111
təhlükəsi artmağa başladı. 1221-ci ildə Beyləqanı ələ keçirəndən sonra xarabazara
çevirmiş monqollar Arranın paytaxtı Gəncəni mühasirəyə aldılar. Onlar böyük
ödənc aldıqdan sonra hücum istiqamətini dəyişərək Gürcüstana soxuldular.
Monqollar bu ölkədə dağıntılar, qarətlər, qətllər törətdikdən sonra Şirvana doğru
yürüş etdilər. Şamaxı şəhəri mühasirə edildi, sonra isə ələ keçirildi. Monqollar
Şamaxını dağıntılara, şəhər əhalisini isə amansız əzablara məruz qoydular. Bakını
ələ keçirməyə çalışan monqollar uzun müddət bu məqsədə nail ola bilmədilər.
17
İlk
yürüş zamanı monqolların Dərbənd şəhərini də ələ keçirmək planı gerçəkləşmədi.
Monqol hərbi qüvvələri Dərbəndi yalnız 1239-cu ildə ələ keçirə bildilər.
18
Bakı
qalası da bu tarixi məqamda yeni fatehlərə tabe edildi. Həmin tarixi məqamda baş
vermiş monqol hərbi yürüşləri, gürcülərin vaxtaşırı təkrarlanan təcavüzkar
həmlələri, xarəzmşah Cəlaləddinin ölkəyə hücum təhlükəsi Şirvanşahlar dövlətinin
zəifləməsinə gətirib çıxardı. Xarəzmşah Cəlaləddin Azərbaycanın şimal qismində
möhkəmlənməyə çalışarkən (1225-1231) Şirvanşahlar itaətkarlıq və diplomatik
bacarıq nümayiş etdirərək öz dövlətinin müstəqilliyini, Şirvanın abadlığını, əmin-
amanlığını qoruya bildilər. Lakin 1231-ci ildə monqolların ikinci gəlişindən sonra
Şirvan dövlətinin vəziyyəti xeyli gərginləşdi. Kəşfiyyat yürüşü güdişində hərbi,
siyasi rəqiblərin zəif cəhətlərini əsaslı şəkildə öyrənmiş monqollar II yürüşün 8 ili
ərzində Qafqazı, eləcə də Şirvanı fəth etdilər. Ölkənin (Şirvanın) fəth olunmasına
baxmayaraq, şirvanşahlar monqollardan tam asılı deyildilər. XIII əsrin 50-ci
illərinədək Şirvanşahlar monqollara bac verməklə kifayətlənmişlər. 1239-cu ildən
sonra Şamaxıda, Bakıda və Abşeron yarımadasında müxtəlif təyinatlı mühüm
qurğuların tikilməsi işində fasilə yarandı, bu fasilə XIII əsrin sonlarınadək davam
etdi.
19
Əsaslı tikinti işlərində yaranmış fasilə monqol hərbi yürüşləri nəticəsində
Şirvanın maliyyə, iqtisadi baxımdan iflası ilə bağlı olmuşdur. Elxanilər dövlətinin
yaranması və onun ərazisinin tədricən artması Qızıl Orda xanlarının gərgin
müqaviməti ilə qarşılandı. İki dövlət arasındakı uzunmüddətli çəkişmələr zamanı
Şirvan əhalisi, bu vilayətin əsrlər boyu yaradılmış maddi-mənəvi sərvətləri qarət,
talan və zərbə obyektlərinə çevrilirdi. Qızıl Orda xanları Elxanilərə qarşı hərbi
yürüşlər zamanı, adətən Dərbənd keçidi vasitəsilə Şirvana daxil olur, rəqib hərbi
qüvvələrin toqquşmalarının əksəriyyəti bu ərazidə baş verirdi. Şirvan (bəzən
Dərbəndin şimal hissəsi, bəzən isə Bakıdan şimalda olan ərazilər) həmin rəqib
dövlətlər arasında, sərhədboyu zolağa çevrilmişdi. Şirvanşah II Əxsitan Hülakü
xana qeyd-şərtsiz tabe olduğunu bəyan edərək Şirvanı daha genişmiqyaslı
dağıntılardan, qarət və talanlardan xilas etdi. Şirvanşahın qoşunları Elxanilərin
bütün hərbi yürüşlərində fəal surətdə iştirak etməyə borclu idilər.
II Əxsitanın hakimiyyəti dövründə Şirvanşahlar dövlətinin vəziyyəti çox
ağır olmuşdur. 1260-cı ildə bu Şirvanşah Hülakü xanın əmrinə əsasən öldürüldü.
20
Əsrin sonlarınadək Hülakü xanları Şirvanı tam asanlıqla, nəzarət altında saxladılar.
Lakin XIV əsrin əvvəllərində (xüsusilə Elxan Əbu Səidin hakimiyyəti zamanı)
Elxanilər dövləti zəifləyərkən Şirvanşahların öz mülklərində hakimiyyəti gücləndi.
