111
rasiya, yaranin dərin hematoması, seroma və erkən residiv) inkişaf etmişdir. Yalnız 1
xəstədə yırtığın erkən müddətdə (1-ci həftənin sonunda) residivinin baş verməsi sel-
lüloza tərkibli sintetik torun fiksasiyasının aparılmaması hesabına meydana çıxmışdır.
Nəticədə torun miqrasiyası baş vermişdir. Bu ağırlaşmanın baş verməməsi üçün torun
ölçülərinin yırtıq qapısının ölçülərinə uyğun olmasını və onun adekvat fiksasiyasını
vacib hesab edirik.
Əməliyyatın azinvazivliyi hesabına bu xəstələrdə əməliyyatdan sonrakı ağrılar
və diskomfort hissi qısa müddətdən sonra (orta hesabla 3,4±0,9 gün – TAP və
3,2±0,6 gün - TEP) aradan qalxır və narkotik analgetiklərin istifadəsinə ehtiyac ol-
mur. Stasionarda orta müalicə müddəti (3,1±0,6 gün və 3,0±0,7 gün), və təbii ki,
stasionar müalicə xərcləri xeyli azalır.
Açıq atenzion plastika əməliyyatı keçirmiş xəstələrlə müqayisədə qapalı əməliy-
yatlardan sonra xəstələrin tibbi və sosial reabilitasiya müddətləri (2,3 dəfə və 2,5 də-
fə) qısalır və xəstələr kiçik fasilədən sonra (2,8±0,7 həftədən sonra və 2,7±0,4 həftə-
dən sonra) əmək fəaliyyətinə davam etməyə başlayırlar.
Yırtıqların istər açıq, istərsə də qapalı üsullarla plastikası zamanı sellüloza tər-
kibli tor istifadəsini məqsədəuyğun hesab edirik. Bu, həmin torun üstünlükləri ilə
əlaqədardır. Torun sellüloza ilə örtülməsi toxumalar tərəfdən qıcıqlanmanı, müvafiq
surətdə yerli eksudasiyanı aradan qaldırır, və təbii olaraq seromaların inkişafı demək
olar ki, baş vermir. Yırtıq qapısı ətrafına protezin əllə tikilməsi xeyli səmərəlidir. Bu,
həm əməliyyat xərclərini azaldır, həm də keyfiyyətli vizualizasiya şəraitində mühüm
anatomik strukturların zədələnməsi təhlükəsini aradan qaldırır.
TEP-dan sonra yalnız 1 xəstədə laparoskop üçün istifadə edilmiş troakar yara-
sının irinləməsi (5,9%), 1 xəstədə (5,9%) dərin toxumaların infiltrasiyası inkişaf et-
mişdir. Digər müəlliflərə görə TEP-dən sonra irinli ağırlaşmalar 1-7,9% hallarda rast
gəlir [51, 73, 80, 117, 145, 170, 183, 187, 207, 234, 277]
.
0,5-3 illik müşahidə müddətlərində residiv hadisəsi olmamışdır. H. Hoffman və
Traverso 204 endoskopik TEP əməliyyatından sonra 1 xəstədə 42 ay müddətində re-
sidiv meydana çıxmasını müşahidə etmişdir.
112
Videoendo(laparo)skopik atenzion plastika əməliyyatlarından sonrakı dövrün
aparılması açıq əməliyyatlardan sonrakı gedişdən xeyli fərqlənir. Əməliyyat günü 1-
2 dəfə qeyri-narkotik ağrıkəsici təyin edilir. Gənc və cavan yaşlı xəstələr əməliyyat
günü ayağa qaldırılır, əksər xəstələr (61,1% və 76,5%) elə həmin gün evə buraxılır və
onların müalicəsi poliklinika cərrahının və ya müalicə həkiminin nəzarəti altında am-
bulator şəraitdə davam etdirilir. Kök, yaşlı xəstələrə, yanaşı somatik xəstəlikləri olan
xəstələrə ilk gün qeyri-narkotik ağrıkəsicilər təyin edilir, qidalanma tövsiyə olunmur,
yalnız maye qəbuluna icazə verilir. Həmin xəstələr 1 gün sonra ayağa qaldırılır və 1-5
gün müddətlərində ambulator müalicəyə göndərilirlər.
Tədqiqat prosesində qarının ön divarının yırtıqlarına görə cərrahi əməliyyata
məruz qalmış 55 xəstənin 1-3 il müddətlərində uzaq nəticələri öyrənilmiş, təklif etdi-
yimiz anket sorğusunun cavabları əsasında bal qiymətləndirilməsi aparılmış və alın-
mış nəticələrin açıq atenzion plastika üsullarından üstün olması müəyyən edilmişdir.
Həmin nəticələr son illərin ədəbiyyat məlumatlarına xeyli yaxın olmuşdur [3, 4, 12,
18, 22, 38, 49, 52, 61, 69-72, 77, 98, 102, 104, 105, 108, 121, 123, 128, 131, 132,
149, 153, 159, 163, 168, 176, 184, 197, 210, 216, 241, 245, 258, 284].
113
NƏTİCƏLƏR
1.
Qarının ön divarının yırtıqlarına görə açıq cərrahi əməliyyatlardan sonra residiv-
vermə və cərrahi ağırlaşmalar bilavasitə cərrahi aqressiya, yetərsiz hemostaz,
toxumaların ifrat gərilməsi, əməliyyat üsulunun yalnış seçilməsi, sintetik torun
ölçülərinin yırtıq qapısna uyğunsuzluğu, torun qeyri-adekvat fiksasiyası, büzüşmə-
si və digər səbəblərlə əlaqədardır.
2.
Qarın boşluğunun yanaşı cərrahi xəstəlikləri zamanı simultan cərrahi əməliyyat-
ların yerinə yetirilməsi imkanlarının olması qarının ön divarının yırtıqlarının lapa-
roskopik transabdominal plastikası üsulunun birmənalı üstünlüklərindəndir.
3.
Qarının ön divarının birincili, residiv və əməliyyatdan sonrakı yırtıqlarının sel-
lüloza tərkibli sintetik torla laparoskopik transabdominal plastikasının yerli və
ümumi postoperasion ağırlaşmalarının tezliyi açıq atenzion plastika üsullarının
nəticələrindən müvafiq surətdə 21,3% və 25,1% aşağı olmuşdur.
4.
Qarının ön divarının birincili, residiv və əməliyyatdan sonrakı yırtıqlarının sellülo-
za tərkibli sintetik torla videoendoskopik total ekstraperitoneal plastikasının yerli
və ümumi postoperasion ağırlaşmalarının tezliyi açıq plastika üsullarının nəticələ-
rindən müvafiq surətdə 24,7% və 26,3% aşağı olmuşdur.
5.
Qarının ön divarının birincili, residiv və əməliyyatdan sonrakı yırtıqlarının sellülo-
za tərkibli sintetik torla laparoskopik transabdominal və videoendoskopik total
ekstraperitoneal plastikasından sonra stasionar müalicə müddəti müvafiq surətdə
2,3±0,7 və 2,1±0,9 gün təşkil etmişdir, və bu göstəricilər açıq plastika üsullarının
nəticələrindən (7,5±1,2) xeyli üstündür.
Dostları ilə paylaş: |