72
möhkəmləndirsin Bu arzunun düşmənləri bizim düşmənlərimizdir. Bizim
yeganə vəzifəmiz düşmənlərin əlini azadlıq rejiminə münasibət və rabitəsi
olan işlərdən kəsməkdir. Uca və gur səslə deyirik: Ey müstəbid, ey mürtəce!
Hamınız bilin ki, sizin namusunuz, mal və canınız amandadır. Lakin bundan
sonra demokratiyanın müqəddəratı sizin kirli əllərinizə verilməyəcəkdir. Bu
sözlər bir şəxsin, bir vahid fərdin, bir müəyyən natiqin, bir nəfər
Xiyabaninin dili ilə deyilmir. Bu sözləri deyən demokratizmin ruhudur. Ey
azadxahlar! Ümidvar olun, çünki siz bir müəyyən iradə ilə, bilərəkdən,
anlayaraqdan qiyam etmisiz. Qələbə və müvəffəqiyyət sizinlədir”.
5 may 1920
“Ölkənin azadlıq və istiqlalı yolunda həvəslə çalışılmalıdır. Bu günkü
cəşnimiz qurtardı. Bu cəşi azadlıq yolunda şəhid olmuş qəhrəmanları
xatırlamaq, onların əziz adlarını əbədiləşdirmək üçün təşkil edilmiş və
Təbrizin azadxahları bura toplaşmışlar. Bir mühüm məsələni hörmətli
məsləkdaşlarıma xatırlamaqla, onları təbrik etməliyəm. Bu neçə gününüz
şadlıq və bəşaşətlə keçdi. Azadlıq üçün qurban getmiş adlı-sanlı
gənclərimizin və qəhrəman sərdarlarımızın adları hər saat və hər dəqiqə
dillərdə deyilməkdə idi. Onların xatirəsi bütün ürəkləri ən mehriban hisslərlə
həyəcana gətirirdi. Onları yad edirik. Lakin bu yadəvərlik müzəffəriyyətə
doğru gedən bir əsgərin xatirəsi kimidir. Çəhidlərimizin qəbri üzərində kimsə
aşlamadı, kimsə yazıqcasına nalə və fəryad etmədi. Biz, hörmətli
çəhidlərimizin qəbirləri üzərində açıq üz və çadlıqla diz çökdük. Onlara
baxdıq və bu şəhidləri özümüz kimi diri hiss etdik. Bu o deməkdir ki, biz
tərəddüd etmədən öz həyatımızı onların ölməz ruhu ilə əvəz etməyə hazır
idik. Həmişə bi iradəyə malik olmalıyıq. Ölkənin azadlıq və istiqlalı üçün
həmişə şad və şənliklə çalışılmalıdır. Məhzunluq tozuna bürünmüş qəm və
qüssə həmişə ümidsizlik gətirər. Yaşasın bəşşaş ruhlar! Yaşasın həyat
səhnəsinə açıq baxan, qorxu bilməyən və uzaq görən gözlər! Məhv olsun
indiyə kimi acizlik, yas və biçarəlik təsirləri altında saxlamış qəm və qüssə..
73
Xalqımızın böyük bir qüvvəsi bu ətalət və ixtiyarsızlıq kabusu altında
məhv olmuşdur. Bindan sonra həyatı şən və gülərüzlə keçirməli, həyat
mübarizəsinə bəçatət və şadlıqla girişməlidir. Varlıq gülşəninə acizlik, nalə
və miskinliklə deyil, ümid və şərəf gülüşləri ilə girək. Dəfələrlə dediyim
kimi, fərd ilə cəmiyyətin əhvali-ruhiyyəsində böyük fərq vardır. Cəmiyyətin
əhvali-ruhiyyəsi fərdlərin əhvali-ruhiyyəsinin yekunudur. Lakin bu əhvali-
ruhiyyə həmin cüz olan əhvali-ruhiyyədən tamamilə fərqlənir. Fərdin əhvali-
ruhiyyəsi fərdin əhvali-ruhiyyəsinə tabe olmalıdır. Şox nadir hallarda elə bir
əhvali-ruhiyyə tapıla bilər ki, özünü bu tabelikdən xilas edə bilsin. Dəfələrlə
elə olmuşdur ki, alim və ya bilikli bir adam cəmiyyətin əhvali-ruhiyyəsinin
təsiri altında öz hikmət və biliyini əldən vermişdir. Qarətçiliklə məşğul olan
bir cəmiyyətin sırasında talançılıq süfrəsinə əl uzatmış, cəmiyyətin ən alçaq
fərdləri kimi rəftar etmişdir. Habelə bunun əksinə olan hallar da vardır.
Cəmiyyət həmişə fəsad və xarabaçılığa bais olmur. Fikirləri zəlalət və pisliyə
tərəf yönəltmir. Biz görürük ki, bir oğru dəstəsi ictimai bir təşkilata tabe
olmaq vasitəsilə, düzgün bir həyat tərzinə nail olur.
