417
iqtisadi cəhətdən səmərəli olmayan hallarda) və sulaşmış laylardan
qalıq neftin alınmasında effektli sayılır. Bircinsli məsaməli
mühitlərdə 95%-dən çox, qeyri-bircinsli mühitlərdə isə 50% -dən çox
qalıq neft alınır.
Misselyar məhlul üç və çox komponentin birləşməsindən
yaranır. Əsas komponentlər maye karbohidrogen, su və səthi aktiv
maddədir. Belə üç komponent adi şəraitdə dayanıqlı misselyar
məhlulun yaranmasına kifayət edir. Lakin məhlulun lay şəraitində
dayanıqlı olması üçün (fiziki-kimyəvi və reoloji xassələrinin
saxlanması üçün) ona dördüncü komponent – stabilizatorlar qatılır.
Maye karbohidrogen kimi mayeşəkilli neft qazından tutmuş
xam yüngül neftə qədər müxtəlif növ mayelərdən istifadə etmək olar.
Su, məhlulun əsas tərkib hissəsidir. Bu məqsədlə adi sudan, zəif
minerallaşmış lay suyundan, yaxud asılı hissəciklərdən və duzlardan
təmizlənmiş sulardan istifadə edilə bilər.
Səthi aktiv maye kimi neftdə həll olan birləşmələrdən –
alkilarilsulfanatlardan, neft sulfanatlarından, alkilfenollardan və s.
istifadə edilir. Dördüncü komponent kimi (stabilizator), adətən,
izopropilenli butil spirtindən, bəzi hallarda isə heksalat və s.-dən
istifadə edilir.
Dörd komponentin ayrı-ayrılıqda miqdarını dəyişdirməklə ya
“xarici su” fazalı misselyar məhlullar hazırlana bilər ( şəkil VI.8a, b).
Misselyar məhlullarda su və karbohidrogen fazaları arasında səthi
gərilmə çox az (ən çoxu 0,001mHm) olur. Komponentlərin tərkibi və
miqdarı misselyar məhlulun faza halını, özlülüyünü, sıxlığını,
şəffaflığını və s. Müəyyən edir.
Spirtin qiyməti baha olduğundan praktiki cəhətdən tərkibində
spirtin miqdarı az olan (5÷10%) məhlullardan istifadə edilməsi
sərfəlidir.
Məhlulun bakteriyalarla dağılmasının qarşısını almaq məqsədilə
ona bəzi bakterisidlər (formaldehidin zəif məhlulu, mis kuporusu,
sulem və s.) qatılır. Bəzi hallarda özlülüyün artırılması məqsədilə
reagentlər də əlavə edilir.
418
Şəkil VI.8
Son zamanlar hazırlanması ucuz başa gələn, tərkibində 80÷95%
su olan misselyar məhlullardan istifadə edilir (cədvəl VI.3).
Cədvəl VI.3
Komponentlər
Xarici neft fazalı məhlul, %
Xarici su fazalı
məhlul,%
tərkibində
su az olan
tərkibində su
çox olan
Səthi aktiv maddə
Karbohidrogen
Su
Spirt
Elektrolit
>5
35÷80
10-55
4
5
*
>4
4-40
55-90
0,01-20
0,001-4
*
>4
2-50
40-95
0,01-20
0,001-4
*
Qeyd.
*
Suya görə hesablanmış çəki miqdarı,%
Misselyar məhlullar aşağıdakı tələbatları ödəməlidir:
1) məhlul müxtəlif şəraitdə nefti yaxşı sıxışdırmalı, yaxud su və
neftlə yaxşı qarışmalıdır. Sulaşmış laylarda yaxşı olar ki, məhlul
ancaq nefti sıxışdırmaq xassəsinə malik olmaqla, su ilə qarışmasın,
quyudibi zonanın işlənməsində isə neft (istismar quyularında) və su
ilə qarışa bilsin (su vuran quyularda);
2) məsaməli mühitdə çökmüş parafin,asfalten, qatran və s. –i
özündə həll edə bilsin. Əks halda qalıq neftin sıxışdırılması effektli
ola bilməz;
419
3) məhlul birfazalı özlü vəziyyətdə qalmalıdır.
Misselyar məhlulun nefti sıxışdırabilmə qabiliyyətinin əsas
gəstəricisi onun özlülüyüdür. Lazımi özlülüyün yaradılması ilə onun
layda hərəkətinin idarə edilməsi mümkündür. Məhlulun özlülüyünə
onun tərkibindəki maddələrin təsiri böyükdür. VI.9 şəklində
tərkibində 76% pentan, 19% sulfanat və 5% izopropil spirti olan
məhlulun suyun miqdarından asılı olaraq özlülüyünün dəyişmə əyrisi
göstərilmişdir. Şəkildən göründüyü kimi, suyun miqdarının 0+40% -
dək artması ilə məhlulun özlülüyü 1
san
MPa
-dən 100
san
MPa
qədər artır. (40-50%) arasında inversiya hadisəsi, yəni
xarici neft fazalı məhluldan xarici su fazalı məhlula keçid baş verir.
Burada suyun 50% -dən başlayaraq artması məhlulun özlülüyünü
azaldır və 100% su halında özlülük 1
san
MPa
olur.
Qeyd etmək
lazımdır ki, misselyar məhlullar üçün özlülüyün suyun miqdarından
asılılığı eyni xarakter daşımır.
VI.9 şəklində adi su ilə hazırlanmış məhlul üçün asılılıq bütöv
xətlə, duzlu su üçün isə qırıq xətlə verilmişdir.
420
Şəkil VI 9
Məhlulun özlülüyünə temperaturun da böyük təsiri vardır.
Tərkibində 50% su olan misselyar məhlul üçün belə asılılıq VI.10, a
şəklində göstərilmişdir. Qeyd etmək lazımdır ki, 65°C-dən yuxarı
temperaturlarda misselyar məhlullar dayanıqsız və ya ikifazalı
vəziyyətdə olur.
VI.10, b şəklində kapillyar viskozimetrdə ölçülmüş reoloji əyri
göstərilmişdir. Şəkildən göründüyü kimi sürət qradiyentinin 0-
200san
-1
qiymətinə qədər fərz edilən özlülük dəyişmir; deməli,
misselyar məhlullar Nyuton mayesinə aiddir.
Təbii lay şəraitində sulaşmış mikro- və makro- qeyri-bircinsli
məsaməli mühitlərdə qalıq neftin misselyar məhlul ilə sıxışdırılması
mexanizmi mürəkkəb şəraitdə gedir. Məlumdur ki, lay sularının
tərkibində müəyyən miqdar mineral duzlar vardır. Belə mühitdə