Annual Report 2009 last version
Yüklə 0,5 Mb. Pdf görüntüsü
|
- Bu səhifədəki naviqasiya:
- AzQAC və ANAMA arasında əməkdaşlıq
- Mina / MPQ partlayışı nəticəsində ailə başçısını itirmiş ailələrin hadisədən sonrakı sosial durumunun qismən də olsa bərpası
- Digər əməkdaşlıq
43 azaldılmasıdır. 2009-cu ildə “TOM” layihəsi aşağıdakı cəbhəyanı kəndlərdə həyata keçirilmişdir: Ağstafa rayonu – Köhnə Qışlaq kəndi; Ağdam rayonu – Zəngişalı kəndi; Tərtər rayonu – Əskipara, Qaradağlı kəndləri Mina Üzrə Maarifləndirmə 2009-cu ildə AzQAC tərəfindən həyata keçirilmiş “TOM” layihəsində (3 rayondan 4 kənddə) hər bir oyun meydançasına minalar və PHS əleyhinə üzərində şüarlar yazılmış və rəsmlər çəkilmiş müxtəlif maarifləndirici lövhələr quraşdırılmışdır. Bu lövhələr vasitəsilə uşaqlar mina təhlükəsi barədə bilavasitə xəbərdar ola bilərlər. Bundan əlavə AzQAC ANAMA tərəfindən hazırlanmış mina üzrə maarifləndirici vəsaitləri (yüzlərlə bloknotlar, qələmlər, təqvimlər, kitablar, plakatlar və s.) özünün cəbhə bölgəsində fəaliyyət göstərən 10 Rayon Bölməsinin (Qazax, Ağstafa, Tovuz, Gədəbəy, Göygöl, Goranboy, Tərtər, Ağdam, Ağcabədi, Füzuli) könüllüləri vasitəsilə mina / MPQ təhlükəsi yüksək sayılan kəndlərdə yaymışdır.
2007-ci il dekabr ayında AzQAC və ANAMA arasında “Mina / MPQ Hadisələri və Qurbanları, eləcə də Minadan Zərərçəkmiş İnsanların Ehtiyacları Haqqında Məlumatların Toplanması” üzrə imzalanmış rəsmi Razılaşma Memorandumuna əsasən Milli Cəmiyyət 2009-cu il ərzində mina / MPQ partlaması hadisəsi və bu hadisələrdə mina qurbanlarına çevrilən bütün şəxslər haqda məlumatları toplayaraq ANAMAya təqdim etmişdir. 2009-cu ilin dekabr ayında AzQAC-ın və Beynəlxalq Qızıl Xaç Komitəsinin (BQXK) təşkilatçılığı ilə Bakı şəhərində Milli Cəmiyyətin “Mina / MPQ Hadisələri və Qurbanları, eləcə də Minadan Zərərçəkmiş İnsanların Ehtiyacları Haqqında Məlumatların Toplanması” fəaliyyətinə cəlb olunmuş 10 rayon bölmə sədrinə ANAMA mütəxəssisləri tərəfindən 1 günlük təkmilləşdirmə kursu təşkil olunmuşdur. 2009-cu il ərzində AzQAC və ANAMA arasında 4 (rüblük olaraq) koordinasiya görüşü keçirilmişdir. Görüşlərdə yuxarıda göstərilən birgə fəaliyyətə və digər ümumi fəaliyyətlərə dair müzakirələr aparılmış və təklif olunmuşdur ki, 2010-cu ildə də tərəflər bu əməkdaşlığı davam etdirsinlər.
