Uşaqlar problemin həllinə çalışırlar. Müəllim isə imkandan istifadə edərək
Venn diaqramını yazı taxtasına da çəkir.
Məlumatın mübadiləsi
Şagirdlər onlara təqdim olunmuş cümlələri və “açar” sualları birlikdə oxuyur,
fikir mübadiləsi edir, bir-birinin dəlil və sübutlarını dinləyirlər. Ümumi rəyə
gələrək Venn diaqramını işləyirlər. Sinfə veriləcək informasiyanı dəqiqləşdirirlər.
İnformasiyanı təqdim edəcək şəxsi seçirlər. Tədqiqat işi başa çatandan sonra
qruplar öz liderləri vasitəsi ilə məlumatı təşkil edib müəllimə və bütün sinfə təqdim
edirlər. Onlar öz fikirlərini yazı taxtasında çəkilmiş Venn diaqramına yazırlar.
Məlumatın müzakirəsi
Bütün qrupların rəy və fikirləri dinlənilir. Müzakirələr aparılır. Bu işdə
bütün sinif iştirak edir. Qarşılıqlı dialoqla yanlış cavablar sıradan çıxarılır. Düzgün
cavablar əsaslandırılır.
Ümumiləşdirmə və nəticəçıxarma
Müəllimin köməyi ilə düzgün cavablar ümumiləşdirilir. Nəticə kimi Venn
diaqramının son variantı meydana çıxır:
Müəllim 2-ci cümlənin qarşılaşdırma budaq cümləsi olduğunu söyləyir və
onun mahiyyəti barədə məlumat verir.
Müəllim daha sonra qarşılaşdırma budaq cümləsinin quruluşu və qrammatik
xüsusiyyətlərinin aydınlaşdırılması üçün uşaqların diqqətini vatman kağızına
Tabesiz
mürəkkəb
cümlə
Tabeli
mürəkkəb
cümlə
1
. Sinonimlik təşkil edirlər.
2. Quruluşca mürəkkəb
cümlələrdir.
3. Hər iki cümlənin tərəfləri
arasında qarşılaşdırma əlaqəsi
mövcuddur.
cümlə
çəkilmiş sxemlərə cəlb edir. Sxemlərə əsasən qarşılaşdırma budaq cümlələrini baş
cümləyə bağlayan vasitələri müəyyən etməyi və nümunələr söyləməyi tapşırır.
(bunu üçün bütün siniflə iş forması seçilir).
Budaq cümlə əvvəl gəlir və baş cümləyə “nə qədər” bağlayıcı sözü, -sa (-sə)
şəkilçisi və da (də), belə ədatları ilə bağlanır. Məs.:
1. Bunların suyu nə qədər sərin ola da, bizim bulaqlara çatmaz.
2. O (nə qədər) çalışsa belə, bu işi bacarmaz. (“nə qədər” işlənməyə də bilər)
2. Hərçənd (hərçənd ki – düzdür, doğrudur) -------
---------- ----------- ---------- -----------------,
amma (ancaq, lakin) -----------
----------- ----------.
Budaq cümlə baş cümləyə hərçənd, hərçənd ki (düzdür, doğrudur) sözləri ilə
bağlanır, baş cümlənin əvvəlində amma, ancaq, lakin qarşılaşdırma
bağlayıcılarından biri işlənir. Məs.:
1. Hərçənd (düzdür) sifəti arıq görünürdü, amma bədəncə dolu adam idi.
2. Doğrudur, (hərçənd) Aslan uşaq idi, lakin o hər işin öhdəsindən gələ bilirdi.
Sonra müəllim diqqəti şərt budaq cümləsi ilə qarşılaşdırma budaq cümləsinin
fərqinə cəlb edir.
1. Kəndə gəlmək istəsən, mənə mütləq xəbər elə.
2. Məktub onu sarsıtsa da, cavab yazmağı lazım bilmədi.
O bildirir ki:
Şərt budaq cümləsində şərt məzmunu olur, qarşılaşdırma budaq cümləsində
isə şərt məzmunu olmur.
Şərt budaq cümləsi sadələşmir, qarşılaşdırma budaq cümləsi isə
xüsusiləşmiş zərfliklərin köməyi ilə sadələşə bilir.
