149
Qafqazın yerli əhalisi və bu regiona miqrant kimi gəlmiş başqa etnoslarla qarşılıqlı
münasibəti məsələləri böyük maraq doğurur.
Cənubi Qafqaz almanlarının tarixşünaslığında alman kolonistlərinin yerli
xalqlarla qarşılıqlı münasibəti məsələlərinə səthi şəkildə toxunulmuş, bu
münasibətlərin dərin hərtərəfli təhlili verilməmişdir. Bu günə qədər baxdığımız
məsələyə həsr olunmuş heç bir xüsusi tədqiqat işi yazılmamışdır.
Qeyd etmək lazımdır ki, Cənubi Qafqaz xalqları ilə alman kolonistləri
arasında münasibətlərə dair fraqmentar məlumatlar ilk olaraq XVIII əsrin sonu —
XIX əsrin əvvəlləri Qafqaza səyahət etmiş alman mənşəli alimlərin əsərlərində
əks olunmuşdur. S.Q.Qmelin, İ.A.Güldenstedt, G.Y.Klaprot Qafqaza səyahət
edərək bu region haqqında iqtisadi, mədəni, etnoqrafik material toplamış,
Qafqazın etnik xəritəsi barədə qiymətli qeydlər aparmışlar.
71
Kolonistlərin xatirə
xarakterli əsərlərində, oçerklərində, müxtəlif epistolyar materiallarında Qafqaz
xalqları ilə alman kolonistlərinin qarşılıqlı münasibəti haqqında çox dəyərli
məlumatlara rast gəlinir. Ancaq bütün bu adı çəkilən mənbələrdə Cənubi Qafqaz
əhalisinə onun mədəniyyətinə bir qədər subyektiv yanaşma nəzərə çarpır ki, bu da
bizim fikrimizcə, almanlarda və ümumən Avropa xalqlarında Şərq haqqında,
burada yaşayan xalqlar haqqında formalaşan stereotiplərlə bağlıdır.
Çar Rusiyası dövründə yazılan əsərlərdə də Qafqaz xalqları və eləcə də
almanlar haqqında mənfi, bəzən təhqiredici rəylərə rast gəlirik. Bu baxımdan
«Qafqaz» qəzetində çap edilən məqalələr daha səciyyəvidir.
Alman kolonistləri ilə yerli Qafqaz xalqlarının qarşılıqlı münasibəti
haqqında «Qafqaz» qəzetində dərc olunan P.Dzyubenkonun məqaləsi, xüsusən
diqqətəlayiqdir.
72
Müəllif tatarların (azərbaycanlıların) və ermənilərin alman
kolonistlərinə mənfi münasibətindən yazır və məqalədən belə nəticə çıxarmaq olar
ki, bu cür münasibətin formalaşmasında yerli əhaliyə nisbətən, kolonistlər üçün
daha əlverişli
iqtisadi şəraitin yaradılması ilə yanaşı, həm də almanların milli
mentalitetindən irəli gələn amillərin böyük rolu vardır. P.Dzyubenko almanların
ifrat amansızlığından yazaraq vurğulayır ki, alman kolonisti «bir salxım üzümə
görə adam öldürə bilər. 46-cı draqun alayının əsgəri məhz belə öldürülmüşdür,
varlı alman Forer isə Yelenendorf koloniyasında tatarı (azərbaycanlını—İ.A.) qətlə
yetirmişdi. Bizim almanımız ifrat dərəcədə kobuddur, qapalıdır və ətraf əhali
arasında hörmət sahibi deyil».
73
Bu mənada almanların və duxoborların yerli əhali
ilə daha yaxşı münasibətdə olduğunu vurğulayan müəllif, Yermolovun tatarların
almanlara nifrət etməsi haqqında 1826-cı ildə söylədikləri ilə həmrəyliyini
bildirərək qeyd edir ki, yerli əhalinin almanlara düşmən münasibətinin səbəbi
onların kolonistlər tərəfindən istismar olunması, eyni zamanda kolonistlərin
müxtəlif mükəlləfiyyətlərdən azad edilməsi idi.
