“ATA HOLDİNQ” AÇIQ TİPLİ SƏHMDAR CƏMİYYƏTİ
MALİYYƏ HESABATLARI ÜZRƏ QEYDLƏR
31 DEKABR 2007-Cİ İL TARİXİNDƏ BAŞA ÇATMIŞ İL ÜZRƏ (Davamı)
22
Satış üçün sərəncamda olan aktivlər
Satış üçün sərəncamda olan aktivlər ədalətli dəyər üzrə uçota alınır. Satış üçün sərəncamda olan
borc qiymətli kağızlarından faiz dərəcəsi gəliri faktiki faiz metodu əsasında hesablanır və mənfəət
və ya zərərdə uçota alınır. Satış üçün sərəncamda olan kapital instrumentləri ilə əlaqədar olan
dividentlər o halda mənfəət və ya zərər üzrə uçota alınır ki, Qrupun ödənişi almaq hüququ yaransın.
Ədalətli dəyər üzrə bütün digər dəyişiklik elementləri kapital üzrə xitam və ya aşınma zamanına
qədər təxirə salınır və həmin vaxtda məcmu mədaxil və ya zərər kapitaldan çıxarılıb mənfəət və ya
zərər hesablarına aid edilir.
Aşınma zərəri satış üçün sərəncamda olan investisiyaların ilkin uçotundan sonra baş verən bir və ya
bir neçə hadisənin nəticəsi olaraq mənfəət və ya zərər üzrə uçota alınır (“zərər
ilə nəticələnən
hadisələr”). Kapital investisiyalarının ədalətli dəyərində baş verən mühüm və davamlı azalma həmin
qiymətli kağızın qiymətindən aşağı düşdükdə bu aşınmaya işarə edir. Alınma qiyməti ilə əvvəlki
məqamda müvafiq aktiv üzrə mənfəət və ya zərərdə uçota alınmış hər hansı aşınma zərəri çıxdıqdan
sonra qalan cari ədalətli dəyər arasında olan fərq kimi hesablanan məcmu aşınma zərəri kapitaldan
çıxarılır və mənfəət və ya zərərdə uçota alınır. Kapital üzrə qiymətli kağızlara aid olan aşınma
zərərləri mənfəət və ya zərər vasitəsi ilə uçotdan çıxarılmır. Sonrakı müddətdə satış üçün
sərəncamda olan kimi təsnifatlaşdırılan borc qiymətli kağızın ədalətli dəyəri artarsa və artımı
ədalətli surətdə aşınma zərərinin mənfəət və ya zərər üzrə uçota alınmasından sonra baş verən
hadisəyə aid etmək olarsa, aşınma zərəri cari müddəti mənfəət və ya zərəri vasitəsi ilə uçotdan
çıxarılır.
Müəyyən müddət üçün saxlanılan investisiyalar
Müəyyən müddət üçün saxlanılan investisiyalar faktiki faiz dərəcəsi metodundan istifadə etməklə
amortizasiya edilmiş xərc əsasında uçota alınır və bu zaman hesablanmış aşınma zərərləri üzrə
ehtiyatlar nəzərə alınmır.
Dövriyyədə olan investisiyalar
Dövriyyədə olan investisiyalar ədalətli dəyər üzrə uçota alınır. Dövriyyədə olan investisiyalar üzrə
qazanılan, faktiki faiz dərəcəsi metodu əsasında hesablanan faiz konsolidasiya edilmiş gəlir
haqqında hesabatda faiz gəliri kimi uçota alınır. Dividentlər divident gəlirinə o halda daxil olunur ki,
Qrupun divident ödənişini almaq hüququ yaransın. Ədalətli dəyər üzrə dəyişikliklərin bütün digər
elementləri və uçotun xitamı üzrə mədaxil və ya zərər baş verdikləri müddət üçün dövriyyədə olan
investisiyaların zərəri mədaxildən çıxıldıqdan sonra mənfəət və ya zərərdə uçota alınır.
Qrupun törəmə müəssisənin divident siyasətinə nəzarət etdiyi hallar və fərqin dividentlər və ya digər
vasitə ilə yaxın gələcəkdə qayıtması ehtimalı istisna olmaqla, törəmə müəssisələrin satınalmadan
sonrakı müddət üzrə bölüşdürülməmiş mənfəəti ilə əlaqədar gələcək mənfəət vergisi nəzərə alınır.
Mal və material ehtiyatları
Mal və material ehtiyatları faktiki qiymət və ya daha aşağı olarsa xalis mümkün satış qiyməti ilə
uçota alınır. Mal və material ehtiyatlarının dəyəri orta qiymət üsulu ilə müəyyən olunur. Hazır
məhsulun və yerinə yetirilməkdə olan işlərin qiyməti xam materialları, birbaşa işçi qüvvəsi
xərclərini, digər birbaşa xərcləri və müvafiq inzibati xərcləri əhatə edir (normal istehsalat
imkanlarına istinadən), lakin borcun alınması ilə əlaqədar xərclər nəzərə alınmır. Xalis mümkün
satış qiyməti dedikdə əqdin tamamlanması və satış xərcləri çıxıldıqdan sonra, kommersiya
fəaliyyətinin adi gedişində təxmin edilən satış qiyməti qəbul olunur.
