| İşin məqsədi müasir iqlim dəyişmələri şəraitində Azərbaycan ərazisində baş verən leysan mənşəli təhlükəli hadisələrin (şimşək, dolu və onlarla əlaqədar olan daşqın və sel axınları) avtomatlaşdırılmış radiolokasiya sisteminin köməyilə tədqiqi və onların baş vermə yerini və vaxtını müəyyən etməyə imkan verən proqnoz metodlarının işlənməsidir.
Bu məqsədə çatmaq üşün aşağıdakı məsələlər həll edilmişdir:
1. Azərbaycanda atmosfer yağıntılarının və leysan mənşəli təhlükəli hadisələrin ərazi üzrə paylanmasının öyrənilməsi.
2. Respublikanın müxtəlif regionlarında qlobal istiləşmənin təzahürlərinin tədqiqi.
3. Dolu-şimşək proseslərinin fəza strukturunun, inkişaf dinamikasının, əsas xarakteristikalarının, regional xüsusiyyətlərinin, yaranma və inkişaf qanunauyğunluqlarının, həmcinin yaranma yerlərinin tədqiqi.
4. Respublika ərazisində 1967-1990-cı illərdə aparılmış doluya qarşı mübarizə tədbirlərinin analizi və onların səmərəliliyinin qiymətləndirilməsi.
5. Daşqın və sel hadisələrinin radiolokasiya vasitəsilə tədqiqi və onların yaranma və inkişafına təsir göstərən yeni amillərin aşkara çıxarılması.
6. Dolu-şimşək proseslərinin və onlarla əlaqədar olan daşqın və sel hadisələrinin yeni proqnoz metodlarınin işlənməsi.
Dostları ilə paylaş: | 
