Alatoran-15-an-son-2010-1: Layout qxd
Yüklə 5,01 Kb. Pdf görüntüsü
|
- Bu səhifədəki naviqasiya:
- Can Yaqub Mahmudlu!
- Nərmin Kamal Bala pişik
- Pişik və qulaq
АЛАТОРАН № 15, YANVAR 2010 52 Necə deyərlər, “soldat spit, slujba idyot”. Hə, bir də uşaqlar qayıdıb gəlirlər ki, bəs, keçilər yoxdu. Ora keçi, bura keçi… uzaqdan görürlər ki, keçilər bir kahanın ağzına yığışıblar. Yaxınlaşanda görürlər ki, keçilər yenə yoxa çıxdı. Lap sehrli nağıllardakı kimi. Sən demə, keçilər kahaya giriblər. Qardaşlardan Bəşir tayı ağıllı çıxır, ayağındakı qaloşunu kəsib ağaca keçirir və yandırır. Onlar düzəltdikləri bu məşəllə kahanın içinə doğru xeyli irəliləyirlər… Bax, Azıx mağarası belə kəşf olunur. Mətnin axırlarında belə bir ürəkparçalayan epizod yazılıb: “…Azıx sakinlərinin yeməyi qurtarmışdı. Iki gün idi ki, ovçular əliboş qayıdırdılar. Budur, bu gün də ovçu dəstəsi mağaradan çıxıb ova yollandı. Kahada qalanların isə hərəsi bir işlə məşğul idi. Kimi ocağın közünü qoruyur, kimisi ocaq üçün odun, çör-çöp yığır, kimisi də ətrafdan meyvə və s. yem toplayıb gətirirdi. Azıx adamlarının həyatı yem toplayanlardan və ovçulardan asılı idi”. Bu abzas bitdikdən sonra, ovçuları iki gün əliboş qayıdan Azıx sakinlərinin taleyi haqda heç bir məlumat verilmir. Başa düşülmür, əməkdar elm xadimi 5-ci sinif şagirdlərini nə üçün bilə-bilə belə nigaran qoyub? Hər halda arxeoloji qazıntılar nəticəsində “ata yurdu” elminə məlum olmuşdur ki, ulu xalqımızın ulu ovçuları ovdan düz iki gün əliboş qayıdıblarmış. Novruz, Novruz bahari… Üçüncü paraqrafın adı nə olsa yaxşıdır? “Xalqımızın novruzu”. Bəli, sentyabr ayıdır, dərslər təzəcə başlayıb. Qəfil Novruz bayramı haqda gurultulu bir mətn gəlir. Müəllim də, şagirdlər də çaş-baş qalırlar. Dördüncü dərs “Azərbaycan dövləti Manna” adlanır. Dərhal qara hərfli bir pafos: “Dünyada ən qədim dövlətlər diyarıdır Azərbaycanım mənim!” Mətn başlayır: “Biz indi sizinlə çox uzaq bir keçmişə - üç min il bundan əvvəlki keçmişə - üç min il bundan əvvəlki dövrə səyahətə çıxırıq”. Sanki uşaqları avtobusa doldurub harasa aparırlar. Sonra nağıl başlayır. Manna dövləti haqda dəqiq tarixi bilgilər vermək əvəzinə, düz beş səhifə hansısa, xəyali iki tacirin söhbəti verilir. Maraqlananlar kitabı əldə edib oxuya bilərlər. Can Yaqub Mahmudlu! Nə isə, onsuz da, bundan tarix kitabı düzəltmək mümkün deyil. Keçək kitabın lap arxa səhifələrinə. Əlbəttə, bunsuz kitabmı olar? Heydər Əliyevin hakimiyyətə gəlməsi haqda “Yeni Azərbaycan qurucusu” adlı mətn 252-ci səhifədən 283- cü səhifəyə qədər uzanır. Mətndə Heydər Əliyevin düz 12 ədəd şəkli verilib. Insanı bu qədər bayağılaşdırmaqmı olar?. Axı bu fotoalbom yox, tarix kitabıdır. Şəkil demiş, kitabın 215-ci səhifəsində maraqlı bir şəkil də var. Yaqub Mahmudlu və Abel Məhərrəmov yan-yana qurulmuş kürsülərə sinə