İzah nümunələrin müqayisəsi əsasında aparılır. Mövcud nümunələr əsasında
qarşılaşdırma budaq cümləsində durğu işarələrinin işlənməsi barədə də məlumat
verilir.
Yaradıcı tətbiqetmə
1. ---- ---- (nə qədər) ---- sa (sə) da (də) (belə),
-------- ------- ------ .
Bütün sinfə müxtəlif variantda test çalışmaları verilir. Düşünmə mərhələsinin
başlandığı bu mərhələdə şagirdlər əldə etdikləri bilikləri tətbiq edirlər.
Qiymətləndirmə və refleksiya
Test çalışmaları şablon üsulunun tətbiqi ilə qısa zaman ərzində yoxlanılır.
Beləliklə, mövzunun şagirdlər tərəfindən dərs prosesində mənimsənilmə
səviyyəsinin müəyyən edilməsi, şagirdlərin bütünlüklə qiymətləndirilməsi üçün
imkan yaranır. Biliklər şəraitə uyğun olaraq ya qrup, ya da fərdi şəkildə
qiymətləndiriıir.
Başa çatmış prosesin şüurda inikası – refleksiya üçün aşağıdakı kimi
suallardan istifadə edilir:
1. Biz nəyi öyrənirik?
2. Qarşılaşdırma budaq cümləsi baş cümləyə hansı vasitələrlə bağlanır?
3. Belə cümlələr sadələşə bilərmi? və s.
Sonda müəllim şagirdlərə dərs haqqında öz təəssüratlarını (esse) yazmağı
tapşırır. (Dərs necə keçdi, sizin xoşunuza gəldimi? Siz bu dərsdə öz
fəaliyyətinizdən razı qaldınızmı? Nə təklifiniz var?)
Vərəqlərin yığılması və ev tapşırıqlarının verilməsi ilə dərs yekunlaşır.
X sinif
Standart: 4.1.1., 4.1.2.
Mövzu: Müasir Azərbaycan ədəbi dilinin normaları.
Məqsədlər:
Müasir Azərbaycan ədəbi dilinnin normalarını fərqləndirir.
İnteqrasiya: Az-t. 1.2.2., 1.2.4.
İş forması: kollektiv və fərdi
İş üsulu: beyin həmləsi, mühazirə, müzakirə
Resurs: dərslik, iş vərəqləri.
Dərsin gedişi
Motivasiya.
Proyektorda mətn təqdim olunur. Şagirdlərə səhv yazılmış və düzgün
yerində işlənməyən sözləri tapmaq tapşırılır. Mətndəki səhv yazılmış, yersiş
işlənmiş sözlər, yerində işlənməyən cümlə üzvləri tapılır və yeni dərsin adı
müəyyənləşdirirlir.
Tədqiqat sualı:
1.Ədəbi dilin normaları hansılardır?
2.Fonetik, leksik və qrammatik normanın xüsusiyyətləri nədən ibarətdir?
Tədqiqatın aparılması.
Müəllim tədqiqat aparmaq məqsədilə şagirdlərə fərdi şəkildə paylayıcı
materiallar verir və mətndəki orfoqrafiq səhvləri, yerində və məqamında
işlədilməmiş sözləri, qrammatik səhvləri - söz birləşmələri və cümlə üzvləri
arasındakı sintaktik əlaqələrin pozulması hallarını, eyni zamanda inversiyanı
tapmağı tapşırır. Tədqiqat işi fərdi şəkildə keçirilir.
Məlumatın mübadiləsi
Şagirdlər əldə etdikləri nəticələri oxuyur.
Məlumatın müzakirəsi
Müzakirələr aparılır. Bu işdə bütün sinif kollektiv iştirak edir, yanlış fikirlərə
düzəlişlər edirlər.
Nəticə və ümumiləşdirmə
Müəllimin köməyi ilə düzgün cavablar ümumiləşdirilir və qruplaşdırılır. Nəticə
aşağıdakı şəkildə qeyd olunur.
1. Dilimiz özünün sabit ədəbi dil normalarına malik olması ilə dünyanın digər
inkişaf etmiş dillərindən geri qalmır. Azərbaycan ədəbi dilinin üç norması var:
1) fonetik normalar;
2) leksik normalar;
3) qrammatik normalar.
Dostları ilə paylaş: |