2009-cu ildən başlayaraq AzQAC “Mina Partlayışı Zamanı Ailə Başçısını İtirmiş Ailələrə Sosial Dayaq” layihəsinə start vermişdir. Bu layihə çərçivəsində AzQAC BQXK-nin maliyyə dəstəyi ilə Tərtər, Qazax, Ağstafa və Tovuz rayonlarında belə ailələrlə tədqiqat işini reallaşdırmışdır. ANAMAnın AzQACa təqdim etdiyi bu kimi ailələrlə bağlı mövcud olan statistika üzrə aparılmış tədqiqatda real olaraq hazırda sosial durumu çox aşağı olan ailələr layihə üçün
44 qeydə alınmışdır. Tərtər rayonu üzrə 16 ailə, Qazax rayonu üzrə 6 ailə, Ağstafa rayonu üzrə 7 ailə və Tovuz rayonu üzrə 1 ehtiyaclı ailə qeydə alınmışdır. AzQAC tərəfindən bütün rayonlar üçün layihələr hazırlanmış və tərəfdaşlıq etmək üçün donorlarla müzakirələrə təqdim edilmişdir. 2009-cu ilin iyul ayında AzQAC ABŞ-nın Azərbaycandakı Fövqəladə və Səlahiyyətli səfiri xanım Anne Derse ilə əməkdaşlıq edərək Tovuz rayonundan bu layihə üçün qeydiyyata alınmış yeganə ailəyə sosial dayaq olmaq məqsədilə 1 baş iribuynuzlu heyvan (inək) və bu heyvanın 1 illik müddətə yem tədarükünü təqdim etmişdir. 2009-cu il ərzində Tərtər rayonu üzrə mina və PHS partlaması nəticəsində zərər çəkmiş ailələrdən olan 13 nəfər gənc AzQAC Tərtər rayon bölməsinnin nəzdində fəaliyyət göstərən “Gənclər Mərkəzində” təmənnasız olaraq kompyuter biliklərinə yiyələnərək sertifikatlar əldə etmişlər. KİV-lə iş AzQAC-ın mətbu orqanı olan “Yeni Təfəkkür” qəzeti və Milli Cəmiyyətin rəsmi veb-səhifəsi ( www.redcrescent.az ) vasitəsilə görülən işlər barədə geniş ictimaiyyət mütəmadi olaraq məlumatlandırılmışdır. Bundan əlavə olaraq AzQAC Silahlara Qarşı Mübarizə proqramı üzrə həyata keçirilən bütün mühüm tədbirləri Azərbaycanın rəsmi dövlət və özəl televiziya kanalları ilə işıqlandırmışdır. Bu proqram çərçivəsində fəaliyyətlərə cəlb olunmuş cəbhəyanı rayonların əsas mətbu orqanları da AzQAC-nin bu sahədə həyata keçirdiyi fəaliyyətlər haqda mütəmadi olaraq məqalələr dərc edirlər.
2009-cu ildə AzQAC Silahlara Qarşı Mübarizə proqramı çərçivəsində ən sıx əməkdaşlığı BQXK ilə həyata keçirmişdir. BQXK tərəfindən bu proqram texniki və maliyyə dəstəyi almışdır. AzQAC Silahlara Qarşı Mübarizə proqramının məsləhətçisi mütəmadi olaraq BQXKnin Azərbaycandakı Nümayəndəliyində bu sahəyə məsul olan müvafiq nümayəndələrlə görüşlər keçirmiş, müzakirələr etmişdir.
“TOM” layihəsi və digər fəaliyyətlərlə əlaqədar olaraq il ərzində AzQAC Silahlara Qarşı Mübarizə proqramının məsləhətçisi BQXK, BQXQACF (Beynəlxalq Qızıl Xaç və Qızıl Aypara Cəmiyyətləri Federasiyası), Almaniya Qızıl Xaç Cəmiyyəti, ANAMA, AzCBL (Minalar Əleyhinə Azərbaycan Kampaniyası İctimai Birliyi), HOMS, Norveç Krallığının Azərbaycandakı Səfirliyi, BAMF (Beynəlxalq Avrasiya Mətbuat Fondu), Trans Global LTD və s. təşkilatlarla görüşlər keçirmiş, layihələr ətrafında müzakirələr aparmış, seminar, treyninq və konfranslarda iştirak etmişdir.
Yüklə 0,5 Mb. Dostları ilə paylaş:
|