41
səbəb olacaqdır. Xarici iqtisadi əlaqələr genişləndikcə bir sıra məhsulların
idxalının artmasının səbəblərindən biri kimi yerli istehsal sahələrinin inkişaf
etməməsinin səbəb olması fikrinə nümunə kimi kənd təsərrüfatı və onun emalı
sənayesinin məhsullarının idxalının 1995-ci illə müqayisədə 2000-ci ildə az
olmasını göstərə bilərik. Belə ki, məlumdur ki, 1996-cı ildən başlayaraq ölkənin
aqrar sektorunda inkişaf baş vermiş, bununla də kənd təsərrüfatı məhsullarına olan
tələbatın daxili istehsal hesabına ödənilməsi səviyyəsi yüksəlmişdir ki, bu da
müvafiq məhsullar üzrə idxalın azalmasına səbəb olmuşdur. Lakin burada bir
məqamı da qeyd etmək lazımdır ki, araşdırmalara görə gəlirlər səviyyəsi aşağı
olduğundan əhalinin ərzaq məhsullarına olan tələbatı müvafiq fizioloji normalara
uyğun ödənmir. Yəni kənd təsərrüfatı və onun emalı sənayesinin məhsullarının
idxalının az olması təkcə daxili istehsalın artmasına görə deyil, həm də əhalinin
alıcılıq qabiliyyətinin aşağı olmasına görədir. Bu eynilə yüngül sənaye məhsulları
istehsalına da aiddir. Belə ki, bildiyimiz kimi bu sənaye sahəsi üzrə daxili
istehsalın həcminin çox cüzi olmasına baxmayaraq, onun idxalının da həcmi çox
azdır. Bu sahə üzrə 2002-ci ildəki idxal 1991-ci ilin səviyyəsindən 6,1 dəfə az
olmuşdur. Hansı ki, məlum olduğu kimi 1991-ci ildə bu sahə üzrə daxili istehsalın
da həcmi indiki ilə müqayisədə çox yüksək olmuşdur.
Azərbaycanın xarici ticarət əlaqələrinin keyfiyyət aspektləri üzrə təhlilini
xarici ticarətdə iştirak edən məhsulları funksional təyinatına görə qruplaşdırmaqla
və həmçinin xarici ticarət şərti indeksini hesablamaqla da aparmağı məqsədəuyğun
hesab etmişik. İlk növbədə idxal və ixracın strukturunu funksional təyinatına görə
qruplaşdıraq. Göründüyü kimi, 1991-ci ildə ölkənin həm idxalında və həm də
ixracında istehlak malları istehsal-texniki təyinatlı məhsullardan üstün olmuşdur.
Bu hal 1995-ci ildə daha yüksək formada-idxal edilən və ixrac edilən istehlak
mallarının daha da çoxalması ilə müşahidə edilmişdir. Digər tərəfdən isə istər
1991-ci ildə və istərsə də 1995-ci ildə ixrac olunan texniki təyinatlı məhsulların
böyük bir hissəsi xammal və yarımfabrikatlardan, az bir hissəsi isə maşın və
avadanlıqlardan ibarət olmuşdur. Qeyd edək ki, bu hal 1991-ci ilin idxalına da
aiddir. Lakin bundan fərqli olaraq 1995-ci ildə idxal olunan istehsal-texniki
42
təyinatlı mallar qrupunda maşın və mexanizmlər üstünlük təşkil etmimşdir.
Ümumiyyətlə, 1995-ci ildən etibarən ixracda xammalın və idxalda isə maşın və
avadanlıqların payının artması hesabına xarici ticarətin strukturunda istehsal-
texniki təyinatlı məhsullar üstünlük təşkil etmişdir. Yəni müasir dövrdə ölkənin
ixracının əsasən xammaldan ibarət olması kimi bir mənfi hal müşahidə edilir.
Yuxarıda da qeyd etdiyimiz kimi, idxalda maşın və avadınlıqların, ümumiyyətlə
istehsal-texniki təyinatlı məhsulların xüsusi çəkisinin yuxarı olmasını isə müsbət
hal kimi qiymətləndirmək lazımdır.