112
Məhz bu zaman Şirvanın təsərrüfat həyatında yüksəliş, şəhərlərdə ticarətin inkişafı
nəzərə çarpırdı. Şirvanşahların siyasi müstəqillik uğrundakı mübarizəsi “XIV əsrin
40-cı illərinə doğru Şirvanın müstəqil dövlət kimi fəaliyyət göstərməsinə səbəb
oldu”.
21
Həmin əsrin ortalarına doğru Elxanilər dövlətinin tənəzzülü və süqutu
Şirvanın yenidən müstəqilləşməsi prosesi üçün əlverişli zəmin yaratmışdı.
Elxanilərin dövlət aparatında nəzarəti ələ keçirmiş Çobani əmirlərini siyasi
mübarizə meydanından uzaqlaşdırmaq üçün Şirvanşah Kavus Qızıl Ordanın hərbi
qüdrətindən faydalanmağı qərara aldı və həmin qüvvəni Çobani əmiri Məlik Əşrəf
istiqamətinə (Təbriz şəhərinə) yönəltdi. Başlıca siyasi rəqibdən yaxasını qurtarmış
Şirvanşah tezliklə yeni rəqiblə (Cəlairi hökmdarı ilə) üzləşməli oldu. Cənubi
Azərbaycanda, Arranda və Naxçıvanda möhkəmlənmiş Cəlairi hökmdarı Şeyx
Üveys Şirvanı da tabe etməyə can atırdı. Şirvanşah Kavus rəqibin hərbi potensialı
ilə hesablaşaraq Şeyx Üveysə tabe olduğunu bəyan etdi. XIV əsrin 80-ci
illərinədək şirvanşahlar Cəlairilərin xəzinəsinə illik xərac ödəməli və Cəlairilərin
adları həkk olunmuş sikkələr zərb etdirməli oldular.
22
Şirvanşah Kavusun
vəfatından sonra Şirvan taxtına onun Cəlairi hökmdarı Sultan Şeyx Üveysin
sarayında girov saxlanmış oğlu Huşəng sahib oldu. Şeyx Üveysin ölümündən
(1374-cü ildə) sonra Cəlairilər dövləti daxilində baş vermiş çəkişmələrdən istifadə
edən Şirvanşah Huşəng özünün hakimiyyətini və Şirvan dövlətinin mövqeyini
möhkəmləndirdi. Lakin numizmatik materiallar sübut edir ki, Şirvanşahlar
Cəlairilər dövlətinin süqutu məqamınadək Cəlairi sultanlarından vassal asılılığında
olmuşlar. 10 il hakimiyyətdə olmuş Huşəng təhsilli, şair kimi tanınmış şəxs idi.
1382-ci ildə bu Şirvanşah Şirvanda baş vermiş üsyan nəticəsində öldürüldü.
Hakimiyyətə Şeyx İbrahim (1382-1417) gəldi.
23
I İbrahim də ənənəvi xarici siyasət
yeridərək Şirvanşahlar dövlətinin varlığını qorumaq qayğısını çəkirdi. Onun
hakimiyyəti illərində İslam Şərqində dövlətlərarası münasibətlər yenidən
kəskinləşmişdi. Siyasi tarix səhnəsinə çıxmış Əmir Teymurun sarsıdıcı hərbi
yürüşləri nəticəsində Cəlairilər dövləti tədricən tənəzzülə uğradı. Bölgənin digər
dövlətləri, eləcə də Şirvanşahlar dövləti üçün siyasi müstəqilliyi itirmək təhlükəsi
yarandı. XIV əsrin sonlarına doğru Şirvan hökmdarı cənubdan Əmir Teymurun,
şimaldan isə Qızıl Orda xanı Toxtamışın viranedici hücumlarından qurtulmaq
problemi qarşısında qalmışdı. 1385-ci ildə Toxtamış 90 minlik qoşunla Şirvana
doğru irəlilədi, ölkəni qarət və talanlara məruz qoyaraq Azərbaycanın Cənub
vilayətlərinə soxuldu.
24
Həmin qoşun bir müddətdən sonra Şirvan ərazisini viran
edərək geri qayıtdı. Yeni tarixi şəraitdə Şirvanşah daha güclü hərbi və siyasi qüvvə
ilə yaxınlaşmaqla Şirvanda öz hakimiyyətini müdafiə etdi. 1386-cı ildə o,
Qarabağa-Əmir Teymurun qərarlaşdığı məntəqəyə gedərək bölgənin (Şərqin) yeni
fatehinə tam itaət etdiyini bildirdi. I İbrahimin itaətkar davranışı Əmir Teymura elə
xoş gəldi ki, o, Şirvanşahı “oğul” adlandıraraq ona fəxri libas bağışladı, onu
Şirvanın və Şamaxının hökmdarı təyin etdi.
25
Yeni müttəfiqlər 1387-ci ildə
yenidən Şirvana soxulmuş Toxtamışın qoşunlarını darmadağın etdilər, onları
Dostları ilə paylaş: |