Allahi Razi Salan İman
Yüklə 367,03 Kb. Pdf görüntüsü
|
51 başqa kameraya köçürülməyini tələb etmirdin. Adətən, hamı belə edir. Sən necə rahat-rahat yatırdın və özünü müdafiə etməyə belə, çalışmırdın? Sən bilirdin ki, biz səni öldürəcəyik, amma gündən- günə özün əllərimizə gəlirdin... qeyri-adi adamsan vallah...” Sonra bu məhbus öz vəhşi amiranə səsi ilə “Atetsi yola salın” — deyə əmr etdi. Cinayətkarlar imanlı qardaşın çantasını ərzaqla doldurdular. Beləcə Allah Mixailin yoluna kifayət qədər ərzaq yetirdi. Xorev bu ərzağa baxanda İlyas peyğəmbər yadına düşdü. İlyasa qarğalar yemək gətirərdi. Xorevin çantasını da bu mənfur cinayətkarlar doldurmuşdular. “Rəbbin yolunda şəhid olmaq asandır” — deyirdi Mixail Xorev, “Bir saniyədə bu dünyanı tərk edib İsanın hüzuruna düşürsən. Gündən-günə ölümü gözləmək ondan qat-qat çətindir...” Bizim dövrümüzün rus iman qəhrəmanı Mixail İvanoviç Xorevin həyatında bu kimi əhvalatlar tez-tez baş verirdi. Onun nümunəsi minlərlə imanlını ilhamlandırmış, ürəkləndirmiş və möhkəmləndirmişdir. 2. Riçard Vurmbrand 1945-ci ildə kommunistlər Rumıniyada hakimiyyətə gələndə parlament binasında böyük bir iclas keçirdilər. O iclasda bir çox məsihçi rəhbərlər — keşiş, yepiskop, vaiz və pastorlar iştirak etdilər. Ruhani rəhbərlərin əksəriyyəti kommunistlərin qorxusundan iclasın fəxri sədri kimi İosif Stalini seçmişdilər və bir-bir səhnəyə çıxıb kommunizmin məsihçiliklə eyni olduğunu və öz icmalarının kommunizmə sadiq qalacağını bildirirdilər. O iclasda iştirak edən rəhbərlər arasında Məsihi qəbul etmiş yəhudi Riçard Vurmbrand və həyat yoldaşı da iştirak edirdilər. Onlar qorxaq rəhbərlərin nitqlərinə qulaq asarkən yoldaşı Riçarda “Dur, bu rüsvaylığı Məsihin üzündən sil! Onlar Rəbbin müqəddəs üzünə tüpürürlər!” — deyə pıçıldadı. Riçard ona belə dedi: “Mən bunu eləsəm, sən ərsiz qalacaqsan”. Yoldaşı ona “Mənə qorxaq ər lazım deyildir!” — deyə cavab verdi. Onda Riçard durub səhnəyə çıxdı, məsihçiləri öldürən kommunistlərə deyil, Allaha və Məsihə izzət 52 verdi. O bütün imanlıları hər şeydən əvvəl Allaha sadiq qalmağa çağırdı. Bu iclasdakı nitqlər radioda yayımlanırdı və Riçardın o nitqini bütün ölkə eşitdi. Bundan sonra kommunist hökuməti Riçardı xüsusi qeydə aldı. O vaxtdan bəri Riçard Rumıniyada gizli məsihçi cəmiyyətinə rəhbərlik etməyə başladı. O, gizli dəzgahlarda minlərlə İncil kitabı çap etdi. Kitabın üzündə Karl Marksın şəkli və “Din, xalq üçün tiryəkdir” sözləri var idi. İlk on səhifədə kommunist rəhbərlərindən sitatlar verilmiş və on birinci səhifədə yazılmış idi ki, o ilk səhifələrin hamısı tam ağılsızlıq və səhv idi, bundan sonra isə oxucuya həqiqət deyiləcək. Kitabın qalan hissəsi Allahın Kəlamından ibarət idi. Kommunist senzurası bu kitablara üzdən baxıb dərhal onları tövsiyə edir və böyük iclaslarda, kommunistlərin qurultaylarında paylanmasına imkan verirdi. 