10
2. Gəlirlərlə əməliyyatlar;
3. Maliyyə vasitələri ilə bağlı əməliyyatlar;
4. Fövqəladə hadisələr nəticəsində aktivlərin dəyişməsini xarakterizə edən sair
əməliyyatlar. Onu da qeyd edək ki, bu əməliyyatlar “Aktivlərin sair dəyişməsi
hesabına” qeyd edilir.
Əsas təsnifatlaşdırmalardan biri mal və xidmətlərin əsas qruplar üzrə
təsnifatlaşdırılmasıdır. Bu mal və xidmətlərin beynəlxalq təsnifatına uyğun olaraq
həyata keçirilir.
Milli Hesablar Sistemində cari və kapital vergilər, istehsal və idxala vergilər, gəlir
və mülkiyyətə vergilər bir-birindən fərqləndirilir.
MHS – də istehsala və idxala vergilər dövlət idarəetmə orqanlarının ilkin gəlirləri,
gəlir və mülkiyyətə vergilər yenidən vergi ödəmələri kimi izah olunur. İstehsala və
idxala vergilər öz növbəsində iki qrupa – məhsullara vergilərə və istehsala sair
vergilərə bölünür. Ümumi buraxılışın qiymətləndirilməsi baxımından bu
fərqləndirmə vacibdir. Məhsullara vergilər (əlavə dəyər və idxala vergilərdən başqa)
istehsalçı qiyməti üzrə əlavə dəyərin tərkibinə daxil edilir, lakin əsas qiymətlərlə
qiymətləndirmədə isə əlavə dəyərin tərkibinə daxil edilmir.
Əvvəllər Milli Hesablar sistemi Milli Gəlirin statistikası bazasında
yaranmışdır. Bununla müxtəlif metodlarla Milli Gəlirin qiymətləndirilən
göstəricilərinin vahid sistemə inteqrasiyası həyata keçirilmişdir. Bu inteqrasiya Milli
Gəlirin
müxtəlif
metodlarla
hesablanmasının
əsasənda
duran
qaydaların
uzlaşdırılması və harmonizasiyası demək idi. Növbəti mərhələdə MHS – nin inkişafı
və təkmilləşdirilməsi iqtisadi proseslərin müxtəlif aspektlərini xarakterizə edən
makroiqtisadi informasiyanın müxtəlif bölmələrinin , sahələrarası əlaqələr , xarici
iqtisadi əlaqələr, mili sərvət, maliyyə vasitləri ilə əməliyyatlar göstəricilərinin
ümumi sistemə inteqrasiya və sistemin əsas göstəriciləri ilə harmonizasiya
istiqamətində olmuşdur[4]. MHS – nin bu cür quruluşu onun analitik imkanlarını
əhəmiyyətli şəkildə artırır və ayrı – ayrı makroiqtisadi dəyişənlər arasındakı əlaqələri
11
müəyyənləşdirməyə imkan verir ki , bu da iqtisadiyyatdakı dəyişiklikləri şərtləndirən
amilləri aşkar etmək üçün vacibdir.
MHS – nin müasir xüsusiyəti ondan ibarətdir ki, o yalnız bütövlükdə
iqtisadiyyatın deyil , həm də onun mühüm struktur bölmələrinin və institutsional
sektorların vəziyyətini və inkişafını səciyyələndirməyə və struktur bölmələrin
arasındakı qarşılıqlı əlaqələri aşkar etməyə imkan verir.
Milli Hesablar Sisteminin analitik imkanlara malik olması müasir dövrdə
statistik təhlilin konseptual əsası kimi onun əhəmiyyətini daha da artırır.
Milli Hesablar Sisteminin mühüm xüsusiyyətlərindən biri də ondan ibarətdir ki,
o yalnız ən mühüm makoiqtisadi göstəricilər sistemini özündə əks etdirmir, həm də
sosial – iqtisadi statistikanın bütün aspektlərininin əlaqələndirilməsi vasitəsidir.
Bu sistemin bütün dünyada geniş yayılmasının əsas səbəblərindən biri onun
beynəlxalq iqtisadi dil formasında çıxış etməsidir. Milli Hesablar Sistemində olan
makroiqtisadi informasiya axınından daha çox dövlət idarəetmə orqanları iqtisadi
siyasətin, iqtisadi artımın stimullaşdırılması, vergi sisteminin təkmilləşdiriməsi ,
xarici investisiyaların cəlb edilməsi , həyat səviyyəsinin yüksəldilməsi tədbirlərinin
işlənib hazırlanması məsələləri üzrə qərarlar qəbul edərkən istifadə edirlər. Bu
konteksdə dövlət büdcəsinin formalaşdırılması üçün Ümumi Daxili Məhsul
haqqındakı məlumatlardan istifadə edilməsini xüsusi qeyd etmək olar. Dövlət büdcəsi
kəsrinin Ümumi daxili Məhsula nisbətinə fiskal siyasətin səmərəlilik göstəricisi kimi
baxılır.
