50
mənfi təsirindən qorumaq üçün mühüm əhəmiyyət kəsb edir. Belə ki, 2014-cü ildə
ərzaq məhsullarının ümumi idxalda xüsusi çəkisi 2010-ci illə müqayisədə 4,6 %
bəndi azalaraq 11,6% təşkil etmişdir. Bu isə onunla izah olunur ki, əhalinin ət və ət
məhsullarına, konserv məmulatlarına, mineral sulara, tütün və tütün məmulatlarına,
spirtli içkilər, toyuq əti və yumurtaya, habelə bir sıra digər mallara tələbatının əsas
hissəsi daxili istehsal hesabına ödənilir. Onu da qeyd edək ki, qeyd edilən dövrdə
idxalda maşın və elektrik aparatları, avadanlıqlar və onların ehtiyat hissələrinin
həcmi 3 dəfədən çox artmaqla, ümumi idxalın 25,8%-ni təşkil etmişdir. Fikrimizcə,
idxal üçün respublikadan kənara aparılan ümumi miqdarda vəsaiti daxildə həmin
malların istehsalına yönəltmək və bu işdə gömrük-tarif tənzimlənməsinin bütün
imkanlarından istifadə etmək lazımdır.
Hazırda Azərbaycana idxal olunan malların təqribən 70%-i vergitutma
obyekti hesab olunur. Əvəzsiz maliyyə və texniki yardımlar, qrantlar, kreditlər və
borclar hesabına idxal olunan mallar, habelə investisiya təyinatlı mallar gömrük
rüsumlarına cəlb olunmur.
1997-ci ildən etibarən ixraca gömrük vergi və rüsumlarının tətbiqi
dayandırılmışdır. Kənd təsərrüfatı istehsalını stimullaşdırmaq məqsədilə idxal
olunan toxum, yem, gübrə, ehtiyat hissələri, kənd təsərrüfatı maşın və
mexanizmlərinə gömrük vergi və rüsumları tətbiq edilmir və bəzi kənd təsərrüfatı
məhsullarının idxalına isə mövsümi rüsumlar tətbiq edilir.
Son vaxtlar respublikada aparılan gömrük siyasətinin əsas istiqamətlərindən
sayılan differensiallaşdırılmış tarif tənzimlənməsi sisteminə keçilmişdir. Hazırda
Azərbaycanda mövcud tarif siyasəti daxili istehsalı dəstəkləməklə yanaşı, yeni
texnika və texnologiya idxalını da təşviq edir. Tarif dərəcələrinin ən yüksək həddi
15%-dir ki, bu da MDB ölkələri arasında ən optimal göstərici sayılır.
Hazırda Azərbaycan Respublikasında tətbiq edilən gömrük rüsumları 2007-ci
ildə qəbul edilmiş vahid sistemə əsaslanır. Qanunvericiliyə uyğun olaraq,
advalor(malın idxal qiymətinə tətbiq olunan) gömrük tarifləri 0%, 0.5%, 1 %, 3%,
5%, 10 % və 15 % dərəcəsində müəyyən edilmişdir(ədəd üçün rüsumlar,metrik
51
vahid üçün rüsumlar da tətbiq edilir) İdxal edilən məhsulların əksər
hissəsinə,həmçinin 18%-lik əlavə dəyər vergisi tətbiq edilir.
Aksiz vergisi müəyyən növ məhsullara (məsələn, tütün və spirtli
içkilər,nəqliyyat vasitələri) tətbiq edilir. Azərbaycan "ünvanlanan ölkə ƏDV-si"
prinsipini qəbul etmişdir və (hazırda 18 % səviyyəsində olan) ƏDV (eləcə də,
qiymətləndirilən idxal rüsumları və aksiz vergisi) malların bəyan edilmiş
dəyətindən (əlbəttə ki, tətbiq edilən vergi rejimindən asılı olaraq) ödənilir. Malların
çox məhdud kateqoriyaları və növləri ƏDV-dən azaddır və bəzi digərlərinə isə 0 %
ƏDV tətbiq edilir Azərbaycan Respublikası Nazirlər Kabinetinin " Azərbaycan
Respublikasında idxal-ixrac əməliyyatları üzrə gömrük rüsumlarının dərəcələri,
gömrük rəsmiləşdirilməsinə görə alınan yığımların miqdarı haqqında "2001-ci il 21
aprel tarixli 80 nömrəli qərarına dəyişiklik edilməsi barədə" 27 noyabr 2007-ci il
tarixli 189 nömrəli qərarı ilə nəzərdə tutulmuş gömrük rəsmiləşdirilməsi xərcləri
bəzi kiçik istisnalarla bütün idxal/ixraca tətbiq edilir.