1948-ci ildə həm Riçardı, həm də həyat yoldaşını həbs etdilər. Həyat yoldaşı üç il əmək düşərgələrində qaldı, Riçard isə on dörd il həbsxanalarda saxlanıldı və dəhşətli işgəncələr, əzab-əziyyət və təhlükələrə rəğmən Məsihə sadiq qaldı. On dörd il ərzində bu iman qəhrəmanı nə Müqəddəs Kitabı, nə də başqa bir kitab görmüşdü. Hədsiz aclıqdan, işgəncə çəkməkdən və böyük dozalarda narkotik içirdilməkdən yazma qabiliyyətini itirmiş və Müqəddəs Kitabın ayələrini artıq yaddan çıxartmış olan bu imanlı qardaş on dörd il həbsxanada qaldıqdan sonra Tövratdan bir ayəni xatırladı — Yaqub da Rəhiləyə görə on dörd il zəhmət çəkmişdir: “Onu sevdiyi üçün
[134]
. Bundan sonra Riçardı evə buraxdılar. Rumıniyanın hökuməti onu 35 nəfərdən ibarət bir dini icmanın rəhbəri təyin etdi və ona tapşırdı ki, icmanın üzvlərinin sayı artmasın. İcmanın 35 nəfərdən yuxarı olmamağına o özü məsuliyyət daşıyacaq idi. Bundan əlavə, o, hökumətin agenti kimi hər üzvü barədə məlumat verməli və cavanları toplantılara buraxmamalı idi. [134]
Yaradılış 29:20 53 Belə şərtlər Riçard üçün qəbuledilməz idi. O yenə gizli fəaliyyətə başladı və tezliklə təkrar həbs edilmək təhlükəsində idi. Təhlükə get- gedə artırdı. O zaman Norveç yəhudi missiyası və Yəhudi məsihçi birliyi təşkilatları Riçardın Rumıniyadan köçməsi üçün Rumıniya hökumətinə on min dollar pul ödədi. Riçard əzab-əziyyətdən qorxmurdu və təhlükəli olsa da Rumıniyada qalmaq istəyirdi, lakin gizli imanlılar cəmiyyətinin üzvləri onun getməsinin vacib olduğuna inandıqlarını bildirdilər və ona “gizli məsihçi cəmiyyətinin səsi” olmağı tapşırdılar. Riçard ancaq bir məqsədlə — dünyada kommunist rejimindən əziyyət çəkən gizli məsihçi cəmiyyətləri barədə həqiqəti danışmaq məqsədilə Qərbə köçdü. Riçard buraxılmazdan əvvəl onu iki dəfə gizli polisə çağırdılar. “Hökumətimiz sənin üçün pul aldı” — dedilər. “İndi sən Qərbə gedib orada nə qədər istəsən Məsihi təbliğ edə bilərsən, ancaq bizə qarşı bir söz deməyəsən ha! Bax bizə qarşı bir söz desən, biz sənə bilirsən, nə edəcəyik? Min dollara bir qanqster tutacağıq və o səni məhv edəcək. Yaxud özümüz səni qaçırdacağıq”. Riçard onların zarafat etmədiklərini çox yaxşı bilirdi. Onlar bir nəfəri Avstriyadan qaçırdıb Rumıniyaya gətirmişdilər və bütün dırnaqlarını çıxartmışdılar. Amma Riçard onların hədələrindən qorxmadı. 1965-ci ildə onun ailəsi ilə birlikdə Rumıniyanı tərk etməsinə icazə verildi. Riçard Qərbə getməzdən əvvəl qəbiristanlığı ziyarət edib onun həbs edilməsi və işgəncə çəkməsi üçün əmr vermiş polkovnikin qəbri üstünə bir gül qoydu. Bununla o özünü ruhən ölü kommunistlərə Məsihi tanıtmağa həsr etdiyini ifadə etdi. Qərbə çatan kimi Riçard təqib edilən məsihçilərə xidmət edən “Voice of the Martyrs” (“Şəhidlərin səsi”) missiyasını yaratdı və kommunist hökumətlərinin məsihiçilərə nə qədər əzab-əziyyət verdiyi barədə cəsarətlə danışmağa başladı. Rəbb Riçardı bütün təhlükəli vəziyyətlərdə qorudu, belə ki o, uzun ömür yaşayıb Rəbbin təyin etdiyi gündə dünyasını dəyişdi. Onun yaratdığı missiya fəaliyyətini davam etdirir. Missiyanın şüarı İbranilərə Məktubun 13:3-dür: “Özünüzü həbsdə olanların yerinə qoyaraq onları yada Yüklə 367,03 Kb. Dostları ilə paylaş:
|