gəriblər. Misir Mərdanov isə onların arasında məğrur dayanıb. Görünür kitaba bu qədər əziyyət çəkmiş Yaqub Mahmudlu özünü də əbədiləşdirməkdən geri qalmır. Can Yaqub Mahmudlu! Nərmin Kamal Bala pişik Bala pişik, gün gələr böyük pişik olarsan, titrəyən vergül quyruğun da böyüyər, böyük ağacların kölgəsində uzanarsan... küçələrdə gəzib donanda, quru çörəklər, şəndir tikələr ağzı düyünlü sellofan torbalardan çıxmayanda, səliqəli ev sahibələri süfrə artıqlarını iç-içə torbalara qoyanda, onları gəmirib açmaq işin ağırlaşanda gedəcəyin bir ev olar, qapını üzünə açıb bir qab şorba verənin olar, “sən nə qəşəng pış-pışsan” deyənin olar, yeyib ağzını yalayarsan, yenə küçələrə qayıdarsan... böyük maşınların böyük sürücüləri olar, sən keçəndə saxlayarlar maşını, basmazlar canını sən yolu uzun qatar kimi keçərsən, gözlərini yumub-açarsan həyatın acı günləri də keçər gözlərinin titələrinə toplanan qumlar şəfqətli əllərlə silinər arın-arxayın davam edərsən yoluna yeni oyuna, yeni oyuna... yavru pişik gün gələr böyük pişik olarsan 23 May 2009 АЛАТОРАН № 15, YANVAR 2010 53 Ev İstərdim elə bir evim olsun ki altından dostlarımın evlərinə tunellər olsun istərdim elə bir evim olsun ki çox yekə olsun bir neçə mərtəbəli onlarla otaqlı səliqəli sahmanlı etnik üslubda dizaynlı ancaq mən çıxıb onun dar çardağında yaşayım damım konusvari istərdim elə bir evim olsun ki hər yeri göy rəngdə olsun üstündə qırmızı – qırmızı nöqtələri 23 may, 2009 Mikki Yataq dəstimin mələfəmin, yorğanımın və yastığımın parçası elədir ki, üstündə rəngbərəng Mikki Maus rəsmləri var gecəyarı oyanıb yarıyuxulu Mikkinin qara papağını yekə bir dozanqurdu sanıb qorxuram barmağımın ucunu qaraya vurub yoxlayıram ya da hövlnak sıçrayıb TAP başına çırpıram, parçadır, - görüncə arxayınlaşıb yatıram Mikki də yatır. 17 iyul, 2009 Pişik və qulaq Bir ağ pişik tanıyıram, dümağ, ağappaq, quyruğu bir şələ, ah qovaqlar, qulaqlarını ülgüclə kəsib uşaqlar. mən onu Moskva prospektində Antalya pərdə dükanının önündə tapdım artıq uşaqlar çoxdan qaçmış, qan qulaqları aparmış, ümid qurtarmışdı... onu həkimlərə apardım, Qarayev metrosu yanında zoomama Rena, Rus dram teatrı yanında zoopapa Saşa, levomikol, streptasit tozu, antikleyş mayelər... rejimə riayət etdim, hər səhər, hər günorta, hər gecə yaranı perekislə silib tozlar çəkdim, damcılar tökdüm... beyninə rişə atıb – dedilər, qalmaz, ölər – dedilər, qalsa da, dörd yaşı var, kar olacaq, kim baxacaq, maşın səsi duymayacaq – dedilər, şişi var, xərçəngdir – dedilər, nə qədər söz varsa hamısını dedilər... indi mən bu gözəl pişik yatmışkən o qədər ağ ki, yatdığı yerə sanki duman çökmüşkən hələ ümid var ikən yarasının qurumasına günorta mazının vaxtına 20 dəqiqə qalmışkən düşünürəm nə olacaq, necə olacaq, necə... 17 iyul, 2009 Yüklə 5,01 Kb. Dostları ilə paylaş:
|