Azərbaycan respublikasi föVQƏladə hallar naziRLİYİ SƏnayedə İŞLƏRİn təHLÜKƏSİz göRÜLMƏSİ VƏ dağ MƏDƏn nəzarəTİ DÖVLƏt agentliYİ azərbaycan respublikasi əMƏYİn mühafiZƏSİ VƏ

8.3.21 Nasosxanalar avadanlıqların müəyyən ağır hissələrini qaldırmaq üçün yükqaldırıcı qurğularla təchiz olunmalıdır.
8.3.22 Nasosların arasındakı keçidləri materiallarla, avadanlıqlarla və ya hər hansı ləvazimatlarla doldurmağa icazə verilmir.
8.3.23 Nasosxana binalarında nasoslar və boru kəmərləri elə yerləşdirilməlidirki, onlara xidmət, təmir və baxış asan yerinə yetirilsin.
8.3.24 Nasosxanaların istismarı zamanı nasosların və boru kəmərlərinin kipliyi üçün onlara ardıcıl nəzarət qoyulmalıdır.
8.3.25 Nasosların armaturları nasosun pasportunda göstərilən şərti təzyiqə uyğun seçilməlidir.
8.3.26 İşləyən nasosdan ehtiyat nasosuna keçərkən müvafiq siyirtmələr düzgün açılmalı və nasos işə buraxılmağa hazır olmalıdır.
8.3.27 Sorucu və sıxıcı kollektorlardan ehtiyat nasoslarını açmaq üçün siyitrmələrdən istifadə etmək lazımdır.Bu məqsədlə tıxaclar quraşdırmaq qadağandır.
8.3.28 Ehtiyat nasos işə buraxılış üçün həmişə hazır olmalıdır.
8.329 Nasos işləyən zaman onu təmir etməyə icazə verilmir.
8.3.30 Nasos işləyə-işləyə onun hərəkətdə olan hissələrinin yağlama prosesinin təhlükəsiz aparılması üçün xüsusi qurğu quraşdırılmalıdır.
8.3.31 Nasosun istismarı zamanı onun çıxışındakı təzyiqi göstərən manometrin normal işləməsini təmin etmək lazımdır. Manometrsiz və ya nasaz manometrlə işləmək qadağamndır.
8.3.32 Mərkəzdənqaçma nasosunun mühərrikə qoşulma muftasında qoruyucu örtük (çəpər) olmadıqda nasosu işə salmaq və istismar etmək qadağandır.
8.3.33 Nasosların diyircəkli yastıqları sürtkü yağları ilə lazımınca yağlanmış olmalıdır. Diyircəkli yastığın qızması yolverilməzdir.
8.3.34 Nasos dayandırıldıqda kipkəclərin soyudulması üçün verilən su, kipkəcin boşluqlarından nasosun kamerasına düşməsi üçün kəsilməlidir.
8.3.35 Qabaqcadan kondensatı bayıra buraxmadan və buxar silindrlərini qızdırmadan buxar nasoslarını işə salmaq qadağandır. Bu halda nasosun atqı boru xəttində siyirtmə açıq olmalıdır.
8.3.36 Maye qazların, tezalışan maddələrin və zəhərli mayelərin vurulması üçün məhsul buraxılmadan kipkəcsiz və membranlı nasoslardan istifadə edil məsi məsləhət görülür.