84
oxumaq Malxazovun vəzifəsi deyildir. Keçən dəfə bu barədə təklif etmişdim. Sədr
dedi ki, vaxtı gələrkən səsə qoyacağam. Ona görə mən də geri götürdüm. Bir də
bilməmisiniz ki, tələbələrin hüququ yalnız bu maddədə deyil ümum şura
məsələsinə də aiddir. Əgər o vaxt qaldırsaq, Malxazov deyərdi ki, şura məsələsi
keçdi. O vaxt danışa idiniz. Ona görə mən bunu rədd edirəm. Keçən dəfə təklif
olmayıbdır. Mən təklif edirəm ki, tələbələr şurada iştirak etsinlər, fəqət rəyləri
olmasın.
Rəis - Söz məarif naziri Kaplanovundur.
Rəşid xan Kaplanov - Əfəndilər! Əski Rusiyada darülfünunlar bir
müəssiseyi-məarifdən ziyadə, bir mərkəzi-siyasət olmuşdu. Ona görə tələbələr
siyasət ilə iştiğal edərlərdi. Bunun üçün tələbələr bu maddə əleyhinə çalışarlar.
Bizdə isə böylə deyildir. Azərbaycan kimi hüquqi-siyasiyyəyi təmin edən bir
məmləkətdə tələbələrin hüquqi siyasiyyələrindən bəhs etmək lazım deyil, bir də
siyasət ilə iştiqal edən böyük məclisimiz Parlaman və siyasi firqələrdir. Arzu
edərdik ki, darülfünun siyasətdən uzaq olub ülum və bütün ilə iştiqal etsin. Əgər
tələbələr siyasət ilə iştiğal etmək arzu edərlər isə bir müəllim və tələbə kimi deyil
bir qrajdan kimi iştirak etsinlər. Russiyada mülahizati-siyasiyyədən məşət edən
məsələləri burada qaldırmağın yeri deyildir. Bunun nə qədər zərərli olduğunu
nəzərə alaraq mən bu təklifə etiraz edirəm. Siz pək eyi anlarsınız ki, bir müəllim
şərq tarixi tərtib verməklə məşğul ikən, bir edadi tələbəsinin onun işinə qarışması,
işləri nə qədər ləngidir. Siz bilirsiniz ki, darülfünün içərisində konardan gələnlər
bulunacaqdır. Aralarında bir müna-sibət olmayan üzvləri şuraya buraxmaqla siz
darülfünunu nə hala qoymaq istəyirsiniz. Mən şurada tələbələrin iştirakını qətiyyən
lazım bilmirəm.
Rəis - Sırada natiq olmadığından, söz məruzəçi Mehdi bəy
Hacınskinindir.
Mehdi bəy Hacınski - Qarayev əfəndinin özgə xəyali yoxdur. Hər nə yaxşı
iş varsa, deyir ki, inqilab nəticəsidir. Hər nə pis şey varsa, deyir ki, Nikolaydan
qalıb. Lakin əsasi ilə baxılmalıdır. Hansı Yevropa darülfünunda tələbələr
darülfünun şurasında iştirak edir?
Qarayev (yerindən) - Mən qətiyyən komisyon tərəfindən bu işə razı ola
bilmərəm.
Rəis - Əhməd bəy tərəfindən 4-cü babın 16-cı maddəsinə əlavə olaraq bir
təklif varid olmuşdur. Təklif belədir: Darülfünun şurasına tələbə nümayəndələri
daxil edilsin. Çünkü komisyon bu təklifi qəbul etmir. Əvvəlcə bunu səsə
qoyacağam. Kim bu əlavəni qəbul edirsə rica edirəm əlini qaldırsın. (Əllər qalxır).
Kim bunun əleyhinədir. (Əllər qalxır). Rica edirəm, səsi məxsərəyə qoymayasınız.
Həm lehinə, həm əleyhinə səs vermək olmaz. Mən sizlərə fikir verirəm. Səs
verməyən (Əllər qalxır). Təklifin lehinə 11, əlehinə 32, səs verməyən 7 - əksəriyyət
85
rəylə təklif qəbul edilmir. 4-cü babı komisyon qəbul etdiyi kimi səsə qoyuram.
