23
torpaq, su orqanizmləri qrupları ilə çox müxtəlif əlaqəyə girirlər və bunların
iştirakı ilə inkişaf dövriyyəsini başa vururlar. Helmint növlərinin arealı
onların aralıq və axırıncı sahiblərinin arealları və onların inkişafı üçün
əlverişli fiziki-coğrafi şəraitlə (temperatur, nəmlik, günəş radiasiyası və s.)
məhdudlaşır. Bu nöqteyi-nəzərdən vəhşi məməlilərin helmint faunasının
formalaşması yolları öyrənilmiş və təhlil edilmişdir.
Dovşankimilər dəstəsi - Leporidae (Lagomorpha)
Azərbaycanda dəstənin bir növü: boz dovşan Lepus europeus Pallas,
1778 yayılmışdır. Tədqiqat zamanı boz dovşandan 18 növ (trematod 1 növ,
sestod 7 növ və nematod 10 növ) helmint tapılmışdır. Dovşanın helmint
faunasının tərkibi 11 növ biohelmintdən, 7 növ də geohelmintdən ibarətdir.
Dovşanların bitki mənşəli yemlərlə qidalanmaları ilə əlaqədar olaraq
biohelmintlərin formalaşmasında oribatid gənələri, qarışqalar, böcəklər,
quru ilbizləri və digər onurğasızlar iştirak edirlər.
Qidalanma zamanı dovşanlar yemlə birlikdə yoluxmuş həmin onur-
ğasızları da udur və yoluxma baş verir. Bu qrupdan olan helmintlər
D.lanceatum, M.pectinata, P.omphalodes, A.rhopalocephala, P.tauricus və
Ph.sexalatus növləridir. Dovşanlar bir sıra helmint növlərinin, xüsusilə
sestodların aralıq, əlavə, rezervuar və fakultətiv sahiblərindən biridir. Bu
qrupa daxil olan növlərdən dovşanlar S.erinacei-europei növü üçün
fakültativ, T.solium, T.pisiformis və E.granulosus növləri üçün isə aralıq
sahibdir. Yırtıcılar bu helmintlərlə yoluxmuş dovşanları tutub yedikdə
yoluxma baş verir və həmin yırtıcının nazik bağırsağında növün yetkin -
lentşəkilli forması inkişaf edir. Qalan 8 növ nematod isə geohelmintdir.
Dovşanların geohelmintlərlə yoluxması qidalanma sahələrində invazion
mərhələyə çatmış helmint yumurtalarının yemlə birlikdə udulması zamanı
baş verir.
Dovşanlarda qeyd olunan helmintlər heyvanların digər sistematk
qruplarından gəmiricilərin, yırtıcıların, əhli və vəhşi dırnaqlı heyvanların,
insanın və həmçinin balıqların, suda-quruda yaşayanların, sürünənlərin,
quşların, müxtəlif vəhşi məməlilərin və s. helmintləri ilə ümumilik təşkil
edir. Bu helmintlərin inkişafında müxtəlif torpaq gənələri, ilbizlər, siklop
xərçəngləri, qarışqalar, böcəklər, ev quşları, əhli və vəhşi məməlilər və s.
iştirak edirlər. Dovşanlarda qeyd olunan bütün növlər geniş coğrafi
zonallığa malikdirlər və bunlarda invaziyanın həm intensivliyi, həm də
ekstensivliyi kifayət qədər yüksəkdir. Bütün bunlar dovşanların çox geniş
coğrafi ərazilərdə yayılmaları, təbiətdə çoxsaylı olmaları, onların digər
sistematik qruplardan olan heyvanlarla trofik və s. əlaqələri, ekoloji mühitin
24
mənfi təsirlərinə qarşı davamlılığı və bu qəbildən olan digər ekoloji
amillərlə əlaqədardır.
Gəmiricilər dəstəsi - Rodentia
Azərbaycan faunasının tərkibində 6 fəsilə və 16 cinsə daxil olan 32
növ gəmirici yayılmışdır. Gəmiricilər başlıca olaraq bitki, az hallarda isə
heyvani yemlərlə qidalanırlar. Dünyada çox geniş yayılmışlar. Helmintoloji
tədqiqat zamanı 1 dəstəyə, 7 fəsiləyə, 12 cinsə daxil olan 16 növ gəmirici
tədqiq edilmiş və onlardan 48 növ helmint aşkar edilmişdir. Helmint fauna-
nın tərkibi 5 növ trematoddan, 13 növ sestoddan, 1 növ akantosefaldan və
29 növ də nematoddan ibarətdir. Trematodların tərkibində Plagiorchidae,
Notocotilidae fəsilələrinin hərəsi 2 növlə, Echinostomatidae - 1 növlə,
sestodlardan Hymenolepididae – 3 növlə, Anoplocephalidae və Catenotae-
nidae isə hərəsi 2 növlə, nematodlardan Trichocephalidae 4 növlə,
Capillaridae, Strongyloidae, Filaroidae və Gongylonematidae fəsilələri hər
biri 2 növlə, Oxyuridae, Syphaciidae və Fisalopteridae isə hər biri 1 növlə
təmsil olunmuşlar. Gəmiricilərin helmint faunasının tərkibində qeyd olunan
trematodlardan Planorbidae, Notocotylidae və Echistomatidae fəsilələrinə
daxil olan növlərin inkişaf dövriyyəsinin başa çatmasında aralıq sahib
qismində şirin su ilbizləri (sonuncunun inkişaf dövriyyəsində həm də
çömçəquyruqlar iştirak edir) və həşəratlar iştirak edirlər. Gəmiricilər
müxtəlif su hövzələrində qidalanan zaman trematod sürfələri ilə yoluxmuş
həmin onurğasızları da udur və yoluxma baş verir. Sestodlardan
Anoplocephalidae fəsiləsinə daxil olan növlərin inkişaf dövriyyəsinin başa
çatması həşəratların və oribatid gənələrinin, Catenotaeniidae fəsilələrinə
daxil olan növlərin inkişaf dövriyyəsi oribatid gənələrinin, Hyme-
nolepididae
fəsiləsinə
daxil
olan
növlərin və nematodlardan
Gongylonematidae fəsilələrinə daxil olan növlərin inkişaf dövriyyəsi isə
müxtəlif növ həşəratların (böcəklər, tarakanlar və s.) iştirakı ilə başa çatır.
Gəmiricilər müxtəlif biotoplarda qidalanan zaman yemlə birlikdə sestod
yumurtaları ilə yoluxmuş həmin buğumayaqlıları da udur və bu zaman
yoluxma baş verir. Gəmiricilərin helmint faunasının tərkibində qeyd edilən
Taeniidae fəsiləsinə daxil olan növlərin inkişaf dövriyyəsinin başa
çatmasında digər heyvan növləri ilə yanaşı həm də gəmiricilər aralıq sahib
qismində, Mesosestoididae fəsiləsindən M.lineatus növünün inkişaf
dövriyyəsinin başa çatmasında gəmiricilər də digər heyvan və quş növləri
ilə yanaşı əlavə sahib qismində iştirak edirlər. Akantosefallardan
Moniliformidae
fəsiləsindən
M.moniliformis
növününün inkişaf
dövriyyəsinin başa çatmasında gəmiricilər rezervuar sahib qismində iştirak