Ki̇fayət Ağayeva
92
Bəs dişi rüşeymin inkişafı haqqında bizə bu günə qədər hansı
faktlar məlumdur? Təəssüf ki, hazırda bu proses alimlər tərəfin-
dən tam xırdalığına qədər tədqiq edilib öyrənilməmişdir. Əvvəllər
belə zənn edilirdi ki, Y xromosomun olmaması və testesteron pro-
duksiyasının çatışmamazlığı ucbatından hamiləliyin təxminən on
ikinci həftəsində XX embrionu qeyri- müəyyən cinsiyyət vəzisi-
nin yumurtalığa transformasiya edilməsinə təkan verir. Belə təsəv-
vür yaranır ki, erkək xromosomu olan Y-in olmaması ucbatından
dişi rüşeym inkişaf edir. Buna parallel hipotezalar da mövcuddur.
Erkək cinsiyyət vəzilərinin inkişafı üçün təkanverici amillər oldu-
ğu kimi, dişi yumurtalığını formalaşdıran amillər də vardır. Bəzi
alimlərə görə dişi cins hormonu hesab olunan es trogen yumurta-
lıqda sintez edilib dişi cinsiyyət vəzilərinin inkişafı üçün əsas ola
bilər. Bütün bu deyilənlər də hipoteza hesab olunur.
Yuxarıda söylədiklərimizdən savayı, müxtəlif hormonlar da
cinslər arasındakı fərqlilik üçün əsas ola bilər. Yeni suallar mey-
dana çıxır: Erkək və dişilər arasındakı mövcud davranış və şəxsi
keyfiyyət fərqlərinə xromosom və hormonlar səbəb ola bilərmi?
Əgər həqiqətən belədirsə, bu nə dərəcədədir? Bioloji əsaslı fərq-
liliklər dəyişkən ola bilərmi?
İnsandakı cinsi diferensiasiyanı aşağıdakı kimi xarakterizə
etmək olar:
1) xromosom cinsi bütün cins xromosomlarının tərkibindən
asılı olur;
2) qonadın cinsi formalaşmış qonadın tipindən asılı olur;
3) hormonun cinsi hasil edilən cins hormonlarının keyfiyyət
və kəmiyyətindən asılı olur;
4) somatik və ya fenotipik cins xarici cinsiyyət orqanların-
dan, ikinci dərəcəli cinsi əlamətlərdən, bədənin mütənasibliyin-
dən və başqa amillərdən asılı olur;
5) psixi cins fərdin psixoseksual oriyentasiyasından və fərdin
gender mənsubiyyət anlamından asılı olur. Dəfələrlə qeyd etdi-
yimiz kimi, cins-şəxsiyyətin bioloji statusu olduğu halda, gender
ABŞ-da gender m
əsələləri
93
onun müxtəlif sosio-mədəni faktorların təsiri altında olan so-
sio-psixoloji statusudur.
Hər bir xromosom minlərlə sayda genlərə malik olur. Hər
bir gen isə insanın yalnız bir əlaməti (məsələn, gözlərin, dərinin
rəngi, maddələr mübadiləsinin xüsusiyyətləri və s.) barədə məlu-
matın daşıyıcısı olur.
Doktor L.Şettlizin nəzəriyyəsinə görə, gələcək körpənin cin-
sinə mayalanmanın vaxtı da təsir edə bilir. Onun zəninncə, X xro-
mosomlu spermotozoidlər qadın orqanizmində daha çox yaşayır.
Buna görə də ovulyasiyadan 1-4 gün əvvəl baş verən mayalanma
dünyaya gələcək uşağın qız olması ehtimalını artırır. Bu nəzə-
riyyəyə görə uşağın oğlan olması üçün tərəflər cinsi əlaqəyə ya
ovulyasiyaya 12 saat qalmış, ya da ovulyasiya zamanı girməlidir-
lər. Ovulyasiya dövrü hansı dövr hesab edilir? Bu yumurtalıqdan
yetişmiş yumurta hüceyrəsinin çıxdığı dövrdür.
Müasir dövrdə dünyaya gələcək körpənin cinsinin müəyyən
edilməsində ən yayılmış üsullardan biri də Çin cədvəli üzrə he-
sablamadır. Bu üsulla uşağın cinsi mayalanma baş verən aydan
hesablanır və bu qadının yaşından asılıdır. Bu nəzəriyyəni dəstək-
ləyənlərə görə bu hesablama 99% doğrudur. İndi bu hesablamalar
haqqında məlumatları müxtəlif kitablarda tapmaq mümkündür.
Bu, belə hesablanır: Valideynlərin mayalanmaya qədərki (maya-
lanma baş verən aya qədər) tamam olmuş yaş illəri və ayları götü-
rülür. Ananın rəqəmi dördə, atanın rəqəmi üçə bölünür. Nəticələri
müqayisə edəndə, rəqəmdəki vergüldən sonra rəqəmlər kimdə
daha çoxdursa, o cins qalib gəlmiş deməkdir.
Prenatal xətalar. Prenatal xətalar nadir hallarda baş ver-
sələr də, istisna xarakterli olsalar da belə, təəssüf ki, bəzən bu
hallar qaçılmaz olur. Baş verən bu xətalar cinsi xromosomların
və hormonların inkişafının genderə olan təsirini öyrənmək üçün
unikal imkanlar açır. Bu sahədə aparılan ilk tədqiqatların məkanı
Conz Hopkinz Universitetinin nəzdindəki Gender İdentifikasiya
Klinikasıdır.