2004 və 2005-ci illər ərzində respublikanın rezident və qeyri-rezidentləri
tərəfindən müvafiq olaraq 123 və 135 ölkə ilə aparılmış ticarət əməliyyatlarının
həcmi 7 və 8,5 mlrd. ABŞ dolları olmuşdursa, 2012-ci ildə 155 ölkə ilə aparılmış
ticarət əməliyyatlarının həcmi 33,6 mlrd. dollar təşkil etmişdir. 2013-cü ildə isə
155 ölkə ilə aparılmış ticarət əməliyyatlarının həcmi 34,7 mlrd. dollar təşkil
etmişdir. 2004-cü ildə 3,6 mlrd. ABŞ dolları dəyərində 1297 adda mal ixrac, 3,5
mlrd. ABŞ dolları dəyərində 5351 adda mal isə idxal olunmuş, idxal-ixrac
əmliyyatları üzrə müsbət saldo 109,9 mln ABŞ dolları təşkil etmişdir. 2004- cü ilə
nisbətən 2005-ci ildə ixrac əməliyyatlarının həcmi 20,2%, idxal əməliyyatlarının
həcmi isə 19,5% artaraq müvafiq olaraq 4,3 və 4,2 mlrd. ABŞ dolları təşkili
etmişdir. 2011-ci il ərzində 24,0 milyard ABŞ dolları məbləğində 2111 adda mal
ixrac, 10,7 milyard ABŞ dolları dəyərində 6159 adda mal idxal olunmuş, idxal-
ixrac əməliyyatları üzrə müsbət saldo 13,3 milyard ABŞ dolları təşkil etmişdir.
2012-ci ilə nisbətən 2013-cü ildə ixrcaın həcmi 0,3% (0,1 mlyrd. ABŞ dolları),
idxalın həcmi isə 11,o % (1,0 mlyrd. ABŞ dolları) artmışdır (8, s.24). Qeyd edilən
dövrdə idxal əməliyyatlarının həcmi əsasən avadanlıqlar və texniki qurğuların,
elektrik maşınları və onların hissələrinin, ərzaq məhsullarının, qara metallar və
ondan hazırlanan məmulatların, nəqliyyat vasitələrinin, mebelin və başqa malların
idxalı hesabına artmışdır.
2004-cü ildə ixracın strukturunda xam neft və neft məhsullarının xüsusi
çəkisi 82%, kimya sənayesi məhsulları 2,1%, alüminium və ondan hazırlanan
məmulatlar 1,35%, qara metallar və onlardan hazırlanan məmulatlar 1,25% təşkil
43
edirdisə, 2005-ci ildə həmin göstəricilər müvafiq olaraq 76,%, 3%, 1,2%, 1%
olmuşdur. 2014-cü ildə isə ixracın strukturunda xam neft və neft məhsullarının
xüsusi çəkisi 92,0%, meyvə və tərəvəz – 1,3%, kimya sənayesi məhsulları –
0,35%, aliminium və ondan hazırlanan məmulatlar – 0,4%, bitki və heyvan
mənşəli yağlar – 0,9%, qara metallar və ondan hazırlanan məmulatlar -0,2% təşkil
etmişdir[2].
2004-2005-ci illərdə idxalın strukturunda maşın və elektrik aparatları,
avadanlıqlar, elektrotexnika qurğuları və onların hissələri 30-33%, qara metallar və
onlardan hazırlanan məmulatlar 10-16%, ərzaq məhsulları 10,6-10,8%, nəqliyyat
vasitələri və onların hissələri 7-10%, neft qazı və qazaoxşar karbohidrogenlər 6-7%
təşkil edir. 2014-cü ildə isə idxalın strukturunda maşın və elektrik aparatları,
avadanlıqlar, elektrotexnika qurğuları və onların hissələri 28,1%, nəqliyyat və
onun hissələri – 9,2%, ərzaq məhsulları – 11,6%, qara metallar və ondan
hazırlanan məmulatlar – 11,1%, əczaçılıq məhsulları – 2,5%, xalq istehlakı malları
və mebel – 1,25%, oduncaq və ondan hazırlanan məmulatlar – 1,4%, təşkil
edir[2].
2.2. İdxal-ixrac məhsullarına qiymət səviyyəsinin təsirinin təhlili.
Xarici iqtisadi fəaliyyətdə gömrük-tarif tənzimləmələrinə üstünlük verilməsi
ölkədə aparılan iqtisadi islahatların başlıca xüsusiyyətlərindən hesab edilir. Bazar
iqtisadiyyatına keçidin hazırkı mərhələsində səmərəli fəaliyyət göstərə bilən
gömrük-tarif tənzimləmə mexanizminin qurulması fəal və kiçik gömrük siyasətinin
həyata keçirilməsinin, eləcə də ölkənin iqtisadi təhlükəsizliyinin təmin edilməsinin
və iqtisadi maraqlarının qorunmasının mühüm şərti kimi çıxış edir.
Gömrük siyasətinin həyata keçirilməsinin əsas vasitələrindən biri də gömrük
ödənişləridir. Gömrük məcəlləsinin 17-ci maddəsinin 19-cu bəndinə əsasən
“Gömrük ödənişləri müəyyən olunmuş qaydada Azərbaycan Respublikası gömrük
orqanları tərəfindən alınan gömrük rüsumları, vergilər, gömrük yığımları, hüquqi
və fiziki şəxslərə gömrük fəaliyyəti üçün lisenziyaların verilməsinə görə alınan
yığımlar, haqlar və digər ödənişlərdir”.
Dostları ilə paylaş: |