Bununla yanaşı, ölkədə daxili istehsala şərait yaratmaq üçün bir sıra idxal
malları Nazirlər Kabinetinin qərarı ilə idxal rüsumlarından və ƏDV-dən azad
edilmişdir. Lakin dünya təcrübəsinə görə vergi güzəştləri konkret sahəni və
konkret dövrü əhatə etməlidir.
Ölkənin büdcə gəlirlərində gömrük vergi və rüsumlarının xüsusi çəkisi 1994-
cü ildəki 3,2%-dən 2005-ci ildə 18,3% qalxmışdır. Lakin sonralar gömrük vergi və
rüsumlarının məbləğ etibarı ilə artımı təmin edilsə də, onun xüsusi çəkisində
azalma meyli müşahidə olunur. Belə ki, 2002-ci ildə bu göstərici 20,3% (184,4
mln. manat), 2003-cü ildə 17,3% (212,2 mln. manat), 2004-cü ildə 17,0% (260,7
mln. manat), 2005-ci ildə 18,3 (376,2 mln. manat), 2012-ci ildə isə 7,0%(1208,3
mln manat), 2013-cü ildə 7,2% ( 1383,3 mln. manat), 2014-cü ildə isə 8,2%
(1510,8 mln. manat) təşkil etmişdir.
Bəzi növ metal və metal məhsullarını istisna edərək, ixrac əməliyyatları
gömrük rüsumlarından azaddır. Azərbaycana idxal edilən mallara idxal rüsumları
tətbiq edilir (0%-dən 15 %-ə qədər olan advalor rüsumlar, vahidə görə rüsum və
metrik vahidə rüsum). Mənşə ölkəsindən asılı olmayaraq, bir sıra mallara, o
52
cümlədən birgə müəssisənin nizamnamə kapitalına yaxud 100 faizlik xarici kapıtalı
olan müəssisənin təsis edilməsinə yatırım kimi xarici sərmayədar tərəfindən
Azərbaycana idxal edilən vəsaitlərə, müvəqqəti idxal edilən mallara, tranzit
mallara və yalnız fərdi istifadə üçün əcnəbi işçilərin gətirdiyi mülkiyyətə idxal
rüsumu qoyulmur.
Respublikamızda sahibkarlığın inkişafına əngəl törədə bilən hər cür
maneələrin aradan qaldırılması, daxili bazarın qorunması, sağlam rəqabət və
bütövlükdə şəffaf biznes mühitinin yaradılmasında gömrük-tarif tənzimlənməsi
tədbirlərinin imkanlarından daha səmərəli istifadə olunmalı və qaçaqmalçılığa
qarşı mübarizənin daha da gücləndirilməsində qabaqlayıcı tədbirlərdən istifadə
imkanları daha da arıtırılmalıdır.
Azərbaycanın Ümumdünya Ticarət Təşkilatına üzv olmasına hazırlıq prosesi
ilə əlaqədar olaraq ölkədə xüsusi qrup fəaliyyət göstərir. Ölkəmizin bu nüfuzlu
quruma daxil olması üçün istehsalın stimullaşdırılması və rəqabət qabiliyyətli
məhsulların istehsalı məqsədəuyğun hesab edilir. Mütəxəssislərin fikrincə, əgər
yerli iş adamları yüngül, yeyinti və emal sənayesində hazır məhsulların istehsalına
keçsələr, yəni xammal son məhsul halına göstərilib dünya bazarına çıxarılsa,
Azərbaycan ÜTT-yə hazır ölkə kimi girmiş olacaq[14, s.80]. Odur ki, Avropa
ölkələri ilə sıx ticarət əlaqələri qurarkən ilk növbədə yerli istehsalın rəqabət
qabiliyyətinin gücləndirilməsinə çalışılmalıdır.
MDB daxilində qarşılıqlı ticarətin liberallaşdırılması meyllərinə baxmayaraq
buraya daxil olan ölkələrin əksəriyyətində malların idxalı və ixracının
tənzimlənməsi zamanı bir sıra məhdudiyyətlər tətbiq olunur. Mütəxəssislərin
fikrincə, tərəfdən keçid dövrünü yaşayan ölkələrdə büdcə gəlirlərinin idxalından
asılılığı, digər tərəfdən, daxili bazarı qorumaq istəyi ilə izah olunur. Onu da
göstərək ki, qeyd edilən məhdudiyyətlər bütövlükdə götürdükdə dünya təcrübəsinə
uyğundur, eyni zamanda, həmin məhdudiyyətlər əsasən idxala tətbiq olunur və
vergi tutumlu malların ölkə ərazisinə idxalı zamanı mane yaratmaqla başlıca olaraq
bazarı qorumaq məqsədi daşıyır. Tədqiqatlara görə ixracda belə məhdudiyyətlər
azdır və əsasən həmin malların daxili bazarda qalmasını təmin etmək məqsədi
Dostları ilə paylaş: |