Kim qəbul edirsə rica edirəm əlini qaldırsın. (Əllər qalxır). Kim əleyhinədir? (Əllər
qalxır). Kim səs verməyib? (Əllər qalxır). 4-cü babın lehinə 23, əleyhinə 12, səs
verməyən 10. Əksəriyyət rəylə 4-cü bab komisyon təklifi ilə digər qərar üzrə qəbul
edilir. (Katibə) 5-ci babı oxuyun.
Katib - (Layihənin 5-ci babını türkcə və Rusca oxuyur).
Rəis - Beşinci bab xüsusində kim danışmaq istərdi? Natiq olmadığından
səsə qoyuram. Etiraz yoxmu? Beşinci bab qəbul edilir, altıncı babın oxuyunuz.
Katib - Altıncı babın oxuyur.
Rəis - Altıncı bab qurtardımı? Altıncı bab xüsusunda kim danışmaq
istərdi? Natiq olmadığından səsə qoyuram. Etiraz yoxmı? Etiraz olmadığından 6-cı
bab qəbul edilir. Yeddinci babı oxuyunuz? (Kyüsterə) - Zənki çalın, kvorum
yoxdur, çağırınız. (Katibə) Oxuyunuz.
Katib - Oxumağa dəvam edir. Katib - Bunun ayrıca bir təshihi də vardır.
Rəis - Oxuyunuz, təshihlə bərabər.
Mehdi bəy (Oxuyur) - (Rusca) Burada 30-su maddədə deyilir ki, guya bir
məsələ müzakirə olunan vaxtda qeyb olan professor öz rəyini digər bir professora
verə bilər ki, onun ixtiyarı olsun iki səs verməyə. Komisiya buna baxdıqda,
komisyada iki cərəyan vardı. Bir o idi ki ixtiyar verilsin, digəri isə deyir ki, bu
demokratik üsulu ilə doğru deyil, onun üçün əksəriyyət ilə qərar verildi ki, bir
professorun səsini qeyrisinə verə bilsin və 30-cu maddə böylə olsun. (Oxuyur).
Vəssalam. İclasa gəlməyənlər otuzuncu maddəyə görə səslərini itirirlər. Rəis -
Komisyonun rəyi nədir? Mehdi bəy – Bəylə qərar qoydu. Rəis - Oxuyunuz. Mehdi
bəy - (Rusca, oxuyur). Rəis - Xülasə! Maddəni komisya nə tör qəbul edib, öylə
oxuyun.
Mehdi bəy - (Oxuyur).
Rəis - Yerdə qalan buraxılırmı? Onu eşitdiniz ki, komisyon tərəfindən
yalnız 30-cu maddə təshih olunur. Böylə ki, isbativüsud edən professorlar rəy
veriblər və vəkalət üzrə səs verə bilməzlər. Odur ki, 7-ci babı komisyonun rəyi ilə
səsə qoyuram. Kim bu maddəni qəbul edir, təvəqqe edirəm əllərini qaldırsın (əllər
qalxır). Etiraz yoxdır. Müttəhidülrəy ilə qəbul olunur. 7-ci babda müttəhidülrəy
qəbul olunur. Müsaidənizlə o biri fəsl gələn iclasa təyin olunsun. Məsələ həll
olunduğuna görə keçirəm növbədəki məsələlərə. (Rusca). Növbədəki məsələlərə
keçməmişdən 5 dəqiqə tələffüs elan edirəm.
Rəis - İclas dəvam edir. Növbədəki hökumət məmurlarına yeni maaş
verilməsi xüsusunda qanun layihəsidir. Məruzəçi Əbdüləli bəy.
Əbdüləli bəy - Möhtərəm məbuslar! Güzəranın gündən-günə bahalaşması
münasibətilə məmurların maaşı az olduğundan Parlamanın fevral qətnaməsinə görə
maliyyə naziri töhti-nəzarətində bir komisyon təşkil olunmuşdu. O komisyon