XIX əsrin 90-cı illərində Rusiya ictimai fikrində Qafqazda aparılan daxili
siyasətin mahiyyəti müzakirə obyektinə çevrilir. Bir çox publisistlər, tarixçilər və
sair
ziyalı
təbəqəsinin
nümayəndələri
Qafqazda
xarici
miqrantların
150
yerləşdirilməsinin, əsasən də alman və erməni mənşəli mühacirlərin
yerləşdirilməsinin səhv addım olduğunu söyləyirlər. Onların fikrincə, Qafqazda rus
əhalisinin yerləşdirilməsi dövlət siyasəti nöqteyi-nəzərindən daha məqsədəuyğun
olardı. Yerli mətbuat, əsasən Osmanlı imperiyası və İrandan ermənilərin Cənubi
Qafqaza köçürülməsini, onların sayının bu regionda artmasını dövlət maraqları
üçün gələcəkdə təhlükə yarada biləcək amil kimi qiymətləndirirdi. Məsələn,
«Qafqaz» qəzeti 1894-cü ildə yazırdı ki, rus elementi Qafqazda zəif olduğu üçün
Rusiyanın burada yaşayan əhaliyə təsiretmə imkanları məhduddur. Qeyd olunurdu
ki, İrəvan quberniyasında 4 min rus yaşadığı halda, ermənilərin sayı artıq 40 mini
keçib, hansılar ki, burada aborigen əhali deyil, 1850-ci illərdə Osmanlı
imperiyasından köçüb gəlmişlər. Qəzet Qafqaza rus əhalisinin köçürülməsini
məqsədəuyğun sayırdı, çünki «rus kəndliləri ermənilərdən əməksevər və
mədənidirlər».
74
1896—1899-cu illərdə «Qafqaz» qəzetinin redaktoru olmuş V.L.Veliçko da
almanlar haqqında mənfi fikrini açıqlayaraq yazırdı ki, «almanların köçürülməsi
(Qafqaza – İ.A.) hökumətin ümidlərini doğrultmadı. Belə ki, alman koloniyaları
xəzinənin və yerli əhalinin hesabına varlansa da, sonuncular üçün yaxşı heç nə
gətirmədilər, əksinə, onları öz nökərlərinə çevirdilər.»
75
V.L.Veliçkonun fikri o fakta əsaslanırdı ki, XIX əsrin II yarısında alman
kolonistlərinin təsərrüfatlarında geniş şəkildə muzdlu əməyindən istifadə olunurdu.
Elə kolonist təsərrüfatları var idi ki, onlar yalnız muzdlu işçilərin hesabına mövcud
idi. Muzdlu işçilər müxtəlif xalqlardan olurdular: onların arasında azərbaycanlılar,
gürcülər, ermənilər, aysorlar, kürdlər, farslar, ruslara və s. rast gəlmək olardı. Ev
təsərrüfatı işlərini yerinə yetirmək üçün kolonistlər daha çox azərbaycanlıların
əməyindən istifadə edirdilər. Torpaq və bağlarda qulluq məqsədilə kolonistlər
müvəqqəti muzdlu işçi qüvvəsindən istifadə edirdilər ki, onlar, əsasən koloniyada
almanlarla birgə yaşayırdılar.
Kolonistlərlə muzdlu işçilər arasında işçi münasibətləri mövcud idi. Şəxsi
dostluq və yaxud qarşılıqlı bağlılıq haqqında söhbət belə gedə bilməzdi. Hətta
bəzi kolonistlər muzdlu işçilərlə özlərini çox amansızcasına aparırdılar. Məsələn,
«Qafqaz» qəzeti 1880-ci il 219 saylı nömrəsində iki azərbaycanlının alman
tərəfindən muzdlu işə götürülməsindən və onların almanlar tərəfindən aldadılaraq
razılaşmadan əlavə istismar olunması faktından yazırdı.
76
Qəzetin yazdığına görə,
öz haqlarını tələb edən azərbaycanlı işçilərə qarşı kolonistlər fiziki təzyiq
göstərmiş, onlara işgəncə verərək müxtəlif bədən xəsarətləri yetirmişlər.
Alman kolonistlərinin törətdiyi bu qanunsuzluq haqqında, hətta Sankt-
Peterburqda nəşr edilən «Nedelya» qəzeti də məlumat vermişdi.
77
Ayrı-ayrı alman sahibkarların muzdlu və xüsusən də müsəlman dininə aid
işçilərlə qeyri-bərabər davranışı çar hökumətinin apardığı milli siyasətin nəticəsi
idi. Məsələn, 1857-ci ildə qəbul olunmuş «Rusiya imperiyasındakı xarici
koloniyalar haqqında Nizamnamə»yə nəzər salsaq, görərik ki, burada kolonistlərin
Dostları ilə paylaş: |