270
Düşünmək üçün suallar
1. Sabahın işini bu gün həll edənlərdənsən yoxsa bu
günün işini sabaha qoyanlardan?
2. Dünya işlərində zirəkliyin çoxdur yoxsa Axirət işlə-
rin də tənbəlliyin?
3. Hansı iş səni daha tez və çox yorur: para yoxsa savab
qazanmaq?
4. Nəfsinə hansı xoşdur: Tənbəllərlə oturub-durmaq
yox sa zəhmətkeşlərlə?
5. Əməllərini çox və ya mükəmməl etməyinə mane olan
nədir: Səbirsizlik, maraqsızlıq yoxsa tənbəllik?
6. Çox yatmağın yorğunluqla yoxsa tənbəlliklə bağlı olur?
7. Özün görə biləcəyin xırda-para işləri özün görürsən
yoxsa əmrin və ya ərkin keçən insanlara gördürürsən?
8. Zehni yoxsa fiziki tənbəlliyin çoxdur?
9. İşin artıb azalanda tənbəlliyin azalıb artırmı?
10. Yaşın artdıqca tənbəllik artır ya azalır?
11. Tənbəlliyinə qarşı mübarizə aparırsanmı, yəni tən-
bəl liyin xəstəlik, özünün də xəstə olduğunu dərk və etiraf
edib sağalmaq üçün tədbir görürsənmi?
12. Tənbəlliyin faydalı işlərdə çoxdu yoxsa faydasız iş-
lərdə?
13. Tənbəllik olmasa daha çox nailiyyətlər əldə edəcəyinə
inanırsanmı?
14. İbadətdə tənbəlliyin gecələr çox olur yoxsa gün düz-
lər?
15. Quran oxumağın azdır yoxsa namaz qılmağın?
16. Ev işlərində evdəkilərə kömək edirsənmi?
17. Övladlarını fiziki işlərə buyurursanmı yoxsa ancaq
təhsilinə fikir verirsən?
271
13. BƏHANƏÇİLİK
“Onlar mallarıyla və canlarıyla Allah yolunda cihad
etməkdən xoşlanmadılar və “Bu istidə savaşa getməyin”
dedilər. (İstini bəhanə edənlərə) de: “Cəhənnəm atəşi
daha istidir” (ət-Tövbə, 81).
Bəhanə bir işi etmək və ya etməmək üçün gətirilən üzr,
dəlildir. Əsaslı və ya tutarlı da ola bilir, əsassız və tutar-
sız da. Yalan da ola bilir, yalan olmaya da. Lakin istənilən
halda, yalan olmasa belə həqiqət deyildir. Əsil gerçəyi
pərdələmək, iç niyyəti, əsas məramı gizləmək, malalamaq-
dır. Mömin bir şeyi etmək istəyirsə və ya istəmirsə bunu
açıq şəkildə ortaya qoymalı, müxtəlif üzr, bəhanə axtar-
mamalıdır. Əgər məsələnin kökünü açıqlamağı arzulamır-
sa, susmağa üstünlük verməlidir. Çünki əməllər niyyətə
görədir. İman əhlinin niyyəti ixlaslı, yəni saf, xalis olmalı,
ona heç bir saxta, süni şey qarışmamalıdır.
İBRƏT Hz.Aişə (radiyallahu ənhə) toy gecəsi Rəsulullahın
(salləllahu əleyhi və səlləm) otağına gətiriləndə Həzrət (salləllahu
əleyhi və səlləm) bir camdan azca süd içərək camı ona uzatdı.
Hz.Aişə çox utansa da yengəsinin təkidilə alıb içdi.
Sonra Rəsulullah (salləllahu əleyhi və səlləm) onunla gələn
qadınlara da o süddən içmələrini buyurdu. Lakin onlar
həya edərək “İstəmirik” dedilər. Allah Rəsulu (salləllahu
əleyhi və səlləm): “Aclıq və yalanı cəm etməyin” buyurdu.
Yengə soruşdu: “Ya Rəsulallah! Bir şeyi istədiyimiz hal-
da istəmədiyimizi bildirsək, yalanmı söyləmiş oluruq?”
Buyurdu: “Yalan kiçik olsa belə əməl dəftərinə yazılır.”
Həqiqət əhli isən, əfsanədən həzər eylə
Təriqət əhli isən məstanədən həzər eylə.
Ey bəşər, bayquş isən, çəmənzarda neyləyirsən?
Yox, əgər bülbül isən viranədən həzər eylə.
272
Sənə aid işi gör, təvəkkül et gerisinə
Hər şeyin var səbəbi, bəhanədən həzər eylə.
Qaba ya qalın isən incə, nazik qəlblər ara
Həlim və həssas isən biganədən həzər eylə.
Cahilin, cahu-cəlal aşiqinin zatını bil
Hərgah huşyar isən hər divanədən həzər eylə.
Uydu zənənə, zərə ərənləri dövrümüzün
Zamanın Rəbbinə uy, zəmanədən həzər eylə.
Atəşdən nura qoşan aşinalar peşində ol
Nuru atəşdə görən pərvanədən həzər eylə.
Varlığı var eyləyən, Vahid olan Varlığa var
Ey qul, “Mən-mən” deyən hər “yeganədən” həzər eylə.
Bəzən bəhanə səbəb ilə qarışdırılır. Halbuki bunlar ayrı-
ayrı şeylərdir. Səbəb Allahın təqdir etdiyi bir nəticəyə apa-
ran, təkan verən zahiri amildir. Allah nəticəni səbəbsiz də
yaratmağa qadirdir. Lakin O, yer üzünü qüdrətindən daha
çox hikmətiylə, yəni müxtəlif səbəblərə bağlayaraq idarə
edər. Əks təqdirdə, baş verən hər şey səbəbsiz baş verdiyi
üçün bir möcüzə olar. Bu isə ilahi sınağı, hikməti aradan
qaldırmaqdır. Hədisdə buyuruldu:
“Alah-Təala hər şeyi bir səbəb altında yaradır. Bir iş
üçün səbəbindən yapışmaq və sonra Allah Təalanın yarat-
masını gözləmək lazımdır. Təvəkkül bundan ibarətdir.”
Səbəb yerinə düşməyəndə bəhanə olur. Bu baxımdan
yerinə düşən və düşməyən, yəni hadisələrin axarına uyğun
gələn və gəlməyən bəhanələr vardır. Lakin bunun nəticəyə
dəxli yoxdur. Bəhanə səbəbdən fərqli olaraq heç bir halda
həqiqət sayılmaz, o yalnız əsil səbəbə pərdədir. Məsələn,
tutaq ki, bir mömin zalim bir idarəçinin haram bir tədbirinə
273
dəvət alıb. Əgər qəbul etsə Rəbbinin, getməsə rəhbərin
qəzəbinə tuş gələ bilər. Həqiqi mömindirsə, getməyəcək.
Səbəb də bəllidir, məclisin haram olmasıdır. Lakin bunu
dilə gətirmək təhlükəsiz deyildir. Eyni zamanda tədbir
günü möminin o məclisdə iştirakını əngəlləyən gerçək
ha disələr, məsələn, özünün xəstəliyi, yaxınının vəfatı baş
verə bilər. Təbii ki, bu kimi hallarda onun kiminsə xeyir
məclisinə getməməsi kimsədə qınaq, şübhə və ya təəccüb
doğurmaz. Ortada yerinə düşən tutarlı əsas vardır. Ancaq
bu əsas nə qədər tutarlı olsa da, yerinə düşsə də səbəb yox,
bəhanədir. Çünki əsil gerçəyə işıq deyil, pərdə tutur.
İBRƏT Hunların ən qüdrətli xaqanı Atilla Romayla mü-
ha ribəyə hazırlaşır. Ancaq hücum etmək üçün hüquqi bə-
hanə lazım idi. Atillanın yadına düşür ki, Roma İmperato-
ru III Valentinianın bacısı Henoriya bir neçə il əvvəl Hun
hökmdarının arvadı olmaq istədiyini bildirib ona nişan
üzüyü göndərmişdi. Öz ölkəsində “Avqusta” adı ilə tanı-
nan bu qadın Roma imperatoru olmaq iddiasında idi və
Atillaya ərə getməklə məqsədinə çatacağına inanırdı.
Hun xaqanı həmin üzüyü xatırlayan kimi III Valentinia-
na xəbər göndərərək nişanlısı Henoriyanı arvadı kimi qəbul
etdiyini bildirir və cehiz olaraq Romanın yarısını istəyir.
III Valentinian müharibəyə başlamağı daha üstün tuta-
raq Atillaya rədd cavabı verir. Bu isə Romanın süqutunu
yaxınlaşdırır. Çox keçmir ki, Hun xaqanı Roma imperato-
runu bac-xərac verməyə məcbur edir.
Nə xoşbəxt quldu o şah kütləni millət eləsə
Nə bədbəxt şahdı o qul millətə minnət eləsə.
Rəhbər millət atası olmağa layiq kişidir
Məzluma şəfqət edib, zalimə şiddət eləsə.
Hər cürə bəhanəni xalqda kəsən kimsədi şah
Allah asan edər Allah üçün niyyət eləsə.
Dostları ilə paylaş: |