Məlumdur ki, bazar iqtisadiyyatında müxtəlif iqtisadi əməliyyatlar yerinə
yetirilir: müəssisələr xammal və materiallar alırlar, müxtəlif məhsullar istehsal
edirlər, fəhlə və qulluqçular əmək haqqı, dövlət büdcəsinə vergi ödəyirlər, banklardan
borc pul götürür, sərbəst və cəlb edilmiş resursları fiziki kapitala investisiya qoyurlar
və s. Müəssisələrdən başqa iqtisadi proseslərdə digər təsərrüfat subyektləri: maliyyə
idarələri (banklar, investisiya fondları, sığorta kompaniyaları), dövlət idarəetmə
orqanları, ev təsərrüfatları, müxtəlif qeyri-kommersiya təşkilatları (həmkarlar, siyasi,
dini təşkilatlar və s.) iştirak edirlər. Bu təsərrüfat subyektləri də əmtəə və xidmətlər,
12
pullar, kreditlər, aksiyalar və digər maliyyə alətləri ilə müxtəlif əməliyyatlar yerinə
yetirirlər. Yeni dəyərin yaradılması prosesində təsərrüfat subyektləri bir-biri ilə
qarşılıqlı əlaqədə və təsirdə olurlar. Buna görə də təsərrüfat subyektləri və onların
yerinə yetirdikləri əməliyyatları, onların aktiv və passivləri haqqında informasiyaları
müəyyən qaydada təsnifatlaşdırmaq, sistemləşdirmək zərurəti yaranır. Bu
sistemləşdirmə xüsusi qaydalar və proseduraların köməyi ilə MHS -də yerinə yetirilir.
MHS-nin qurulması nəticəsində hesabat dövründə ölkənin fəaliyyətini
xarakterizə edən makroiqtisadi göstəricilər qurulur. MHS əsasında bu göstəricilərin
hesablanılması zamanı maddi və qeyri-maddi istehsal arasında fərq qoyulmur, ona
görə də burada bütün əmtəə və xidmətlər nəzərə alınır. Ev təsərrüfatının fərdi son
istehlakı üçün ev və məişət xidmətlərinin istehsalı MHS-də əks olunan istehsaldan
çıxılır. Milli hesablarda aşağıdakı ev və məişət xidmətləri əks olunmur:
- ev təsərrüfatlarının öhdəsində olan mənzilin yığışdırılması və saxlanması;
- uzunmüddət istifadə olunan məişət əşyalarının təmizlənməsi, xidməti və təmiri;
- qidanın hazırlanması və verilməsi;
- uşaqların tərbiyəsi və təhsili;
- xəstələrə, əlillərə və qocalara qulluq;
- ev təsərrüfatı üzvlərinin və onların əmlakının daşınması[3].
Müasir milli hesablar sisteminin mühüm xüsusiyyəti onun ümumi əhatəlilik
xarakterdə olmasıdır. Bu o deməkdir ki, milli hesablar sistemi iqtisadi proseslərin
bütün aspektlərinin (istehsal, gəlirlərin bölgüsü və təkrar bölgüsü, istehlak və əmanət,
investisiyanın maliyyələşdirilməsi, maliyyə vasitələri ilə əməliyyat, xarici iqtisadi
əlaqələr, milli sərvətin formalaşdırılması) qarşılıqlı əlaqədə təsvirini təmin edir.
Ümumiləşdirilmiş şəkildə milli hesablar sisteminə bütün təsərrüfat subyektləri
(institusional vahidlər), bütün iqtisadi əməliyyatlar (mal və xidmətlərlə, gəlir və
maliyyə vasitələri ilə), təsərrüfat subyektlərinin bütün aktiv və öhdəlikləri haqqında
informasiya daxildir. Eyni zamanda bu sistemdə fövqaladə xarakterli hadisələr (təbii
fəlakət, texnogen fəlakət, təbii ehtiyatların tükənməsi) nəticəsində aktiv və
öhdəliklərin dəyişməsi haqqında məlumatlar da nəzərdə tutulur.
Dostları ilə paylaş: |