Ang Kahulugan ng Huling Ikasampung Bahagi ng Marangal na Quran
Yüklə 5,39 Kb. Pdf görüntüsü
|
196 42 Ang panunumpa sa pagtitinda Kaingat kayo sa kadalasan ng panunumpa sa pagtitinda sapagkat ito ay nakapag- uudyok sa pagbili at pagkatapos ay nakapagpapalaho sa biyaya. Ang panunumpa ay pang-udyok sa pagbili ng paninda at pampapalaho ng biyaya. 43 Ang pagpapakawangis sa mga Káfir Ang sinumang nagpapakawangis sa [isang uri ng] mga tao, siya ay kabilang sa kanila. 44 Ang inggit Kaingat kayo sa inggit sapagkat tunay na ang inggit ay kumakain sa mga magandang gawa gaya ng pagkain ng apoy sa panggatong. Sa ibang sanaysay ay sinabi niya: sa damo. 45 Ang pagpapatayo ng estruktura sa ibabaw ng libingan Ipinagbawal ng Sugo ni Allah (SAS) na palitadahan ang libingan, na upuan ito, at na tayuan ito [ng gusali]. 46 Ang panlilinlang ang kataksilan Kapag tinipon ni Allah ang mga una at ang mga huli sa Araw ng Pagkabuhay ay mag-aangat para sa bawat nanlilinlang ng isang watawat at sasabihin: Ito ang panlilinlang ni Polano na anak ni Polano. 47 Ang pag-upo sa ibabaw ng libingan Ang maupo ang isa sa inyo sa baga kaya sinusunog na nito ang damit niya at aabot na ito sa balat niya ay mainam para sa kanya kaysa sa maupo siya sa puntod. 48 Ang pagluluksa sa patay Hindi ipinahihintulot sa isang babaing sumasampalataya kay Allah at sa Huling Araw na magluksa sa isang patay nang higit sa tatlong araw maliban kung sa asawa. 49 Ang paghingi nang walang tunay na pangangailangan May tatlong kalagayan na susumpa ako kaugnay sa mga iyon at magsasalaysay ako sa inyo ng isang salaysay...kapag binuksan ng isang tao ang pinto ng panghihingi ay bubuksan ni Allah ang pinto ng karalitaan. 50 Ang pagtatagisan sa pagtitinda Hindi magtitinda ang isang hádir para sa isang bádí. 1 Huwag kayong magbilihan sa pamamagitan ng najsh. 2 Hindi magbebenta ang tao sa isang binibentahan na ng kapwa niya. 51 Ang paghahanap ng nawawalang bagay Ang sinumang nakarinig ng isang lalaki na naghahanap ng isang nawawalang bagay sa masjid ay sabihin: Huwag na sanang ibalik iyon ni Allah sa iyo, sapagkat ang mga masjid ay hindi ipinatayo para sa [paghahanap na] ito. 52 Ang pagdaan sa harap ng nagsasagawa ng saláh Kung sakaling nalalaman ng nagdaraan sa harapan ng nagdarasal kung ano [ang kasalanan] sa kanya ay talagang ang pagtigil niya ng apatnapung [araw] ay higit na mabuti para sa kanya kaysa sa dumaan siya sa harapan nito. 53 Ang pagliban sa saláh na ‘asr Ang sinumang lumiban sa saláh na ‘asr ay nawalang-kabuluhan ang gawa niya. 54 Ang pagkukulang sa saláh Ang kasunduan na nasa pagitan namin at nila ay ang saláh. Kaya ang sinumang lumiban sa pagsasagawa nito ay naging Káfir nga siya. Ang namamagitan sa tao at sa Shirk at Kawalang-pananampalataya ay ang pagliban sa saláh. 55 Ang pag- anyaya tungo sa kaligawan Ang sinumang nag-anyaya sa kaligawan, siya ay mananagot sa kasalanang tulad ng sa mga kasalanan ng sinumang sumunod sa kanya, na hindi makababawas iyon ng anuman sa mga kasalanan nila. 1 Ang hádir ay ang naninirahan sa bayan, nayon, at lungsod. Ang bádí naman ay ang naninirahan sa disyerto. Ang isang hádir ay ipinahihintulot na magsilbing middleman ng isang bádí. 2 Ang najsh ay ang pag-aalok ng isang mataas na halaga para sa isang paninda ngunit wala naman talagang layuning bilhin ito bagkus ay upang dayain ang isang taong nagnanais talagang bumili. 