Andijon davlat universiteti kurbanova durdona salaxitdinovna gimnastika va uni o
Yüklə 5,83 Mb. Pdf görüntüsü
|
|
Qadamlab sakrash – yuqoriga uzoqqa sakrashga xos turdir. Ular oldinga, yonga va orqaga bajarilishi mumkin. Oldinga qadamlab sakraganda gimnastikachi qisqa “portlovchi” yugurib kelishdan bir oyoqda itarilib, to‘siqlardan oshib sakrash kabi tayanchsiz oyoqni oldinga – yuqoriga yo‘naltiradi. 20-rasm Qo‘llar bilan siltash harakatlari nisbatan erkin harakterga ega va sakrashning tashqi bezatilishiga bog‘liq. Gimnastikachi uchish paytida oyoqlarini keng ochadi va imkoni boricha uchish holatini ushlab turishga harakat qiladi. Qo‘nish siltanuvchi oyoqqa, ifodali amortizatsiya va oldinga harakatlanishni saqlagan holda bo‘ladi. Oddiy sakragandan oyoqlarni maksimal darajada ochish bilan bajariladigan shpagat sakrash eng samaralichidir. Qadamlab sakrash juda ko‘p modellariga ega: attitude sakrash, oyoqqa tepib, bukib va yozib sakrash. Shpagat bilan xalqa sakrash harakterlidir. (20-rasm). Bunday harakat nafaqat sakrash tayyorgarligini a’lo darajada bo‘lishini, balki yaxshi rivojlangan faol egiluvchanlikni talab qiladi. Murakkab sakrashlar yuqorida ko‘rilgan sakrash turlarining ba’zi bir belgilarini o‘z ichiga oladi. To‘g‘risini aytganda murakkab sakrashga yugurib kelish, oyoq bilan siltash, oyoqlarni almashtirish, uchishda burilish va boshqa belgilarni o‘z ichiga olgan xatlab sakrashni misol qilish mumkin. Murakkab sakrash darajasiga oyoq holatini almashtirish, burilish yoki boshqa murakkablashgan harakatlarni o‘z ichiga oladigan qadamlab sakrashni kiritish mumkin. |