) su buxarı
90% -ə qədər nefti məsaməli mühitdən sıxışdıra bilir.
Laya vurulan isti su, öz temperaturunu tez süxurlara verərək,
soyumağa başlayır. Bunun nəticəsində sıxışdırılan neft ilə suya
vurulan isti su arasında soyumuş su yerləşən zona yaranır. Deməli,
neft-əvvəl temperaturu layın temperaturuna bərabər olan su, sonra isə
isti su ilə sıxışdırılacaq. Nəticədə neftin çıxarılma sürəti artacaqdır.
Zamandan asılı olaraq sıxışdırılmaya məruz qalmayan kiçik
keçiriciliyə malik sahələr də qızaraq istismara qoşulub, neft verməyə
başlayacaqdır.
Yuxarıda deyilənlərin hamısı bircinsli laylar üçün öyrənilmişdir.
Qeyri-bircinsli laylarda, nefti qızmış su ilə sıxışdırdıqda neft-su
sərhədində baş verən kapillyar hadisələr neftverməyə mənfi təsir də
göstərə bilər. Qeyd etmək lazımdır ki, bu hadisə suyun temperaturu
80-85°C qədər olduqda gözlənilə bilər. Yüksək temperaturlarda isə
neftin özlülüyünün hiss ediləcək dərəcədə azalması nəticəsində
430
sərhəddə gedən hadisələr, bircinsli məsaməli mühitdə olduğu kimi,
neftvermə əmsalının artmasına kömək edəcəkdir.
Laya su buxarı vurduqda məsamələrdə istiliyin yayılması və
neftin sıxışdırılması prosesi isti su ilə sıxışdırmaya nisbətən daha
mürəkkəbdir. Laya su buxarı vurulduqda istiliyin yayılma sxemi
VI.13 şəklində göstərilmişdir. Burada 1-ci zona temperaturun
doymuş buxarın temperaturuna qədər azalmasına uyğun gəlir (yəni
lay təzyiqində suyun qaynama temperaturu). 2-ci zonada gizli
buxarlanma istiliyi hesabına layın qızması gedir, sonra isə 3-cü
zonada buxar kondensləşir. Bu zonada layın və su-buxar qarışığının
temperaturu doymuş buxarın temperaturuna bərabər olacaqdır. 3-cü
zonada maye şəklinə keçmiş istu suyun temperaturu təsirindən lay
qızır və nəhayət, 4-cü zonada suyun və layın temperaturu
)
T
(
0
bərabərləşir. Burada da neft lay temperaturuna qədər soyumuş su ilə
sıxışdırılacaqdır. Neftvermənin artmasına qızmış neftin buxarlanması
və buxarlanmış karbohidrogenin bir hissəsinin buxar fazada hərəkəti
müsbət təsir göstərəcəkdir.
Şəkil VI.13
Məsələn, Azərbaycanın neft yataqlarında laya istilik
ötürücüsünün vurulması hesabına lay enerjisi tükənmiş məsaməli
süxurlardan qalıq neftin çıxarılmasına baxaq. Ümumiyyətlə,
Azərbaycanın Abşeron neft-qaz vilayətinin 10 yatağının 48 layına
istilik ötürücüləri vurmaqla qalıq neftin xeyli hissəsini çıxarmaq olar.
Laya isti buxar vurulması ilə yüksək özlülüklü neftin
sıxışdırılmasının sənaye miqyaslı sınağı 1969-cu ildən başlanmışdır.
Dostları ilə paylaş: |