197 56 Mga pagbabawal sa pag-inom Ipinagbawal ng Sugo ni Allah (SAS) ang pag-inom sa bunganga ng sisidlan ng tubig. Sinaway ng Propeta (SAS) ang pag-inom nang nakatayo. Ipinagbawal niya ang pag-ihip sa inumin. 57 Ang pag-inom mula sa mga sisidlang yari sa ginto o pilak Huwag kayong uminom sa mga sisidlang ginto at pilak at huwag kayong magsuot ng manipis na sutla at makapal na sutla sapagkat ito ay para sa kanila sa mundo at para sa inyo sa Kabilang-buhay. 58 Ang pag-inom sa pamamagitan ng kaliwang kamay Huwag ngang kumain ang isa mula sa inyo sa pamamagitan ng kaliwang kamay niya at huwag nga siyang uminom sa pamamagitan nito sapagkat tunay na ang Demonyo ay kumakain sa pamamagitan ng kaliwang kamay niya at umiinom sa pamamagitan nito. 59 Ang pumuputol sa ugnayan sa kaanak Hindi papasok sa Paraiso ang pumuputol. Tinutukoy ng Propeta (SAS) ang pumuputol sa ugnayan sa kaanak. 60 Ang pagtigil sa pagdalangin para sa Propeta Hamak ang isang tao na nabanggit ako sa piling niya ngunit hindi dumalangin para sa akin. Ang maramot ay ang sinumang nabanggit ako sa piling niya ngunit hindi dumalangin para sa akin. 61 Ang pangangalandakan sa pamamagitan ng pananalita Nagsabi ang Propeta (SAS) : Tunay na ang pinakamumuhi-muhi sa inyo para sa akin at ang pinakamalayo mula sa akin sa kauupuan sa Araw ng Pagbangon ay ang mga madaldal, ang mga nangangalandakan, at ang mga ngumangawa. 62 Ang pagmamay-ari ng aso Ang sinumang nagmay-ari ng isang aso maliban sa asong gamit sa pangangaso o bantay ng mga hayupan, tunay na siya ay nababawasan ng dalawang qírát sa gantimpala niya sa bawat araw. 63 Ang pagpapahirap sa mga hayop Pinagdusa ang isang babae dahil sa isang pusa na ikinulong niya hanggang sa namatay ito. Kaya papasok siya, dahil dito, sa Apoy. Huwag ninyong gawing pinatatamaan ang isang bagay na may kaluluwa. 64 Ang patubo sa utang Isinumpa ni Allah ang kumakain ng patubo at nagpapakain nito. Ang isang dirham na patubo na kinakain ng tao samantalang siya ay nakaaalam tungkol doon ay higit na matindi kaysa sa tatlumpu’t tatlong pangangalunya. 65 Ang sugapa sa alak Walang papasok sa Paraiso na isang sugapa sa alak ni isang sumasampalataya sa panggagaway ni isang pumputol sa ugnayan sa kaanak. 66 Ang pangangaway sa mga tinangkilik ni Allah Tunay na si Allah ay nagsabi: Ang sinumang nangaway sa isang Aking tinangkilik, ipinahayag Ko na sa kanya ang pakikidigma. 67 Ang pagpatay sa taong nasa ilalim ng pangangalaga ng isang bayang Muslim Ang sinumang pumatay ng isang taong nakipagkasunduan 1 nang wala sa katwiran ay hindi makasusumpong sa halimuyak ng Paraiso samantalang ang halimuyak ng Paraiso ay talagang nasusumpungan mula sa layong [nilalakbay ng] isang daang taon. 68 Ang pagkakait sa tagapagmana ng mana nito Ang sinumang nagkait ng pamana sa tagapagmana niya ay ipagkakait ni Allah ang pamana sa kanya na Paraiso sa Araw ng Pagbangon. 69 Ang pagpapahalaga sa kamunduhan Ang sinumang ang kamunduhan ay nasa niya, ilalagay ni Allah ang karalitaan niya sa harap ng mga mata niya, paghihiwa- hiwalayin ni Allah ang kabuuan niya, at hindi siya bibigyan ng bahagi sa mundo bukod pa sa itinakda para sa kanya. 1 Sa mga Muslim o isang bansang Muslim. Ang tinutukoy rito ay ang dayuhang naninirahan nang legal sa isang bansang Muslim. Yüklə 5,39 Kb. Dostları ilə paylaş:
|