İşin praktiki əhəmiyyəti aşağıdakılardan ibarətdir:
- hava şəraiti, o cümlədən leysan mənşəli təhlükəli hadisələrin müasir iqlim dəyişmələri şəraitində aparılmış tədqiqatlarının nəticələri Azərbaycan ərazisinin iqlim xəritələrinin dəqiqləşdirilməsində və həmçinin bu dəyişmələrin mənfi nəticələrini azaltmaq məqsədilə görüləcək qabaqlayıcı tədbirlərdə istifadə oluna bilər;
- dolu-şimşək prosesləri və onlarla əlaqədar olan daşqın və sellər üzrə radioloka-siya tədqiqatlarının nəticələri bu hadisələrin iqlimşünaslıq və fizikası sahəsində yeni biliklər verir;
- 1967-1990-cı illərdə aparılmış doluya qarşı mübarizə tədbirlərinin analizi və səmərəliliyinin qiymətləndirilməsi üzrə tədqiqatların nəticələri bu işlərin yenidən bərpası zamanı istifadə oluna bilər;
- dolu-şimşək proseslərinin, həmçinin daşqın və sel hadisələrinin yeni işlənmiş metodları artıq Milli Hidrometeorologiya Departamenti sistemində istifadə olunur;
- doluya qarşı mübarizə əməliyyatlarının fiziki səmərəliliyinin psevdo randomizasiya qiymətləndirilmə metodu Rusiya Federasiyası və bir sıra MDB ölkələrində bu işləri nizamlayan “metodik göstərişlərə” daxil edilmişdir.
- buludların inteqral əksolunma və sululuğunun hesablanması metodu ASU-MRL avtomatlaşdırılmış radiolokasiya sistemində reallaşdırılmışdır ki, bu sistem Rusiya Federasiyası, Azərbaycan, Moldova və Argentinada tətbiq olunur.
Dostları ilə paylaş: |