ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
60
20-30 YAŞ ARASI GƏNCLƏRDƏ TİP 2 ŞƏKƏRLİ DİABET
TƏHLÜKƏSİNİN QİYMƏTLƏNDİRİLMƏSİ
Rezident: G.Musayeva
İşin rəhbəri: ass.K.İsmayılova, dos.G.Fətəliyeva
ATU Tədris Terapevtik klinika
III daxili xəstəliklər kafedrası
Açar söz:Tip 2 Şəkərli diabet,rastgəlmə tezliyi,risk qrupu.
Giriş:2-ci tip şəkərli diabetdə risk faktoru olaraq əsasən irsiyyət,yaş,piylənmə (bədən kütləsi indeksinin 27
kq/m2 –dan artıq olması),irq,hestasion diabet,hipertenziya,hipodinamiya,Polikistoz.Günümüzdə şəkərli diabetin
artma səbəbi göstərilən risk faktorlarının artmasıdır.
Tədqiqatın məqsədi:20-30 yaş arası insanlarda şəkərli diabetə risk faktoru olacaq əlamətlərin rastgəlmə
tezliyinin və bu insanlarda şəkərli diabetin inkişaf riskinin qiymətləndirilməsi .Gənclər arasında şəkərli diabetdə
piylənmə,hipertoniya,irsiyyət,hipodinamiya,düzgün qidalanmanın rolunun maarifləndirilməsi.
Material və metod:Qiymətləndirmə üçün şəkərli diabet protokolunda qeyd edilən anketdən istifadə
olunmuşdur.Müşahidə altına 20-30 yas arası 20 kişi,30 qadın olmaqla 50 sağlam insan götürülmüşdür.Doldurulan
anketlərdəki suallara əsasən bu gənclər arasında 12 nəfər bədən kütlə indeksi 27 kq/m2 dan yuxarı,3 nəfər
hipertoniya müalicəsi almış,5 nəfər bir dəfə də olsa qanda şəkəri yüksəlmiş,35 nəfəri irsiyyətində şəkərli diabet
xəstəliyi olanlar,25 nəfər hipodinamiyalı həyat tərzi sürən,30 nəfər düzgün qidalanmayandır.
Nəticə:Alınan nəticələrə əsasən 20-30 yaş arası kişilərdə 13 nəfər 7 –dən aşağı xal yığaraq aşağı risk
qrupuna,5 nəfər 7-11 xal arası yığaraq cüzi yüksəlmiş,2 nəfər 11-14 xal arası yığaraq orta risk qrupuna daxil oldu.
Alınan nəticələrə əsasən 20-30 yaş arası qadınlarda 15 nəfər 7 –dən aşağı xal yığaraq aşağı risk qrupuna,10
nəfər 7-11 xal arası yığaraq cüzi yüksəlmiş,5 nəfər 11-14 xal arası yığaraq orta risk qrupuna daxil oldu.
Aparılan tədqiqata əsasən yaş riski aşağı olsa da gənclər arasında 56% aşağı risk, 44 % orta və cüzi
yüksəlmişdir.Tədqiqat zamanı anket dolduran gənclərə Şəkərli diabet xəstəliyi və risk faktorları haqqında
məlumat verilmişdir.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
61
NADİR RAST GƏLİNƏN, ÇOXDÜYÜNLÜ UR İLƏ YANAŞI GÖRÜLƏN
LATERAL EKTOPİK TİROİD
Rezidentlər: G.N.Mahmudova, G.N.Cəlilova
İşin rəhbəri: A.R.Əliyev, B.E.Abbasov
ATU Tədris Terapevtik Klinika, III Daxili xəstəliklər kafedrası
Respublika Diaqnostika Mərkəzi
Milli Onkologiya Mərkəzi
Açar sözlər: Lateral ektopik tiroid
Giriş: Tiroid vəzi inkişafında dil kökündəki kor dəlikdən tiroqlossal kanal boyunca öz anatomik yerinə
doğru istiqamətlənir. Əgər embriogenez müddətində tiroid toxumasının kiçik hissəsi tiroid vəzindən ayrılıb, yan
boyun nahiyəsində inkişaf edirsə, bu inkişaf anomaliyası sayılır, lateral ektopik tiroid adlanır.
Tədqiqatın məqsədi: Nadir rast gəlinən, çoxdüyünlü ur ilə yanaşı görülən lateral ektopik tiroid xəstəsinin
aşkarlanması.
Material və metod: 35 yaşında qadın xəstə E.N 3 il öncə aşkar olunan çoxdüyünlü ur və sağ lateral
boyunda metastaz şübhəli törəmə diaqnozu ilə MOM-a müraciət edib. Aparılan təkrar USM-də hər iki payda
müxtəlif ölçülü düyünlər və sağ lateral boyunda 10x5 mm ölçüdə lokalizasiyasına görə metastatik limfa düyünü
şübhəsi oyandıran törəmə aşkar olunub(şəkil1).
Törəmənin bir ədəd olması, 3 il əvvəlki USM görüntüsü ilə
müqayisədə böyüməməsinə görə diaqnozu dəqiqləşdirmək üçün İİAB olunub. Xüsusilə sağ paydakı düyünlərin
İİAB nəticəsinin xoş xassəli gəlməsi, limfa düyünü lokalizasiyasında olan törəmədən alınan İİAB-nin qan
elementləri aşkar edilməsi, tireoqlobulin yuyulma testində isə Tg-41590 ng/ml (
) olması bu törəmənin ektopik
tiroid toxuması ola biləcəyi şübhəsi oyandırmışdır. TSH 2 mİU/L, sərbəst T4 18 pmol/L.Total tiroidektomiya və
sağ lateral boyun törəməsinin çıxarılması əməliyyatından sonra çıxarılan toxumaların patohistoloji müayinəsinin
nəticəsində tiroid materialında çoxdüyünlü ur və sağ lateral törəmə adı ilə işarələnmiş materialda ektopik tiroid
toxuması aşkar olunmuşdur (şəkil 2). Sağ lateral boyundakı törəmənin tərkibində limfoid element aşkar
olunmadığından ektopik tiroid toxuması olduğu dəqiqləşdirilmişdir.
Nəticə: Ektopik lateral tiroid və funksional ortotopik tiroid vəzinin birgə rast gəlməsi nadir haldır.
Həmçinin Tireoqlobulin yuyulma testində Tg yüksək çıxmış xəstədə differensasiya olunmuş tiroid karsinomasının
metastazı olmayacağı aşkarlandı.
Şəkil 1 Şəkil 2
Müzakirə:Bu kliniki hadisənin bu günə qədər aşkar edilərək bildirilən digər lateral aberrant tiroid
vəzlərdən fərqi ölçüsünün kiçik olması, hiperplaziyaya uğrayaraq böyüməməsi, həmçinin 3 illik bir müddət
ərzində nəzarətdə qalmasıdır.
Dostları ilə paylaş: |