20
Şəkil 2.36 Nişanlama alətləri: a) xətkeş,
b) bucaqlıq, c) metal qələm, d) pərgar, e) sümbə
Detalın səthində kərtiyi ucu tavlandırılmış və iti yonulmuş cızıqçəkənlə
çəkirlər. Kərtiyi çəkərkən
cızıqçəkəni iki istiqamətdə əymək lazımdır:
biri xətkeşdən kənara, o biri isə cızıqçəkənin hərəkəti
istiqamətində. Cızıqçəkəni hazırlamaq üçün diametri 3-5mm olan U10 və ya U12 markalı bərk alət
poladından istifadə edirlər. Cızıqçəkənin uzunluğu 200-250mm -dən çox götürülmür.
Onu bir və ya
ikiuclu hazırlayırlar. Onun bir ucu 45-90ºC bucaq qədər əyilmiş olur. Cızıqçəkəni xətkeşə bərabər sürətdə
sıxmaq və fikir vermək lazımdır ki, xətkeş detala kip yatmış olsun. Sümbə,
kərtiyin (xəttin) boyu uzunu
kiçik konusvarı oyuqlar çəkmək üçündür. Sümbələmə əməliyyatı nişanlama kərtiklərinin daha yaxşı
görünməsi üçün aparılır.
Şəkil 2.37 Reysmus
Pərgardan emal ediləcək hissə üzərində çevrə və qövs cızmaq üçün istifadə olunur. Emal olunan
hissənin üzərində pərgar vasitəsi ilə nişanlama apardıqda onun ucları lazımi ölçüyə uyğun açılır. Sonra
onun uclarından biri hissənin üzərinə sıxılır. Digər ucu müəyyən çevrə formalı cızıq çəkmək üçün fırladılır.
Pərgarla işlədikdə hissənin üzərində cızıq açılması üçün onu müəyyən qüvvə ilə sıxırlar. Buna görə də
21
pərgarın saz və möhkəm olması nəzərdən keçirilməlidir. Alət kimi istifadə olunan pərgar polad
materialdan hazırlanır. Onun iti ucu tablandırılır ki, yeyilməyə davamlı olsun.
Emal olunan hissənin üzərində paralel, şaquli və üfüqi xətlər çəkmək üçün reysmusdan istifadə
olunur. Bununla yanaşı, nişanlanacaq hissəni nişan lövhəsi üzərində yerləşdirmək və yoxlamaq üçün də
reysmusdan istifadə olunur.
Adi reysmusla yanaşı, üfüqi reysmusdan da istifadə olunur.
Üfüqi reysmus adi reysmusa
nisbətən çox dəqiqdir. Əsasən, böyük çevrə və paralel xətlərin çəkilməsində istifadə olunur.
Ştangenreysmus
daha dəqiq nişanlama apardıqda, mərkəzləri, hündürlüyü yoxlayır və başqa
nişanlama xətlərini qeyd etdikdə istifadə edirlər. 90ºC-lik bucaqlıq
düz bucaqlar qurmaq,
perpendikulyarları bərpa etmək, paralel xətlər çəkmək və məmulatdakı bucaqların düzgünlüyünü
yoxlamaq üçündür.
Nişanlama ştangenpərgarı iriölçülü çevrəni nişanlamaq və ya böyük xətti ölçüləri ölçmək üçün
istifadə olunur. Nişanlama ştangenpərgarı bölgüləri olan ştanqdan və iki ayaqdan:
hərəkət edən və
hərəkət etməyən ayaqlardan ibarətdir. Hərəkət edən ayaqda ionius vardır. Alətdə hər iki ayaq üçün
dəyişdirilən tavlandırılmış və ucu itilənmiş iynələr vardır.
Şəkil 2.38 Ştangenresmus
Şəkil 2.39 Ştangenpərgar
2.1.2 Tələbələr üçün fəaliyyətlər
Başqa mənbələrdən istifadə etməklə nişanlamanın çertyojdan pəstaha köçürülmə
qaydalarına dair axtarışlar aparın və nəticələrinizi təqdimata hazırlayın
Nişanlamanın nümunədən pəstaha köçürülmə qaydalarına dair axtarışlar aparın və
təqdimatını hazırlayın
Üzərində nişanlama aparılacaq masaların axtarışlarını aparın və təqdimatını hazırlayın
Müstəvi nişanlamasına dair araşdırmalar aparın və təqdimat üçün hazırlayın
Fəza nişanlamasına dair araşdırmalar aparın və təqdimat üçün hazırlayın
Müstəvi və fəza nişanlamarının təhlilini aparın və müvafiq
qeydlər edin və təqdimat
hazırlayın
Nişanlamanın yerinə yetirilmə ardıcıllığına dair başqa mənbələrdən axtarışlar aparın və
təqdimatını hazırlayın
Metalın emal payının çertyojla tutuşdurulmasına dair araşdırma aparın və təqdimata
hazırlayın
Nişanlama aparılacaq detalların hansı səbəbdən rənglənməsini araşdırın, müvafiq
qeydlər edin və təqdimat üçün hazırlayın
Kərtik çəkən və kərtiyi sümbələyən alətlərdən istifadə edilməsinə və onların iş qaydasına
dair başqa mənbələrdən axtarışlar aparın və təqdimat hazırlayın
22
Çevrə və qövsləri nişanlamaq üçün istifadə edilən alətlərə və onlarla işləmək qaydalarına
dair axtarış edin və təqdimat üçün hazırlayın
Detalların mərkəzlərinin müəyyən edilməsi üçün nəzərdə tutulan alətlərin axtarışlarını
aparın və əldə etdiklərinizi təqdimata hazırlayın
Reysmuslardan istifadəyə dair axtarışlar aparın, müvafiq qeydlər etməklə təqdimatını
hazırlayın
2.1.3 Qiymətləndirmə
Aşağıdakı qiymətləndirmə meyarına əsasən qiymətləndirəcəksiniz:
“
Pəstahların səthində nişanlamanı aparır”
Nişanlamanı necə təsvir edirsiniz?
Nişanlamanın əsas məqsədi haqda sizin fikirləriniz necədir?
Nişanlamada səthlərə çəkilən xətlər necə adlanır?
Nişanlama aparılan masanı necə təsvir edirsiniz?
Nişanlamanın dəqiq aparılmaması sonda nələrə gətirib çıxara bilər?
Nişanlamaların növlərini necə təsvir edərdiniz?
Müstəvi nişanlamasının təsvirini necə şərh edərdiniz?
Fəza nişanlamasının təsvirini necə izah edərdiniz?
Müstəvi və fəza nişanlamalarının təhlilini ifadə edə bilərsinizmi?
Nişanlamada tətbiq edilən alət və tərtibatları necə təsvir edərdiniz?
Bucaqlıqdan hansı hallarda istifadə edilə bilər?
Ştangenresmusla reysmusun arasındakı fərqlərin necə izah edərdiniz?
Ştangenpərgarın funksiyalarını başa düşdüyünüz tərzdə izah edə bilərsinizmi?
2.2.1. Təhlükəsizlik qaydalarına əsaslanaraq metalların çapılmasını nümayiş etdirir
Dostları ilə paylaş: