47
obturasiyası və xolestatik sarılığın inkişafı ilə nəticələn xolestatik pozğunluqlara
gətirib çıxarır. Preparat qara ciyərdəki fermentativ prosesləri sürətləndirir və
qlukokortikoidlərin, esterogenlərin, antikoaqulyantların, vena daxilinə yeridilən
kontrast maddələrin və bir sıra antiretrovirus preparatların inaktivləşməsini
tezləşdirir. Rifampisin və izoniazidin birlikdə istifadəsi sonuncunun asetilləşməsini
sürətləndirməklə hepatotoksiki reaksiyanın inkişafı riskini artırır.
Qara ciyər funksiyasının pozulmasını əks etdirən klinki simptomlara 3 əsas
sindrom aidir;
-
qara ciyərin böyüməsi sindromu- qara ciyər ölçülərinin, kənarının sərtliyinin
artması;
-
ürəkbulanma, qusma, qıcqırma, bağırsaq diskineziyası ilə müsayiət olunan
dispeptik sindrom;
-
palpasiyada sağ qabırğaaltı nahiyənin ağrılı olması, frenikus və digər
simptomların müsbət olması ilə xarakterizə olunan ağrı sindromu.
Kliniki simptomlarla yanaşı və ya daha erkən biokimyəvi göstəricilərin
dəyişməsi də qeyd edilir ki, bunlara:
-
vərəm əleyhinə preparatların hepotositlərə toksiki təsirinin nəticəsində qanda
alanin və aspartattransaminaza, laktatdehidrogenaza, timol sınağının artması ilə
xarakterizə edilən sitolitik sindrom;
-
lipoproteidlər, xolesterin, qammaqlutamintranspeptidaza, qələvifosfataza,
bilirubinin səviyyəsinin arması ilə müşaiət olunan xolestatik sindrom aiddir.
Xolestatik sindrom çox zaman sitolitik sindrom ilə yanaşı inkişaf edir.
Medikomentoz hepatit və xolestatik sarılıq zamanı qara ciyərdə baş verən ağır
zədələnmə xolestatik sindrom şəkilində özünü biruzə verir.
Vərəm əleyhinə preparatların yaratdığı hepatotoksiki təsir nəticəsində
biokimyəvi dəyişikliklər morfoloji dəyişikliklərə uyğun olur. Kəskin medikomentoz
hepatiti olan xəstələrin qara ciyərinin bioptatında qan damarlarının keçiriliciyinin
artmasına, mərkəzi venaların genişlənməsinə , hepotositlərin atrofiyasına və nekroza
uğramasına, qansızma sahələrinə rast gəlinir. İltihabı reaksiyalar limfoid, makrofaq
və eozinofillərdən ibarət incə infiltratin əmələ gəlməsi ilə xarakterizə olunur.
İnfiltratlar qara ciyər paycıqlarının mərkəzi və periportal traktında yaranır. Periportal
traktda limfomakrofaqal reaksiya zəif ifadələnmiş olur. Xəstələrin yarısında
hüceyrədaxili xolestaz müşahidə edilir.
Qaraciyərin transplantasiyası imkanları olmadığı halda qaraciyər çatışmazlığı
ölümə səbəb ola bilər. Vərəm özü də hepatitin yaranmasına səbəb ola bilər. Belə ki,
miliar formada bu daha çox müşahidə olunur. Yaşlı insanlarda, qadınlarda, qida
48
mənimsəməsi pozulmuş insanlarda, İİV-ə yoluxmuşlarda və əvvəldən qaraciyər
xəstəliyi olmuş insanlarda qaraciyərin zədələnməsi riski daha yüksəkdir.
Spesifik dərmanlarla müalicə zamanı qaraciyərin müntəzəm yoxlanılması
tələb olunur. Müalicənin ilk aylarında qan zərdabında cüzi və keçici transaminaza
artımını müşahidə etmək olar. Kliniki əhəmiyyət kəsb edən hepatitlərin diaqnozu
transaminazanın və ya birbaşa bilirubinin artması ilə təsdiqlənir. Müalicə zamanı
transminazanın cuzi artması yolveriləndir. Adətən, müalicə transaminzanın səviyyəsi
normadan 3-4 dəfə artandan sonra dayandırılır. Transaminazanın səviyyəsi
normadan 5-10 dəfə artıqda Spesifik dərmanların qəbulu dərhal dayandırılır və xəstə
tələb olunduqda xəstəxanaya göndərilir. Transaminazanın 10 dəfədən çox artması
nadir hallarda baş verir. Belə hallarda ölüm səviyyəsi yüksəkələrək 2-3% təşkil edir.
Qaraciyərin kəskin çatışmazlığı zamanı isə letallıq səviyyəsi 90%-dən çoxdur. Klinik
təzahürlü hepatit diaqnozu təsdiq edildikdən sonra Spesifik dərmanların və digər
hepatotoksik dərmanların qəbulu dərhal dayandırılmalı, hepatitin əmələ gəlməsinin
digər səbəbləri aydınlaşdırılmalıdır.
Transaminazaların səviyyəsi normallaşdqdan sonra spesifik terapiya bərpa
olunmalıdır. Bu halda hər 3-4 gündən bir yeni dərman əlavə olunur və hər yeni
preparatın əlavəsindən əvvəl transaminazanın səviyyəsi yoxlanılır. Hepatitə səbəb
olduğu ehtimal olunan preparat dayandırıla bilər. Bu halda onu daha az hepatotoksik
dərmanlarla əvəz etməyə çalışmaq lazımdır. Müalicəni yenidən başlayarkən hepatitə
səbəb olan preparatları ən son təyin etmək lazımdır. Hepatitə səbəb olan preparat
xəstənin müalicəsində mühüm əhəmiyyət kəsb etdiyi zaman onu aşağı dozalarda
təyin etmək olar.
Medikamentoz hepatitin kliniki təzahürləri zamanı ilk növbədə standart
hepatopretektorlar təyin edilir. Xəstənin vəziyyətinin ağırlıq dərəcəsidən asılı olaraq
müxtəlif prepartlardan istifadə edilir.
Ən effektli hepatoprotektor essensialı hesab edilir. Bu hepatoprotektorun vena
daxili və per os qəbulunu növbələşdirmək və ya yanaşı təyini mümkündür. Karsil
hepatositlərin strukturunu yaxşılaşdırır, qara ciyər toxumasını regenrasiya edir.
Müasir dövrdə yüksək effektli təsirə malik hepatoprotektor reamberin və
remaksol sayılır. Reamberin antihipoksik və antioksidant təsirə malik olub sərbəst
radikalllrın yaranmasını ləngidir, hüceyrələrin energetik potensialını bərpa etməklə
aerob proseslərə müsbət təsir göstərir. Remaksol həmçinin hepatotprop preparat olub
hepatosidlərin enerji təminatını yaxşılaşdırır, bu hüceyrələrin membranında lipidlərin
oksidləşməsi prosesini davamlı edir, antioksidant müdafiə funksiyası daşıyan
fermentlərin aktivliyini bərpa edir.