54
Şəmkir şəhər yeri. IV qazıntı sahəsi.
olmuşdur (R.M.Vahidov, N.M.Quliyev, 1993, s əh. 46).
Dəbil şəhəri ərəb ağalığı dövründə Xəlifə canişinin mərkəzi olmaqla sənət
istehsalının yüksək inkişaf etdiyi şəhərlərdən idi. Dəbil haqqında məlumat verən Yaqut əl-
Həməvi isə bu şəhərin Azərbaycanın ucqarlarında, Arran vilayətində yerləşdiyini
xüsusilə vurğulayır (Йакут аль-Хамави, 1983, cтp. 24).
IX əsrdə Dəbil şəhəri Azərbaycan Sacilər dövlətinin, X əsrin ortalarında is ə
əvvəlcə Salarilərin, sonra isə Şəddadilərin, XII əsrdən isə Azərbaycan Atabəylər
dövlətinin mühüm şəhərlərindən olmuşdur.
Yazılı qaynaqlar Dəbil şəhərini böyük və zəngin şəhər kimi təqdim edirlər.
Lakin XIII əsrin birinci yarısında şəhər bir neçə dəfə dağıntı və qarətlərə məruz
qalmışdır. XIII əsrin əvvəllərində gürcü qoşunları hücum edərək şəhəri ələ keçirib
talamışdır, lakin tezliklə Xarəzmşah Cəlaləddin şəhəri gürcülərdən azad etmişdir.
Monqollar 1236-cı ildə şəhəri alaraq dağıt mış və şəhər bundan sonra tənəzzül et miş,
yenidən dirçəlmə mişdir.
Arxeoloji tədqiqatlar şəhərin XI-XIII əsrlərdə yüksəliş keçirdiyini, ərazisinin
genişlənərək geniş bir sahəni əhatə etdiyini göstərir. Arxeoloji axtarışlar zamanı şəhər
qala divarlarının bir neçə dairəsinin izlənilməsi də bunu təsdiq edir (tablo 10, şək. 3).
Şəhərin sənətkarlıq məhəllələrinin cəmləşdiyi ərazi də qala divarları ilə əhatə
olunmuşdu (K.Q.Kafadaryan, 1952; 1982; Б.Н.Аракелян, 2003).
İnkişaf etmiş orta əsrlərdə Dəbilin narınqalası yenidən qurulmuşdu. Daş təməl
üzərində çiy və bişmiş kərpicdən inşa edilmiş narınqalanın divarları 10 hektar sahəni
55
əhatə edirdi və 40 bürclə möhkəmləndirilmişdi. İç qalanın müdafiə sisteminə həm də su
ilə doldurulan xəndək da xil id i.
Arxeoloji qazıntılar zamanı narınqalanın daş təməl üzərində çiy və bişmiş
kərpicdən inşa olunmuş çoxlu ictimai binaları və yaşayış evlərinin qalıqları üzə
çıxarılmışdır. Narınqalanın şimal-şərq hissəsindəki təpə hakim mövqeyə malik olması ilə
fərqlənir və burada aparılan arxeoloji qazıntılar XII-XIII əsrlərin saray qalıqları və digər
iri binaların xarabalıqlarının aşkarlanması ilə nəticələnmişdir. Binaların daxili
tərtibatında gəc üzrə oyma uğurla tətbiq olunmuşdu. Saray tipli bir binanın divarlarına
XI əsrdə həndəsi bəzək yaradan terrakota fiqurlar salınmışdır.
Dəbil şəhərinin rabad hissəsində yaşayış evlərinin və emalatxanaların qalıqları ilə
bütöv bir məhəllənin xarabalıqları üzə çıxarılmışdır. XI-XII əsrlərə aid edilən bu məhəllədə
çoxlu təndir və dulus kürələri aşkarlanmışdır. Qeyd edək ki, sənətkar emalatxanaları
Dəbil şəhər yerinin mərkəzinin, hətta narınqalanın arxeoloji qazıntıları za manı da ü zə
çıxarılmışdır.
Arxeoloji qazıntılar Dəbil şəhərinin Azərbaycan şəhərləri, eləcə də Yaxın və
Orta Şərqin başlıca mərkəzləri ilə sıx əlaqə saxladığını təsdiqləyir. Şəhərin pul
dövriyyəsində Abbasi xəlifələrinin, Bizans imperatorlarının, Sacilərin, Salarilərin,
Şəddadilərin, Səlcuq sultanlarının, Azərbaycan Atabəylərinin zərb etdirdiyi sikkələr
işlədilmişdir (X.A.Myшегян, 1962).
Naxçıvan şəhəri orta əsrlərdə Azərbaycanın böyük sənətkarlıq, ticarət və
mədəniyyət mərkəzlərindən biri idi. Araz çayı üzərində karvan yollarının qovşağında
yerləşən bu şəhər XII əsrdə (30-cu illə rdən 70-c i illərin ortalarına qədər) Eldənizlər -
Atabəylər dövlətinin paytaxtı olmuşdur (R.A.Məmmədov, 1977, səh. 50). Na xçıvan
şəhəri arxeolo ji cəhətdən ən zəif öyrən ilən şəhərlərdəndir. Bu rada, keçən əsrin 60-cı
illərinin sonunda, Mömünə xatın türbəsindən cənubda, şəhərin narınqalasında kiçik
sahəli (360 k v.m) arxeoloji qazıntılar aparılmış, ümumi qalınlığı 5 m olan mədəni təbəqə
aşkara çıxarılmışdır ki, bu da bir-birinin üstündə yerləşən, IX-XI, XII-XIV və XV-
XIX əsrlərə a id üç inşaat qatından ibarətdir (R.B.Göyüşov, R.Ə.Məmmədov, 1980).
Çaydaşı və möhrədən tikilmiş (alt qatda), gil məhlulunda çiy və bişmiş kərpicdən
hörülmüş dördbucaq bina qalıqları, su və təsərrüfat quyuları, döşəmə və kəhriz
fraqmentləri üzə çıxarılmışdır. Ço xlu miqdarda şirsiz, şirli saxsı qab qırıqları, fayans, çini
qab parçaları və müxtəlif kaşı nümunələri tapılmışdır. Metal əşyalar, kürədə şirli qab
bişirilən zaman istifadə olunan gil üçayaqlar və s. əldə edilmişdir.
1976-cı ildə Naxçıvan şəhərində aparılan arxeoloji qazıntılar nəticəsində burada
IX-XVII əsrlərə aid qaynar həyat mənzərəsini bərpa etməyə imkan verən zəngin faktik
materia lla r ə ldə olun muşdur.
56
Xaraba-Gilan şəhər yeri Naxçıvan Muxtar Respublikası Ordubad rayonunun Aza
kəndi ərazisində, Gilan çayın sahilində təbii cəhətdən çox möhkəm, su təchizatı yaxşı
olan, daşlı-qayalı bir sahədə yerləşir və orta əsrlərdə Kiran adı ilə məşhur olmuş
şəhərin xarabalıqlarıdır. Yaqut əl-Həməvi bu şəhərdən bəhs edərkən yazır: "Kiran
Azərbaycanda şəhərdir, Təbriz ilə Beyləqan arasında yerləşir" (Йакут а ль-Хамави,
1983, c тp. 30).
Şəhər yeri geniş ərazini əhatə edir. Hazırda xarabalıqları mühafizə olunmuş
şəhər istehkamları vaxtilə möhkəmliyi ilə fərqlənmiş və orta əsr səyyahları öz əsərlərində
bu haqda qeydlər etmişlər.
Şəhərin topoqrafiyasında narınqala, şəhristan və rabad adlanan üç hissə özünü
qabarıq büruzə verir (tablo 11, şək. 1). Narınqala hakim yüksəklikdə, sıldırımlı yamacları
olan hündür dağın üzərində salınmışdı. Təbii baxımdan alınmaz bir məkanda
yerləşməsinə baxmayaraq əlavə olaraq daşdan hörülmüş dairəvi bürclərlə
möhkəmləndirilmiş qala divarları ilə əhatələnmişdir (bu müdafiə xəttinin uzunluğu
600 m təşkil edir). Narınqalada mikrorelyef ya xşı mühafizə olunduğundan onun
mürəkkəb plan quruluşunu, bir-birilə əlaqəsi olan ayrı-ayrı binaların qalıqlarını aydın
müşahidə etmək olur (tablo 11, şək. 2). Narınqalanın mərkəzində iki böyük hovuz
qalığı qeydə alınmışdır. Qalıqlar bu hovuzların vaxtilə günbəzvari örtüyə malik
olduğunu söyləməyə əsas verir (Б.И.Ибрагимов, 2000, стp. 30-31).
Şəhristan arxeoloji qazıntılarla daha yaxşı öyrənilmişdir. Burada məhəllələri,
yaşayış evlərinin, iri ictimai tikililərin - karvansaraların, hamamların, dəyirmanın; dini
tikililə rin - məscid və türbələrin qalıqlarını v izua l müşahidə etmək olur. Şəhərin baş
küçəsini və ona qovuşan məhəllə küçələrini də izləmək çətin deyil. Şəhristanın binaları
bişmiş kərpicdən əhəngli məhlulla inşa olunaraq kaşılarla bəzədilmişdir.
Bəzən şəhristanda, əsasən isə rabadda yaşayış evləri daş bünövrə üzərində çiy
kərpicdən inşa olunmuşdur. Rabadın tikililəri şəhristanın məhəllələrindən kənarda,
təpələrin ətəyində və şəhərin cənubunda yerləşir (Б.И.Ибрагимов, 2000, стp. 35-36).
Rabadda əsasən sənətkarlar və şəhər yoxsulları məskunlaşmışdılar. Yerli dulusçuluq ş əhər
sakinlərini məişətdə geniş istifadə olunan müxtəlif təyinatlı mətbəx, süfrə, işıqlandırma və
s. saxsı qablarla təmin edirdi. Mü xtəlif metal alət və əşyalar şəhərdə mefalişləmənin
inkişafından xəbər verir.
Va xtilə şəhərdə yüksək bədii mədəniyyətin mövcudluğunu, sənətkarların savadlılıq
dərəcəsini arxeoloji qazıntılar üzə çıxarmışdır. Tez-tez təsadüf olunan kaşı qırıqları
üzərində ərəb əlifbasının kufi və nəsx xətləri ilə yazılmış nümunələrə rast gəlinir. XII-
XIV əsrlərə aid tapıntılarda üzə çıxan ərəb, Azərbaycan və fars dillərində Qurandan
seçmələr və digər yazılar bədii sənətkarlığın yüksək səviyyəsinə dəlalət edir.
Dostları ilə paylaş: |