İran xalqı bu günədək özbaşına həyat sürmüş və alağ otu kimi
təbiətin sinəsində böyümüş və artmışdır. Bu təəsüflü vəziyyətin inkişaf
etməsi üçün daxili nüfuzların varlığı da müəyyən rol oynamışdır. Çuç və
yaramaz nəzəriyyə və əqidələrə malik olan bir dəstə, xalqı uzun müddət
boş-boşuna və təklifsizlik çöllərində dolandırmışdır. İran xalqı möhkəm əqidə
olmadan, təcrübə və imtahanlardan sayıqlıqla istifadə etmədən, təşkilat və
tərtibatsız şəkildə uzun müddət özbaşına və təbii yol getmişdir. O, bu günki
günə kortəbii surətdə yaşayıb gəlmişdir. Bu özbaşına göyərmiş ağaca
peyvənd vurmalıdır. Yeni, sağlam və düzgün nəzəriyyəni bu camaata təlqin
etməklə, onun mühütündə bir təcəddüd-təkamül yaranmasına nail olmalıdır.
Xalqın iradəsi nəzəriyyəcə bütün bəşər kütlələrinin fövqündədir. Xalqın
iradəsinin istədiyi şey müqəddəs və möhtərəmdir. Lakin bu iradə müstəqil
yaşamaq üçün vicdana malik olmalıdır. O, nəzərlərdə saf, səmimi və parlaq
şəkildə aydın olmalı və öz varlığını subut etməlidir. Cəmiyyəti təşkil edən
74
fərdlərdən hər biri bir bəşşaş ruh ilə müstəqil vicdan ilə silahlanıb, bu
ruhiyyənini qüvvəsini dünya qarşısınds nümayiş etdirməlidir. İran əhalisi bu
günədək dağınıq fikirlərin təsirinə əsir olum, öz möhkəm, mətin və vahid
iradəsini göstərə bilməmişdir. Lakin indi özünü toplayıb vicdani imtahana
hazır olmalıdır. O, öz hazırkı vəziyyətini nəzərdən keçirməlidir, gələcəyini
qabaqcadan görməlidir. Aydın və müəyyən vəzifə qarşısında silahlanıb şərafət
mübarizəsinə girişməlidir. Buna görə də biz bütün varlığımızı sərf edirik ki,
xalq öz nöqsan və eyiblərini anlasın, başa düşsün, Biz tərəqqi və təkamül
yolunu ona nişan veririk. Batil təsəvvür və xəyalları onu şuurundan çıxarıb,
bunların yerinə həyat bəxş edən eni fikirləri yerləşdirməyə çalışırıq. Bu
məqsədə çatmaq üçün deyirik: Bu cəmiyyəti təşkil edən fərdlərdən hər birisi
xalqa olan böyük ruh yüksəkliyi ilə silahlanıb, öz varlığında saxladığı
azadlıq və istiqlal ruhunu başaqalarına da təlqin etsin.
Ey azadlıq şəhidləri! Ey fədakarlıqları ilə bizə şərafət qazandırmış
əzizlərimiz! Ey ölümləri ilə bizi dirildən, torpağımızın namuslu övladları!
Qəbirlərinizdə rahat yatın. Sizin zəhmətləriniz hədər olmamışdır, axıdılan
qanlarınız nəticəsiz qalmamışdır. Bu gün bizim başımız uca və qəlbimiz
şaddır. Bu gün sizi iftixar və xoşbəxtliklə yad edirik. Sizin xatirəniz
ürəyimizdə mətin iradə və sarsılmaz varlıq yaradır, sizin başladığınız yolu
biz davam etdiririk. Ey, hələdə qəhrəman övladlarının qarasını əynindən
çıxarmamış ana və bacılarımız! Bu kədərləri üzərinizdən rədd edin. Sizin
adamlarınız əbəs ölməmişlər. Sizin şəhidləriniz bu xalqın sırasındadır.
Görürsüzmü, onların ruhu, bizim ürəklərimizdə ən yüksək və əziz yer
tutmaqdadır. Bu ruh həmişə yaşayacaqdır. Şəhidlərimizin övladlarını şadlıq
və başı ucalıq hissi ilə tərbiyə edin. Onlara mərdlik tərbiyəsi verin. Onları da
azadxah və qəhrəman kimi böyüdün. Qoy onlar da bu şərafət meydanında
can və baş qoysunlar. Ey hüzn və qəm kabusu, bu pak mühitdən uzaq ol!
Ey acizlik və gücsüzlük naləsi, öz göz yaşlarının qara pərdəsini xalqın
üzündən çək! Qoy onlar həyatı saf, sadə, sağlam, pak və parlaq şəkildə
Dostları ilə paylaş: |