“ATA HOLDİNQ” AÇIQ TİPLİ SƏHMDAR CƏMİYYƏTİ
MALİYYƏ HESABATLARI ÜZRƏ QEYDLƏR
31 DEKABR 2007-Cİ İL TARİXİNDƏ BAŞA ÇATMIŞ İL ÜZRƏ (Davamı)
23
Kommersiya və digər debitor borcları
Kommersiya və digər debitor borcları faktiki faiz dərəcəsi metodundan istifadə etməklə uçota alınır.
Debitor borcları üzrə ehtiyat belə halda yaradılır ki, Qrupun debitor borcu üzrə bütün məbləğləri
əvvəlki məqamda nəzərdə tutulmuş şərtlərə istinadən əldə edə bilməyəcəyinə dair ədalətli dəlillər
mövcud olsun. Ehtiyatın məbləği kimi aktivin qalıq dəyəri ilə əvvəlki faktiki faiz dərəcəsi ilə
diskontlaşdırma aparılmaqla təxmin edilən gələcək pul vəsaitləri hərəkətinin hazırkı dəyəri
arasındakı fərq nəzərdə tutulur. Ehtiyatın məbləği gəlir haqqında hesabatda qeyd olunur.
Mənfəət vergisi
Mənfəət vergisi konsolidasiya edilmiş maliyyə hesabatlarında balans tarixi üçün qəbul edilmiş və ya
qəbul ediləcəyi ehtimal edilən Azərbaycan Respublikasının qanunvericiliyinə əsasən qeyd edilir.
Mənfəət vergisi xərci cari və təxirə salınmış vergi elementlərini əhatə edir və konsolidasiya edilmiş
hesabatlarda qeyd olunur, belə şərtlə ki, həmin məbləğlər eyni və ya fərqli müddət üçün birbaşa
olaraq kapital kimi uçota alınmış məbləğlərə aid olmasın.
Təxirə salınmış vergi öhdəliyi dedikdə cari və əvvəlki müddətlər ilə əlaqədar vergiyə cəlb olunan
mənfəət və ya zərərlər ilə əlaqədar vergi orqanlarına ödəniləcək və ya onlardan alınacaq məbləğlər
nəzərdə tutulur. Mənfəət vergisindən fərqli olan vergilər əməliyyat xərclərinə daxil edilir.
Gələcək vergi məsuliyyəti gələcək müddətlərə keçirilən vergi məsuliyyətini və aktiv və öhdəliklərin
vergi bazası ilə maliyyə hesabatı məqsədləri üçün onların qalıq məbləği arasındakı fərqin
balansda
əks etdirilməsinin metodu vasitəsi ilə uçota alınır. İlkin uçot istisnasına müvafiq qaydada, gələcək
vergi məsuliyyəti, əqd, ilk dəfə uçota alınarkən, nə mühasibat uçotuna, nə də ki, vergiyə cəlb olunan
mənfəətə təsir göstərmədikdə, biznes kombinasiyası istisna olmaqla, aktiv və ya öhdəliyin ilkin
uçotu zamanı müvəqqəti fərqlər ilə əlaqədar nəzərə alınmır. Gələcək vergi məsuliyyəti “qudvil” üzrə
ilkin uçotdakı müvəqqəti fərqlər, sonradan isə vergi məqsədləri ilə əlaqədar çıxılması mümkün
olmayan “qudvil” ilə əlaqədar nəzərə alınmır. Gələcək vergi məsuliyyəti qüvvədə olan və ya
müvəqqəti fərqin xətm edilməsi və ya gələcək dövrə keçirilmiş verginin istifadə olunacağı məqamda
qüvvədə olacaq vergi dərəcələri ilə hesablanır. Gələcək vergi məsuliyyəti və aktivləri yalnız Qrupun
ayrı-ayrı şirkətləri arasında əvəzləndirilir. Çıxıla bilən müvəqqəti fərqlər üçün gələcək vergi
məsuliyyəti və gələcək dövrlərdə köçürülən vergi məsuliyyəti yalnız o dərəcədə uçota alınır ki,
çıxılmaların istifadə edilə biləcəyi gələcək vergiyə cəlb olunan mənfəətin olacağını ehtimal etmək
mümkün olsun.
Qrup törəmə müəssisənin divident siyasətinə nəzarət etmirsə və ya fərqin yaxın gələcəkdə
dividentlər və ya digər vasitə ilə qayıtmasını ehtimal etmək mümkün deyilsə, təxirə salınmı. Vergi
öhdəliyi satınalmadan sonrakı müddət üçün törəmə müəssisələrin bölüşdürülməmiş mənfəətinə aid
edilir.
Qeyri-müəyyən vergi mövqeləri
Qrupun qeyri-müəyyən vergi mövqeləri hər bir balans tarixində rəhbərlik tərəfindən yenidən
qiymətləndirilir. Öhdəliklər mənfəət vergisi mövqeləri üzrə o halda uçota alınır ki, həmin vergi
mövqeləri rəhbərliyin qərarına əsasən vergi orqanlarının iddiasına görə ödənilməsi ehtimalı
ödənilməməsi ehtimalından daha yüksək olan mövqedə olsun. Bu qərar qüvvədə olan, balans tarixi
üçün qüvvədə olacaq vergi qanunvericiliyi, belə məsələlər üzrə hər hansı məlum məhkəmə qərarı və
ya digər normativ akt əsasında qəbul olunur. Mənfəət vergisindən fərqli olan penya, faiz və vergilər
balans tarixində öhdəliyi ödəmək üçün tələb olunan məbləğ üçün rəhbərliyin ən mükəmməl təxmini
əsasında uçota alınır