37
edirlər. Biz isə əziyyətlərimizlə fəxr edə bilərik. Amma niyə? Çünki
“əziyyətdən dözüm yaranır”! İnsanın dözümlü olması üçün başqa
yol yoxdur. Allaha yaxınlaşmağın da başqa yolu yoxdur.
Yaqub belə yazmışdır: “Ey qardaşlarım, müxtəlif sınaqlarla
üzləşəndə bunu böyük bir sevinc hesab edin”
[103]
. Niyə bunu
sevinc hesab etməliyik? Sınaqlar sizi ruhdan salır, sizə qan ağladır.
Buna baxmayaraq, siz onları sevinclə qəbul etməlisiniz, “çünki
bilirsiniz ki, imanınızın sınaqdan keçməsi dözüm yaradır”
[104]
.
İmanımızın sınaqdan keçməsi dözüm üçün vacib imiş! Başqa yol
yox imiş!
“
Dözüm də öz əməlini kamil etsin ki, siz yetkin və
kamil adamlar olasınız, heç bir çatışmazlığınız olmasın”
[105]
. Son
məqsədimiz budur. Allah məhz bunu istəyir. İndi başa düşdünüzmü,
niyə biz bütün sınaqları, əziyyətləri sevinclə qəbul etməliyik? Allaha
ümid bağlayaq və sınaqlardan keçərkən imanla Ona belə deyək: “Ya
Rəbb, mən inanıram ki, sənin məqsədin yaxşıdır və bu sınaq mənim
xeyrimədir”.
Nəhayət, Peterin yazdığı sözlərə də baxaq:
“
Buna görə hal-hazırda
qısa bir müddət cürbəcür sınaqlara görə kədərlənsəniz də, hədsiz
sevinin: bunları çəkirsiniz ki, imanınızın sınaqdan keçməsi
İsa Məsihin zühurunda sizə tərif, izzət və şərəf gətirsin. Bu
imanınız odla təmizlənsə belə, fani qızıldan daha çox dəyərlidir.
Siz İsa Məsihi görməmisiniz, amma Onu sevirsiniz. Hətta siz
Onu indi də görmürsünüz, lakin Ona iman edib təsvirolunmaz və
izzətli sevinclə hədsiz sevinirsiniz. Çünki imanınızın nəticəsində
canınızın xilasına nail olursunuz”
[106]
. Qədim zamanlarda qızıl
və gümüş kimi qiymətli metalları belə təmizləyərdilər: Metal bir
qaba qoyulardı və çox yüksək dərəcədə bir odda əridilərdi. Metal
əriməyə başlayanda daxilindəki çirklərin hamısı üzə çıxardı. Çirklər
götürüləndən sonra metal saf olardı. Usta bu qızılın və ya gümüşün
üzərində öz əksini görəndə onun artıq təmizlənmiş olduğunu bilərdi.
[103]
Yaqub 1:2
[104]
Yaqub 1:3
[105]
Yaqub 1:4
[106]
1-ci Peter 1:6–9
38
Biz də əziyyətlərin, iztirabların odu ilə təmizlənsək, o qədər pak
olacağıq ki, Rəbbin izzətini əks etdirəcəyik!
Əziz bacı-qardaşlarım. Əgər siz hal-hazırda çox çətin bir sınaqdan
keçir və ya böyük əziyyət çəkirsinizsə, ürəkli olun! Rəbb sizi
təmizləmək, Öz Oğluna bənzətmək istəyir. O istəyir ki, Onun adı
sizin həyatınızda şöhrətlənsin! Yeşaya peyğəmbərin Kitabından bu
sözləri diqqətlə oxuyun: “Budur, Mən sizi gümüş kimi olmasa
da, təmizlədim, sizi iztirab ocağında çəkdim. Öz xatirimə, öz
xatirimə bunu edəcəyəm. Axı niyə Mənim adım küfrlə çəkilsin?
Mən Öz izzətimi heç kimə vermərəm”
[107]
. Amin! İztirab ocağı bizi
imanda gücləndirər və Allahın sevimli övladı, sadiq qulu və yaxın
dostu edər!
[107]
Yeşaya 48:10–11
39
İmanla Allaha yaxınlaşmaq
“Allaha yaxınlaşan kəs inanmalıdır ki, O var və Onu
axtaranlara mükafat verir”
[108]
. İmanın yeganə obyekti Allahdır.
Məsihçilər bir-birini sevirlər, bir-biri ilə ünsiyyətdə olurlar, bir-birinə
kömək edirlər, lakin imanları yalnız Allaha yönəlir. Hər şeydən
əvvəl hər məsihçi şəxsən Allahla münasibət qurur. Biz gündən-
günə Allahla ünsiyyətdə oluruq. Allahla ünsiyyət əsasən duadan və
Rəbbin Kəlamını qəbul etməkdən ibarətdir. Bizə həm Allahın Ruhu,
həm də Kəlamı lazımdır. Ruhsuz kəlam ölüdür, kəlamsız dua isə
kordur. Biz dua edərək Kəlamı oxuyanda Allahın səsini eşidirik və
dediyinə əməl edə bilirik. Allahla iman münasibəti belədir.
