Azərbaycan respublikasi föVQƏladə hallar naziRLİYİ SƏnayedə İŞLƏRİn təHLÜKƏSİz göRÜLMƏSİ VƏ dağ MƏDƏn nəzarəTİ DÖVLƏt agentliYİ azərbaycan respublikasi əMƏYİn mühafiZƏSİ VƏ

7.12 Maye propanla qudronun asfaltsızlaşdırılması qurğuları


7.12.1 Tutuma maye propan doldurulduqda orada mayenin səviyyəsinin normadan artıq olmamasına nəzarət edilməlidir.
7.12.2 Boru kəmərlərinin birləşmələrindən propanın sızmasına yol verilməməlidir. Propan vuran nasosların hissələrinin germetikliyi (torüovıe uplotneniə) maye qaz mühitində işləmək üçün nəzərdə tutulmalıdır.
7.12.3 Propan vuran nasosu işə salmazdan əvvəl (propan sisterndən boşaldılan zaman) sisternin düzgün quraşdırılması, şlanqın və qaztutucu xəttin düzgün birləşdirilməsi yoxlanılmalıdır.
Boşaltma şlanqı saz vəziyyətdə olmalı, möhkəmliyə yoxlanılmalı və yerlə birləşdirilməlidir.
7.12.4 Nəzarət qoruyucu klapanlar işə düşən zaman axıdılan propan bağlı sistemə yönəldilməlidir.
7.12.5 Apparat yerləşən sahənin atmosferinə maye propanın qəza nəticəsində tullanışı baş verdikdə soba dərhal söndürülməli, tullanan propan yanma kamerasına və buxar pərdəsinə verilməlidir.


7.13 Tədrici kokslaşma qurğuları


7.13.1 Koks kameralarını neft məhsullarından təmizləmək və kameranın yuxarı hissəsindən koks kütləsini su ilə 90⁰ C-yə qədər soyutmaq üçün kameranın ağzının qapaqları yalnız su buxarı ilə üfürüldükdən sonra açılmalıdır.
7.13.2 Kameraların işçi meydançalarında qazlılıq aşkar olduqda koksun qazılmasına (qarışdırılmasına) icazə verilmir.
7.13.3 Koks kamerlarının lyuklarından neft məhsullarının sızmasına yol verilməmə-lidir.
7.13.4 Kameradan boşaldılan koksu koks meydançasından fasiləsiz olaraq təmizlə-mək lazımdır.


7.14 Piroliz qurğuları


7.14.1 Piroliz qurğusunun işə salınmasına yalnız hidravlik sürgü neft məhsulu ilə normal səviyyəyə qədər doldurulduqdan sonra icazə verilir.
7.14.2 Distilyat buxarlarının ilanvari piroliz borularına verməzdən əvvəl koksun yandırılması üçün verilən hava borusu bağlanmalıdır.