5
dərmanların verilməsi dayandırılmalı, göstərilən reaksiyalar əleyhinə müalicə
tədbirləri aparılmalı, əsaslandırılmış şəkildə digər antibakterial dərmanlarla əvəz
olunmalıdır. Stasionar və ambulator şəraitində dərmanlar gündəlik, nəzarət altında
qəbul edilməlidir. Müalicəni xəstəliyin erkən başlanan mərhələlərində aparmaq
lazımdır. Bu zaman müalicə effektliyi yüksək olur. Şübhəsiz, gecikmiş formada aşkar
edilmiş xəstələrə uzun müddət müalicə tələb olunur. Belə xəstələrin müalicəsində
yüksək effektlik əldə etmək üçün cərrahi müdaxilədən istifadə edilməlidir. Müalicə
üçün hər xəstənin fərdi xüsusiyyətləri nəzərə alınmalı və müalicə etaplı şəkildə
ambulator, stasionar, sanator planlaşdırılmalıdır. Müalicə kompleks şəkildə
aparılmalıdır. Kompleks müalicənin əsasını spesifik antibakterial dərmanlar təşkil
etməklə yanaşı müalicə prosesində ikinci yeri patogenetik dərmanlar təşkil etməlidir.
Birinci sıra dərmanlar
İzoniazid (H) HİNT - (hidrozid izonikatin turşusu) qrupuna aiddir. Vərəm
mikobakteriyalarının artmasına güclü bakteriosid təsir göstərir. Preparat 100,
300 mq-lıq tabletlər şəklində buraxılır. Gündəlik qəbulu hər kiloqram çəkiyə 5 mq
hesabı ilə gün ərzində 600 mq, fasiləli qəbul zamanı isə 10 mq/kq hesabı ilə həftədə
üç dəfə qəbul etməklə işlədilir. Preparat 10 %-li 5- ml vena daxilinə də işlədilə bilər.
Müalicə kursunun müddəti məhdudlaşmır. Əzələ daxilinə izoniazidin 10% məhlulu
vərəmin bütün hallarında, xüsusilə də mədə-bağırsaq sistemində xəstəliklər olarkən,
habelə xəstə dərman müalicəsindən yayınarkən məsələhət görülür. Adətən vena
daxilinə damcı üsulu ilə yeridilir (0,2% məhlul izoniazid 10-15 mq/kq). İzoniazid
inhalyasiya şəklində, endolümbal (2,5 mq/kq qədər), plevra daxilinə, kaverna daxilinə
və qarın boşluğuna yeridilə bilər. Kaverna daxilinə yeridilərkən quru maddə yeridilir,
çünki preparatın ekspozisiyasının minimal müddəti 1,5 saatdan az olmamalıdır.
İzoniazid mədə-bağırsaq yollarından yaxşı sorulur, toxumalara keçir. Qanda
maksimal konsentrasiyası qəbuldan 2 saat sonra müşahidə olunur, tədricən İzoniazid
bütün fizioloji mayelərə daxil ola bilir (plevral, assitik mayeyə və s.). Bu mayelərdə
izoniazidin konsentrasiyası qanın plazmasındakının 1/3-ni təşkil edir. Bununla belə,
meningit zamanı preparatın keçiriciliyi 2 dəfə artır. İzoniazidin qanda
konsentrasiyasını qanın bakteriostatik aktivliyinin qiymətləndirilməsi vasitəsilə
müəyyənləşdirınək olar. HİNT preparatları böyrəklər tərəfindən 24 saat ərzində
qeyri - aktiv metobolitlər kimi xaric olunurlar (qəbul olunmuş dozanın 50-75%
hissəsi). Mikobakteriyaların izoniazidə həssaslığı müşahidə olunduqda preparat digər
spesifik dərmanlarla kombinasiya şəklində müalicənin hər iki etapında (intensiv və
davamedici) tətbiq edilir. Bu preparat yalnız mikobakteriyalara qarşı yüksək
bakteriosid aktivliyə malikdir. İzoniazid birinci sıra preparatlara aid olduğundan və
vərəm xəstələrinin müalicəsində daha çox istifadə olunduğundan bu preparatların
6
toksiki təsiri geniş öyrənilmişdir. İzoniazid orqanizimdə hidroliz və asetilləşmə yolu
ilə inaktivləşir. Hidrolizə uğrayaraq preparat böyrəklər vasitəsi ilə xaric edilir.