Allaha yaxınlaşan insan Onunla görüşməyə, sirdaşı kimi Onunla
ünsiyyətdə olmağa can atır. Biz, İsa Məsihin Cəmiyyəti, Onun
gəliniyik. O bizim Bəyimizdir. Aramızda alovlu məhəbbət var.
Allah hələ qədim dövrdə Musaya məbəd olaraq bir çadır qurmağı
buyurmuşdu. Orada “Ən Müqəddəs yer” adlanan bir otaq var idi.
Həmin otaqda Allah şəxsən Musa ilə üzbəüz görüşürdü. Bu gün
Allah hər birimizlə görüşüb ünsiyyətdə olmaq istəyir. Bu necə
mümkündür? İman vasitəsilə! “Məsihdə və Məsihə olan iman
vasitəsilə Allaha cəsarət və etibarla yaxınlaşa bilirik”
[109]
.
İbranilərə Məktubda Allah biz, məsihçilərə bəyan edir ki, “İsanın
qanı sayəsində Ən Müqəddəs yerə daxil olmağa cəsarətimiz
çatır”
[110]
. Ən Müqəddəs yer, Allahın hüzurudur. Ən Müqəddəs yer,
Allahla görüşdüyümüz yerdir. Ən Müqəddəs yer, bütün dünyanı və
hər birimizi yaradan Uca Şəxsə yaxınlaşdığımız yerdir. Günahkar
insan o Müqəddəs yerə daxil olmağa necə cəsarət edə bilər?
Ancaq İsa Məsihin çarmıxda axıtdığı qanı sayəsində! O, bizim
[108]
İbranilərə 11:6
[109]
Efeslilərə 3:12
[110]
İbranilərə 10:19
40
“təsdiq etdiyimiz imanın Elçisi və Baş Kahini”dir
[111]
. O, Ata
Allahın qarşısında bizə bəraət qazandırmış, “ yeni və canlı bir yol
açmışdır”
[112]
.
Bu gün Ona yaxınlaşmamız üçün bizə iman lazımdır. Birincisi,
iman etməliyik “ki, O var və Onu axtaranlara mükafat verir”
[113]
;
ikincisi, Ona sadiq qalmalıyıq, ürəyimiz “pis vicdandan paklanmış”
olmalıdır ki, biz “imanın tam etimadı ilə, səmimi qəlblə Allaha
yaxınlaşaq”
[114]
.
Səmimiyyət, təmiz vicdan, Allaha etimad, imanın alınmaz hissələri
və Allahla ünsiyyətin vacib şərtləridir. Səmimi olmayan adam Allaha
yaxınlaşa bilməz! Çünki Allah hər şeyi bilir. “Allahdan gizli heç
nə yoxdur. Lakin Onun gözləri qarşısında hər şey çılpaq və açıq-
aşkardır. Biz Ona hesabat verəcəyik”
[115]
. Nə qədər ki gec deyil
və dəyişilmək imkanı var ikən Rəbbə yaxınlaşaq, hesabat verməyə
başlayaq. Buna görə növbəti ayə bizə “təsdiq etdiyimiz imanı
möhkəm tutaq”
[116]
— deyə buyurur. Əgər biz İsa Məsih vasitəsilə,
İsa Məsihin qanı sayəsində Allahla yaxın ünsiyyətdə ola biləcəyimizə
inanırıqsa, əgər dilimizlə bunu təsdiq ediriksə, bu imanı itirməmək
üçün möhkəm tutmalıyıq. İbranilərə Məktubun Rəbdən ilham
almış müəffili belə yazmışdır: “Lütfkar Allahın taxtına cəsarətlə
yaxınlaşaq ki, vaxtında köməyə nail olmaq üçün mərhəmət alıb
lütf tapaq”
[117]
. İmanı möhkəm tutmaq üçün gündən-günə Allaha
yaxınlaşmalıyıq. Allah lütfkar olduğu üçün həmişə Ona yaxınlaşa
biləcəyimizə, Onun bizə həmişə lütf verəcəyinə əmin ola bilərik! O
bizi hər dəfə sevinclə qəbul edəcək! Rəbbimiz gözəldir, xeyirxahdır,
lütfkardır!
[111]
İbranilərə 3:1
[112]
İbranilərə 10:20
[113]
İbranilərə 11:6
[114]
İbranilərə 10:22
[115]
İbranilərə 4:13
[116]
İbranilərə 4:14
[117]
İbranilərə 4:16
Dostları ilə paylaş: |