Andijon davlat pedagogika instituti

Afzalliklari: yaxlit o‘quv-tarbiyaviy jarayonning tartibli ketishini ta’minlovchi aniq tashkiliy tizim; jarayonlarning oddiy boshqarilishi: muammoning jamoa bo‘lib muhokama qilinishi, masalaning yechimini birgalikda izlash jarayonida bolalar o‘rtasida o‘zaro munosabatlarning shakllanish imkoniyati; o‘qituvchining tarbiyalanuvchilar va ularning tarbiyasiga doimiy emotsional ta’sir ko‘rsatishi; ta’limning emotsionalligi (zero, o‘qituvchi bir vaqtning o‘zida tarbiyalanuvchilarning katta guruhi bilan ish olib boradi), o‘quv faoliyatiga musobaqalashish elementlarini kiritish uchun sharoitning yaratilishi, bilimsizlikdan bilimlarni o‘zlashtirish sari harakatlarning muntazamligi va ketma-ketligi.
Kamchiliklari: tizimning asosan bilimlarni o‘rtacha darajada o‘zlashtiruvchi tarbiyalanuvchilar uchun mo‘ljallanganligi, bo‘sh o‘zlashtiruvchi tarbiyalanuvchilar uchun qiyinchiliklarning yuzaga kelishi va ko‘chli o‘zlashtiruvchi tarbiyalanuvchilar qobiliyatlarining rivojlanish sur’atining ortga surilishi; o‘qituvchi uchun o‘qitish mazmuni va o‘qitish sur’atlari hamda metodlari bo‘yicha individual ishlarni tashkil etish, shuningdek, tarbiyalanuvchilarning individual xususiyatlarini hisobga olishdga qiyinchilikning yuzaga kelishi; katta va kichik yoshli tarbiyalanuvchilar o‘rtasidagi munosabatlarning qaror topmasligi.

Ta’limning an’anaviy shakllari
Afzalliklari	Kamchiliklari
ma’lum ko‘nikmalarga ega bo‘lgan va aniq ma’lum tushunchalarni, fanni urganishda foydali. O‘qituvchi tomonidan o‘qitish jarayonini va o‘qitish muhitini yukori darajada nazorat kilinishi. Vaqtdan unumli foydalanish. Aniq, ilmiy bilimlarga tayanish.	Tarbiyalanuvchilar passiv ishtirokchi bo’lib qoladilar. O‘qituvchining to‘la nazorati barcha tarbiyalanuvchilar uchun motivasiyani vujudga keltirmaydi. Tarbiyalanuvchilar o‘qituvchi bilan bevosita muloqatga kirisha olmaydi. Eslab qolish darajasi hamma tarbiyalanuvchilarda bir xil bo‘lmaganligi sababali, sinf bo‘yicha o‘zlashtirish darajasi pats bo‘lib qolishi mumkin. Mustaqil o‘rganish va yechimlar qabul qilish uchun sharoitlar yaratilmaydi.