Asetiləşmə prosesi qara ciyərdə baş verir. Hepotositlərdə qlutamin azaldıqda
monoasetilhidrozin toplanır və özünün toksiki təsirini göstərir. İzoniazidi vena
daxilinə yeridərkən, preparat xəstəlik ocağına onun qaraciyərdə asetilləşməsindən
əvvəl çatır, bu da böyük kliniki effekt verir. Preparatın vena daxili yeridilməsi
izoniazidin inaktivləşməsində asetilləşmənin payını artırır, bu da preparatın qara
ciyərə toksiki təsirini gücləndirir.
HİNT-in standart dozaları zəif asetilləşmə prosesi olan şəxslərdə bir sıra
hallarda periferik nevropatiya yaradır. Belə ki, preparat piridoksin metabolizminə
təsir göstərir. Beləliklə, praktiki olaraq yaxşı olar ki, izoniazid qəbul edən bütün
xəstələrə asetilləşmə tiplərinin müəyyən olunmasına çalışmaqdansa, yüksək dozada
piridoksin təyin olunsun.
İzoniazid yeganə preparatdır ki, onu birincili və ikincili kimyəvi profilaktikada
vərəmə yoluxmuşlara və vərəmli xəstələrlə kontaktda olan insanlara başqa
preparatların iştirakı olmadan sutkada 5 mq/kq dozada təyin edirlər. Avropa
ölkələrində kimyəvi profilaktika məqsədilə izoniazid rifampisinlə kombinasiyada və
yaxud da davamlılığı olmayan preparatlardan biri ilə aparılır.
İzoniazidin fəsadları yaxşı öyrənilmişdir və bunları bilmək çox vacibdir. Sinir
sisteminə xüsusi aqressiv təsir göstərən vərəm əleyhinə dərmanlardan ən əsası
izoniazidi göstərmək olar. HİNT preparatlarının dozasının artırılması, izoniazidin
düzgün dozalanmaması mərkəzi və periferik sinir sisteminin toksiki zədələnməsinə
səbəb olur (periferik nevropatiya, toksiki ensefalopatiya, zəhərlənmə halları.
ürəkbulanma, görmə sinirinin nevriti, nitqin, tənəffüsün pozulması, stupor, koma və
çətinliklə aradan qaldırıla bilən əzələ qıcolmaları və yayılmış qıcolmalar,
intoksikasion psixoz, hissiyatın pozulması, dəridə səpkilər, ginekomastiya və s.).
İzoniazidin vena daxili təyini, xüsusilə də böyük dozaların yeridilməsi 51 %-ə qədər
fəsadları artıra bilir və sinir sistemi və ürək-damar sistemi reaksiyalarının artmasına
səbəb olur. Ürək-qan damar sisteminə əsasən HİNT preparatları, xüsusən izoniazid
toksiki təsir göstərir. Kliniki olaraq bu özünü ürək nahiyyəsində ağrılar, arterial
təzyiqin yüksəlməsi, taxikardiya, EKQ-da miokardda distrofik dəyişikliklər kimi
büruzə verir. Birbaşa olaraq vərəm əleyhinə preparatların ürəyə təsiri haqqında
məlumatlar yoxdur. Lakin, məlumdur ki, bu preparatlar artıq yaranmış ürək
patologiyasını dərinləşdirə bilir. Belə ki, kardiotoksiki reaksiyalar xəstələrin 15%
hissəsində müşahidə olunur. Əgər vaxtında reanimasiya işləri görülməsə, xəstə ölə
bilər. Belə hallarda tənəffüsə nəzarət etməli və ehtiyac olarsa, xəstənin ağciyərlərini
xüsusi ventilyasiyaya keçirmək lazımdır. Qıcolmaları aradan qaldırmaq üçün vena