35
V
AZƏRBAYCANIN BOLŞEVİKLƏRƏ
QARŞI MÜBARİZƏSİ, BOLŞEVİK VƏ ERMƏNİ HÜCUMLARI
Bolşeviklərə qarşı mübarizə
Bakının
Azərbaycan
üçün
əhəmiyyətini
əsaslandırdıqdan
sonra
Cümhuriyyətin bu şəhəri bolşeviklərdən xilas etmək üçün əl atdığı ciddi və
təxirasalınmaz tədbirlərə keçək.
Bakıda meydana çıxan bolşevik hərəkatı Rusiya bolşevizminin bir qolu idi.
Bakıda bolşeviklər öz sıralarında əsas etibarı
ilə rus fəhlələrini, qulluqçularını,
əsgərləri və dənizçiləri birləşdirirdi. Lakin ruslardan təşkil olunmuş bütün bu
qüvvələrə gürcülər və ermənilər rəhbərlik edirdi.
Oktyabr hərəkatına qədər bu hərəkatın elə bir təsir gücü yox idi, ancaq Lenin
və silahdaşları Rusiya paytaxtının ağası olduqdan sonra Bakı bolşevikləri də onların
timsalında özlərinə arxa tapdılar. Onlar hammı, xüsusən də ordudan qayıtmış əsgərləri
öz sıralarına cəlb etməyə çalışırdılar. Bu, rus ordusunda tam nizamsızlıq və
anarxiyanın başladığı dövrə təsadüf edir. Tiflis və Bakının bolşevik təşkilatları
Qafqaz və İran cəbhəsindən tərxis olunan əsgər kütlələrindən öz sıralarını artırmaq
üçün hər vasitə ilə istifadə cdirdilər.
Onlar silahları ələ keçirir, yerli sakinləri soyub-talayır, gücləri çatan hər şeyi
daşıyıb aparırdılar.
Beləliklə, qısa müddət ərzində Bakı bolşevikləri çoxlu silah,
patron, pulemyot, zirehli maşın, minik maşını, təyyarə, hərbi gəmi ələ keçirdilər. O
zamanlar Rusiyada olduğu kimi, Transqafqazda da tam özbaşınalıq və anarxiya hökm
sürürdü. Cəbhədən dönən əsgərlər heç bir hakimiyyət tanımır, yalnız
bolşevik
təbliğatı üçün işləyirdilər. Bir çox bölgələrdə yerli əhali ilə əsgərlər arasındada qanlı
toqquşmalar olmuşdu. Dəmiryolları fəaliyyətsiz dayanmışdı. Ərzaq qıtlığı günü-
gündən daha kəskin şəkildə hiss olunmağa başlayırdı.
Kiçik bir qrup təşkil edən müsəlman əsgərlər bir neçə düjin tüfəngi Bakıdan
Lənkərana aparmaq istədikdə bolşeviklər həmin silahları onların əlindən almaq əmri
verdilər. Müsəlmanlar bu əmrə tabe olmadıqda bolşeviklər tüfəng atəşləri ilə
kifayətlənməyib onları pulemyot atəşinə tutdular.
Hər iki tərəfdən ölənlər və
yaralananlar oldu.
Bu hadisədən sonra müsəlmanlar bolşeviklərin necə dəhşətli bir düşmən
olduğunu daha aydın başa düşdülər. Onlar həyəcanlanmağa
və narahat olmağa
başladılar. Təzəpir məscidinin həyətində keçirilən mitinqin qətnaməsində bolşeviklər
tərəfindən zorla müsadirə edilən silahların geri qaytarılması onlardan tələb olundu.
Bolşeviklər silahları qaytaracaqlarına söz versələr də, artıq
bütün şəhərin ayağa
qalxdığını hiss edirdilər. Ona görə də 1918-ci il martın 17-də (rəqəmlər köhnə
təqvimlə
göstərilmişdir, yeni təqvimlə martın 29-da - tərc.) axşama yaxın hər iki
36
tərəfdən atəş başlandı. Ertəsi gün (martın 18-də) səhər tezdən hərbçilərin topları öz
lülələrini şəhərin müsəlman məhəlləsinə tərəf tuşladı. Onlar hətta məscidlərə də fərq
qoymurdular. Bakıda dəhşətli vətəndaş müharibəsi başlanmışdı.
Həmin müharibə
dörd gün (18-22 mart) davam etdi. Bütün bu günlər ərzində şəhərin müsəlman
əhalisini
bombardman edir, güllələyir, diri-diri yandırırdılar.
Dostları ilə paylaş: